Fréttablaðið - 02.01.2020, Blaðsíða 20

Fólk er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit-
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Hjördís Erna
Þorgeirsdóttir | hjordiserna@frettabladid.is s. 550 5767 | Oddur Freyr Þorsteinsson, oddurfreyr@
frettabladid.is s. 550 57686 | Sandra Guðrún Guðmundsdóttir, sandragudrun@frettabladid.is, s.
550 5762 | Þórdís Lilja Gunnarsdóttir, thordisg@frettabladid.is, s. 550 5768
Útgefandi:
Torg ehf
Ábyrgðarmaður:
Jóhanna Helga
Viðarsdóttir
Sölumenn: Arnar Magnússon, arnarm@frettabladid.is, s. 550 5652, Atli Bergmann, atli@frettabladid.is, s. 550 5657,
Jón Ívar Vilhelmsson, jonivar@frettabladid.is, s. 550 5654, Jóhann Waage, johannwaage@frettabladid.is, s. 550 5656,
Ruth Bergsdóttir, ruth@frettabladid.is, s. 694 4103,
Birgitta Líf er markaðs- og sam-félagsmiðlastjóri hjá World Class. Að auki er hún mikill
áhrifavaldur á Instagram með
þúsundir fylgjenda. Á áramótum
setja margir sér markmið um að
hreyfa sig meira á nýju ári og taka
upp bættan lífsstíl. Birgitta tekur
undir að flestir setji sér áramóta-
heit tengd hreyfingu eða heilsunni
almennt. „Enda vill maður alltaf
stefna að því að verða besta útgáfan
að sjálfum sér,“ segir hún.
Bara byrja rólega
Þegar hún er beðin um góð ráð til
þess, svarar hún. „Ég myndi hvetja
fólk til að setja sér lítil og raunhæf
markmið, til dæmis um að mæta
að lágmarki x-sinnum í mánuði
eða setja sér markmið um að prófa
nýjar æfingar eða hóptíma. Það
getur einnig verið góð hvatning að
deila markmiðinu með einhverj-
um og finna sér skemmtilegan
æfingafélaga í leiðinni. Þeir sem
fara of geyst af stað eða setja sér
óraunhæf markmið eru líklegri til
að falla af vagninum og því mikil-
vægt að reyna að finna sinn gullna
meðalveg til að halda dampi,“
bætir hún við. „Það er endalaust
úrval fyrir alla.“
Hreyfingin nauðsynleg
Birgitta hvetur fólk til að skoða
úrval af þeim hóptímum sem
boðið er upp á í líkamsræktar-
stöðvum og prófa alls kyns tíma.
„Langflestir bjóða upp á tíma
með mismunandi erfiðleika-
stigi og ættu allir að geta fundið
eitthvað og gert á sínum hraða
og innan sinna marka, hvort sem
það er í jóga, hjólatímum, leik-
fimitímum eða öðru. Hreyfing af
einhvers konar tagi er ekki bara
heppileg heldur nauðsynleg fyrir
alla sem hafa tök á að hreyfa sig
á annað borð. Almenn hreyfing
bætir lífsgæðin og stuðlar að betri
heilsu.“
Elín
Albertsdóttir
elin@frettabladid.is
Birgitta er vinsæl á Instagram. Þessa skemmtilegu mynd birti hún þar með hundinum Bellu en báðar eru vel klæddar.
Framhald af forsíðu ➛
Birgitta segir að það hafi orðið
vitundarvakning síðustu ár meðal
eldra fólks hvað hreyfingu varðar.
„Fólk hefur áttað sig á hversu góð
hreyfingin er fyrir heilsuna og
sífellt f leiri stunda æfingar reglu-
lega. Aldurshópurinn hjá okkur í
World Class er mjög breiður. Ég get
tekið dæmi af afa mínum sem er
88 ára og mætir alla daga. Svo lengi
sem fólk hefur getu til ættu allir að
stunda einhvers konar hreyfingu
og að sjálfsögðu má alltaf gera gott
betur,“ greinir hún frá og bætir
við að aldrei hafi f leiri stundað
líkamsrækt hér á landi.
„Íslendingar eru langt yfir
meðallagi hvað varðar þá sem
mæta í líkamsræktarstöðvarnar
miðað við höfðatölu. Það virðist
orðið eins eðlilegt í daglegu amstri
að mæta í ræktina eins og að fara
út í búð og við eigum klapp skilið
fyrir hversu dugleg þjóðin er.“
Margt hægt að gera
Birgitta bendir á að hreyfingin geti
verið verið alls konar, til dæmis
bara að taka stiga í staðinn fyrir
lyftu eða leggja bílnum aðeins
lengra frá vinnu eða verslun og fá
smá göngutúr. „Fólk ætti að stunda
einhverja hreyfingu að lágmarki
tvisvar í viku en allt er betra en
ekkert,“ segir hún. „Þegar fólk byrj-
ar að hreyfa sig reglulega verður
það líka hvatning til að borða holl-
ari mat. Bæði er það hvatningin og
svo þarf maður meiri orku og betri
næringarefni þegar hreyfingin er
meiri. Mataræði og hreyfing tala
því klárlega saman.“
Alin upp í líkamsrækt
Birgitta þekkir þetta vel þar sem
hún umgengst fólk daglega sem
er duglegt að hreyfa sig auk þess
sem hún æfir sjálf alla daga, eða
að meðaltali 6-8 sinnum í viku.
Þar fyrir utan hefur hún kennt
börnum og unglingum dans og er
lærður einkaþjálfari. Að auki hefur
hún tekið námskeið í CrossFit.
Hún er þó ekki að kenna eða þjálfa
um þessar mundir enda nóg að
gera í hennar starfi.
Birgitta æfði dans frá þriggja
ára aldri. „Það lá síðan beinast við
að ég byrjaði að stunda líkams-
rækt í kringum 15 ára aldur, enda
nánast alin upp í World Class.
Áhuginn hefur ekkert nema aukist
með árunum og ég lifi og hrærist í
þessum heimi.“
Þegar hún er spurð hvort hún
hugsi mikið um mataræðið, svarar
hún. „Já og nei. Ég borða nokkuð
venjulega myndi ég segja, leyfi mér
ís, nammi og pitsur þegar mig lang-
ar og fer reglulega út að borða en ég
reyni þó að stilla öllu í hóf. Ég hef
ekki gaman af boðum og bönnum
enda horfi ég hvorki á æfingar né
mataræði sem eitthvað tíma-
bundið ástand heldur eitthvað sem
ég vil að endist út lífið. Ég reyni þó
auðvitað að borða almennt í holl-
ari kantinum og finn mikinn mun
á orku og styrk á æfingum eftir því
hvernig ég borða.“
Instagram stjarna
sem hefur áhrif
Það er óhætt að segja að líf hennar
snúist um líkamsrækt þar sem hún
sér um markaðsmál og samfélags-
miðla fyrir World Class, Laugar Spa
og WorldFit. „Ég aðstoða mömmu
og pabba við þróun og rekstur á
stöðvunum og svo hef ég yfirum-
sjón með WorldFit, sem er sér-
þjálfun innan World Class þar sem
æfingarnar samanstanda meðal
annars af kraftlyftingum, þol-
þjálfun, ólympískum lyftingum og
fimleikahreyfingum.“
Birgitta segist oft lenda í spjalla
við fólkið sem stundar æfingar
reglulega, ekki bara í vinnunni
heldur einnig í gegnum samfélags-
miðlana. Hún sýnir mikið frá
æfingum á Instagram, ræðir um
mataræði og sitt daglega líf. „Fólk
segir mér frá líðan sinni, góðum
félagsskap og svo aukinn styrk og
metnað á mörgum sviðum í kjölfar
þess að byrja að stunda æfingar.
Það er afar jákvætt að heyra af
góðum hlutum,“ segir Birgitta Líf
og það er örugglega hægt að taka
undir orð hennar að hreyfing er
alltaf til bóta og aldrei of seint að
byrja.
Birgitta segir
að fólk komist
í skemmti-
legan félags-
skap í gegnum
heilsurækt.
Svo lengi sem fólk
hefur getu til ættu
allir að stunda einhvers-
konar hreyfingu og að
sjálfsögðu má alltaf gera
gott betur.
Útsalan
hafin
Str. 36-56/58
Opið í dag 12-18
Bæjarlind 6 • S. 554 7030 Við erum á Facebook
40-50%
afsláttur
Skeifunni 8 • 108 Reykjavík • Sími: 517 6460 • www.belladonna.is
Verslunin Belladonna
NETVERSLUN WWW.BELLADONNA.IS
ÚTSALAN ER HAFIN
30-50% AFSLÁTTUR AF ÖLLUM ÚTSÖLUVÖRUM
2 KYNNINGARBLAÐ FÓLK 2 . JA N ÚA R 2 0 2 0 F I M MT U DAG U R