Fréttablaðið - 21.01.2020, Síða 4

Innan við tvö prósent
eldri borgara gátu ekki
greitt veitureikninga.

Sogavegi 3 • Höfðabakka 1 • Sími 555 2800
Whilst every effort is made to avoid mistakes errors can occur. Please check these
carefully. Proofs that are sent back without signature is considered approved and ok.
Approved and OK New proof please
DATE:
SIGNATURE:
/Ingenjörsgatan 7-9
Box 814, 251 08 Helsingborg
Tel. vx. 042-24 73 00
info@lindsflexo.se, www.lindsflexo.se
14
0
280
Linds Flexo, 1310144 Fiskikongurinn_KORR , 17-JAN-13 YTTER catarina
F I S K I B O L L U R
K A U P I R 1 K G F Æ R Ð 2 K G .
FYRIR2 1
FERÐAÞJÓNUSTA Virðisaukaskatt­
skyld velta í einkennandi greinum
ferðaþjónustu lækkaði um átta pró­
sent í september og október árið
2019 sé miðað við sama tíma árið á
undan. Í fyrra nam veltan 106 millj­
örðum króna en árið 2018 nam hún
115 milljörðum. Þetta kemur fram á
vef Hagstofu Íslands.
Hlutfallslega var lækkunin mest
hjá bílaleigum, eða um 16 prósent,
velta í farþegaf lutningum á landi
lækkaði um ellefu prósent og velta
tengd farþegaflutningum með flugi
lækkaði um tíu prósent.
Þá lækkaði virðisaukaskattskyld
velta á tímabilinu nóvember 2018
til október 2019 um 62 milljarða sé
miðað við sama tólf mánaða tímabil
árið á undan, eða um níu prósent. Á
sama tímabili lækkaði virðisauka­
skattskyld velta tengd farþegaflutn­
ingum með flugi um 64 milljarða,
eða 22 prósent.
Farþegum sem komu hingað til
lands í gegnum Keflavíkurflugvöll
í desember árið 2019 fækkaði um tíu
prósent sé miðað við sama mánuð
árið á undan, úr tæplega 187 þús­
und farþegum árið 2018 í tæp 169
þúsund í fyrra.
Heildarfjöldi farþega sem komu
til landsins í gegnum Kef lavíkur­
f lugvöll dróst saman um þrettán
prósent í fyrra sé miðað við árið
2018. Farþegum með erlent ríkis­
fang fækkaði um 300 þúsund, úr
2,3 milljónum í tvær og farþegum
með íslenskt ríkisfang fækkaði um
níu prósent. Úr tæpum 670 þúsund
farþegum í 610 þúsund. – bdj
Velta í greinum ferðaþjónustunnar dregst saman
Hlutfallslega var lækk-
unin mest hjá bílaleigum,
eða um 16 prósent.
SAMFÉLAG Sex prósent Íslendinga
gátu ekki greitt veitureikninga sína
á réttum tíma samkvæmt tölum frá
Eurostat, evrópsku tölfræðistofn­
uninni. Á þetta meðal annars við
rafmagn, vatn, hitaveitu og fleira.
Ísland er nálægt meðaltali Evr­
ópuríkja hvað þetta varðar en hlut­
fallið er lægra hjá f lestum ríkjum í
vesturhlutanum. Til dæmis 2,7 pró­
sent hjá Norðmönnum og 2,2 hjá
Svíum. Gefur þetta vísbendingar
um að fátækt sé útbreiddari hér á
landi. Hæst var hlutfallið í Grikk­
landi, tæplega 36 prósent, en þar
hefur efnahagsástand verið mjög
bágborið síðan bankahrunið skall
á.
Hlutfall þeirra sem gátu ekki
greitt reikningana var hæst hjá ein­
stæðum foreldrum, rúmlega 14 pró­
sent. Lægst var það hjá eldri borg­
urum, innan við tvö prósent. – khg
Sex prósent
gátu ekki greitt
veitureikninga
Allar nýjustu fréttir og blað
dagsins eru fáanleg á
www.frettabladid.is
DÓMSMÁL Nokkrar tafir eru orðnar
á úrskurði dómara í Los Angeles
vegna kröfu andstæðinga Jóhanns
Helgasonar um að vísað verði
frá dómi máli hans vegna meints
stuldar á laginu Söknuði.
„Út frá orðum dómarans 6. des­
ember þar sem hann sagði að hann
kæmi með niðurstöðu vegna frá­
vísunarkröfu lögmanna Univer­
sal, Warner og Peermusic eftir um
það bil tvær vikur, þykir okkur
athyglisvert að næstkomandi föstu­
dag séu liðnar sex vikur án þess að
úrskurður hafi komið,“ segir Jóhann
Helgason.
„Hins vegar er ekki óalgengt að
dómarar í Bandaríkjunum taki sér
langan tíma til yfirferðar gagna í
stórum málum áður en úrskurður
er birtur,“ bætir Jóhann við. Mich­
ael Machat, lögmaður hans í Los
Angeles, hafi einnig sagst vera hugsi
vegna tafarinnar.
„Michael segir að það komi ýmsar
skýringar til greina,“ segir Jóhann.
Lögmaðurinn hafi nefnt sem dæmi
mál sem hann hafi rekið og unnið í
Texas þar sem dómarinn hafi tekið
sér tvo mánuði til að úrskurða um
sambærilegt atriði.
„Hann segir að það megi vera að
dómarinn í mínu máli hafi tafist
vegna annarra mála eða að hann
eigi einfaldlega erfitt með að gera
upp hug sinn. Einnig sé það mögu­
legt að hann vilji skila sérstaklega
ítarlegu áliti því hann telji að marg­
ir muni yfirfara það vandlega síðar,“
vitnar Jóhann til lögmanns síns.
Auk frávísunarkröfu andstæð­
inga Jóhanns þarf dómarinn að
úrskurða um kröfu þeirra um að
litið verði fram hjá niðurstöðum
tónlistarfræðings sem skilaði áliti
um málið fyrir hönd Jóhanns.
Einnig liggur fyrir dómaranum
að úrskurða um kröfu lögmanns
Jóhanns um að dæmd verði svo­
kölluð útivist á höfunda You Raise
Me Up þar sem þeir hafi ekki hirt
um að taka til varna þrátt fyrir að
vera löglega stefnt í málinu.
Eins og fram kom í Fréttablaðinu
15. desember síðastliðinn sagði
dómarinn við fyrirtöku málsins
6. desember að honum sýndist um
að ræða dæmi gert mál þar sem sér­
fræðingar takist á og kvið dómur
þyrfti að skera þar úr um. Verði
frávísunarkröfunni hafnað heldur
málið áfram í núverandi farvegi.
Verði málinu hins vegar vísað frá
getur Jóhann áfrýjað þeirri niður­
stöðu til annars dómstóls. – gar
Jóhann hugsi yfir töfum hjá dómara
FJÖLMIÐLAR Meðferð á fjölmiðla­
frumvarpi Lilju Alfreðsdóttur
menntamálaráðherra hefst bráð­
lega í allsherjar­ og menntamála­
nefnd. Samkvæmt könnun Frétta­
blaðsins í gær mælist fylgi lítið við
opinberan fjárstuðning til einka­
rekinna miðla.
Óli Björn Kárason, þingmaður
Sjálfstæðisflokksins, segir að nið­
urstöður könnunarinnar komi sér
ekki á óvart. Hann, ásamt þremur
öðrum þingmönnum f lokksins,
lagði fram frumvarp um að skattar
yrðu lækkaðir á einkarekna miðla.
„Hvort sem um beina styrki eða
skattaívilnanir er að ræða, þá lag­
færir þetta ekki þá ójöfnu stöðu
sem er í samkeppnisumhverf i
fjölmiðla,“ segir Óli Björn. „Ef við
ætlum að styrkja sjálfstætt starf­
andi fjölmiðla af einhverri alvöru þá
verður að líta til þeirra gríðarlegu
umsvifa sem Ríkisútvarpið hefur.“
Hann segist ekki hafa verið tals­
maður sértækra aðgerða fyrir
ákveðnar atvinnugreinar, en taldi
þó rétt að leggja frumvarpið fram til
þess að jafnt myndi ganga yfir alla
einkarekna miðla.
Samkvæmt könnuninni sker
stuðningsfólk Samfylkingarinnar
sig nokkuð úr, en 44 prósent styðja
þá leið sem ráðherra vill fara. Logi
Már Einarsson, formaður f lokks­
ins, segir mikilvægt að styðja bæði
einkarekna miðla og Ríkisútvarpið.
„Fólk getur haft skoðanir á
leiðum til þess og ef laust hefðum
við gert þetta á aðeins annan hátt,“
segir hann. „Ég hef þó verið jákvæð­
ur í að stíga skref í þessa átt.“
Spurður hvor leiðin sé betri,
beinn fjárstuðningur eða skatta­
lækkanir, segir Logi að honum
hugn ist fyrri leiðin betur. Gæta
þurfi þess að minni miðlar njóti
einhvers af þeim stuðningi. Fara
þurfi varlega ef hrófla á við stöðu
RÚV á auglýsingamarkaði. „Það yrði
þá að tryggja, til mjög langs tíma, að
starfsemi RÚV veikist ekki,“ segir
hann.
Páll Magnússon, formaður alls­
herjar­ og menntamálanefndar,
segir að könnunin hafi ekki áhrif
á þinglega meðferð nefndarinnar á
frumvarpinu. „Þessar niðurstöður
koma nú ekki mikið á óvart, þetta
er umdeilt mál og vandmeðfarið.
Þetta kann hins vegar að hafa áhrif
á afstöðu fólks þegar þinglegu með­
ferðinni er lokið,“ segir hann.
Frumvarp þingmannanna fjög­
urra verður ekki afgreitt á sama
tíma, enda komið skemur í meðferð
þingsins. Páll segir þó að fjölmiðla­
frumvarp Lilju geti tekið ýmsum
breytingum í nefndinni. Málið sé
tímafrekt og f lókið. „Staða RÚV
kemur vafalaust inn í þetta því það
liggur fyrir álit margra Sjálfstæðis­
manna og annarra um að ekki verði
horft einangrað á málið.“
Aðspurður um hvort málið sé
ekki þess eðlis að sátt verði að nást
á milli allra stjórnarflokkanna segir
Páll svo vera. „Þetta er ekki mál sem
er hægt að leysa í einum allsherjar
ágreiningi.“
kristinnhaukur@frettabladid.is
Málið ekki leyst í allsherjar
ágreiningi meðal þingmanna
Meðferð á fjölmiðlafrumvarpi menntamálaráðherra hefst bráðlega í þingnefnd. Nefndarformaður segir
að ný könnun sem sýni lítinn stuðning almennings hafi ekki áhrif á meðferðina en hugsanlega afstöðu
þingmanna. Annað fjölmiðlafrumvarp fjögurra Sjálfstæðismanna verður ekki afgreitt á sama tíma.
Allsherjar- og menntamálanefnd tekur brátt til við að fjalla um fjölmiðlafrumvarpið. FRÉTTABLAÐIÐ/SIGTRYGGUR ARI
Hann segir að það
megi vera að
dómarinn í mínu máli hafi
tafist vegna annarra mála.
Jóhann Helgason,
tónlistarmaður
Staða RÚV kemur
vafalaust inn í þetta
því það liggur fyrir álit
margra Sjálfstæðismanna og
annarra um að ekki verði
horft einangrað á málið.
Páll Magnússon, formaður allsherjar
og menntamálanefndar
1 Mögulegt að setja á laggirnar stjórn yfir Landspítala Katrín
Jakobsdóttir forsætisráðherra úti-
lokar ekki þá hugmynd að koma á
fót stjórn yfir Landspítala.
2 „Skóli er ekki geymslu svæði fyrir börn“ Jónína Einars dóttir
leik skóla stjóri segir að með stytt-
ingu á opnunar tíma leik skóla sé
bæði hugað að lýð heilsu barnanna
á samt því að gæði leik skólanna
aukist.
3 Starfs maður fastur á Gunn-ólfs víkur fjalli í tólf daga
Starfsmaður Landhelgisgæslunnar
sat fastur á Gunnólfsvíkurfjalli í
tólf daga á meðan óveðrið gekk
yfir í desember.
2 1 . J A N Ú A R 2 0 2 0 Þ R I Ð J U D A G U R4 F R É T T I R ∙ F R É T T A B L A Ð I Ð