Fréttablaðið - 23.12.2002, Page 15

15MÁNUDAGUR 23. desember 2002
Generalprufa og tvö Þorláksmessuboð
Ég kem til með að eyða meiri-hlutanum af Þorláksmessunni
í Þjóðleikhúsinu. Ég tek þátt í upp-
setningunni á Með fullri reisn og
generalprufan fer fram í dag,“
segir Margrét Eir Hjartardóttir
söngkona, sem ætlar að byrja dag-
inn á því að fara í ræktina svo hún
fái nú ekki samviskubit yfir jólin.
Hinni sígildu spurningu um hvort
hún fái sér skötu í tilefni messu
heilags Þorláks svarar Margrét
neitandi. „Ég meika bara ekki að
borða skötu. Lyktin er of ógeðs-
leg.“
Seinni partinn ætlar Margrét
að slappa af og rölta um miðbæ-
inn og upplifa stemninguna. „Síð-
an er mér boðið í tvö Þorláks-
messuboð um kvöldið og ég ætla
að mæta í bæði. Sérstaklega
hlakka ég til að fara í annað boð-
ið þar sem verður óvænt uppá-
koma.“ Margrét gerir lítið úr því
þegar ýjað er að því hvort vitur-
legt sé að sækja gleðskap kvöldið
fyrir aðfangadagskvöld. „Ég hef
alltaf verið róleg á þessum kvöld-
um enda alveg vonlaust að eyða
aðfangadeginum í þynnku. Það er
í mesta lagi að ég upplifi mannlíf-
ið og gamanið yfir einu rauðvíns-
glasi.“ Að lokum segist Margrét
vera búin að klára allan jólaund-
irbúninginn. „Þetta er í fyrsta
skipti sem ég er búin að öllu enda
þurfti ég að skipuleggja þetta
svona þar sem ég verð föst uppi í
Þjóðleikhúsi meirihlutann úr
deginum.“ ■
MARGRÉT EIR HJARTARDÓTTIR
Kemur til með að eyða meirihlutanum af Þorláksmessunni í Þjóðleikhúsinu.