Skessuhorn - 14.08.2019, Page 4

MIÐVIKUDAGUR 14. áGúSt 20194
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.976 krónur með vsk. á mánuði. Elli- og örorkulífeyrisþegar greiða
kr. 2.580. Rafræn áskrift kostar 2.337 kr. Rafræn áskrift til elli- og örorkulífeyrisþega er 2.160 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Gunnhildur Lind Hansdóttir glh@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Orkustefnuleysi
Íslands
Mörg ár eru liðin síðan fyrst heyrðist nefnt að styrjaldir framtíðarinnar myndu
snúast um neysluvatn. Ekki olíu, mat eða land, heldur blátært og drykkjarhæft
vatn. Vatn er nú þegar af skornum skammti og mig minnir að í nýlegri frétt hafi
verið sagt frá vatnsskorti og ráðstöfunum vegna þess í einum sautján stórborg-
um erlendis. Sennilega hafa ekki orðið stríð enn sem komið er af þessum sök-
um, en að því mun koma. Að þessu leyti sem öðru erum við Íslendingar í þokka-
legustu málum í samanburði þjóða. Að vísu hafa þurrkar í sumar gengið nærri
vestlenskum vatnsbólum, sem er bagalegt. Vatn er jú undirstaða alls lífs á jörð-
inni. En ég hef ekki áhyggjur, þetta er tímabundið ástand, það mun rigna.
Hins vegar er annað mál en vatnið sem menn eru farnir að deila um hér
á landi, þótt ekki hafi enn verið mikið slegist og engar sprengjur sprungið,
allavega ekki síðan deilurnar um Laxárvirkjun stóðu sem hæst 1970. Við stönd-
um nú frammi fyrir þeirri staðreynd að margir sjá sóknarfæri í að beisla fallvötn
og nú síðast sjálfan vindinn og framleiða rafmagn. Það er af hinu góða að við
nýtum auðlindir okkar með sem allra skynsamlegustum hætti. Þó þarf að gæta
að því að valda ekki óafturkræfum skemmdum á náttúru landsins, því í ósnertri
náttúru felst okkar dýrmætasta auðlind. tækniframfarir hafa leitt til þess að
ódýrara er að beisla vindorku en var fyrir einungis nokkrum árum. á teikni-
borðinu eru því vindorkugarðar sem framleitt geta ógrynni af orku.
Ég var á ferð á Spánareyju um síðustu mánaðamót. tenerife er fremur næð-
ingssöm eyja, skammt undan strönd Afríku og þar getur blásið hressilega. Eyja-
skeggjar hafa byggt fjöldan allan af vindmyllugörðum áveðurs á eyjunni. Í ljósi
umræðunnar um vindorkugarða í Dölum og Reykhólasveit fannst mér afar
áhugavert að sjá þessi mannvirki gnæfa hátt yfir landinu í hundraðatali. Greini-
legt að myllurnar eru reistar fjarri íbúðabyggð og standa í þyrpingum margar
saman. Vísvitandi er ekki dreift úr þeim yfir stærra landsvæði en þarf. En stjórn-
völd á tenerife hafa stigið stórt skref í fleiru. Flugvöllur eyjarinnar er þannig sá
fyrsti í heiminum sem knúinn er eingöngu með rafmagni frá sólarsellum. Þeir
hafa mótað sér orkustefnu.
En deilurnar hér á landi snúast um svokallaðan þriðja orkupakka. Umræðan
hefur verið með eindæmum og mér segir svo hugur að hræðsluáróður í því sam-
bandi sé kominn út fyrir öll eðlileg skynsemis- og velsæmismörk. Pólitísk átök
um málið eru það hatrömm að farið er að bitna á öðrum störfum sem stjórn-
málamenn eiga að sinna. Svo hefur almenningur sterkar skoðanir á málinu,
enda er það skiljanlegt. Verst þykir mér þó að skoðanir margra eru myndaðar
eftir að hafa fylgst með afar einsleitum áróðri ákveðinna fjölmiðla. Sumir fjöl-
miðlar hafa í þessu máli gengið of langt og látið einstrengislega skoðun, sem
líkja má við trúarbragðastríð fremur en eðlilegan fréttaflutning, bitna á hlut-
leysi sínu. Þá er gagnsemi viðkomandi fjölmiðla búið að snúast upp í andhverfu
sína.
Ég er sannfærður um að það stendur ekki til að selja íslenska raforku úr
landi og það er enginn fjárhagslegur grundvöllur til lagningar sæstrengs í ná-
inni framtíð. Sú orka sem hér verður framleidd á næstu árum verður notuð að
stærstum hluta til innlends iðnaðar eins og verið hefur og örfá prósent henn-
ar fara svo til heimila og annarra fyrirtækja. Aukin raforkuþörf framtíðarinnar
mun verða vegna orkuskipta í samgöngum; bílaflotans og ekki síst til að losna
við svartolíumengandi skemmtiferðaskip úr höfnum landsins.
Það blasir hins vegar við að mínu mati að hér á landi skortir stefnu í orku-
málum. Hún er ekki til. Spurningum á borð við; hvar á að virkja, hvernig, hve-
nær og hversu mikið, er einfaldlega ekki hægt að svara og á meðan svo er getum
við ekki átt vitrænt samtal um þessi mál. Stefnuleysi í orkumálum er því helsta
vandamál okkar, ekki þriðji orkupakkinn, fjórði eða fimmti.

Magnús Magnússo
Grindhvalavaða var við Ólafsvík á
mánudagskvöldið. áætlað er að um
hundrað hvalir hafi verið á ferð.
Fjóra hvali rak á land. Þrír þeirra
komust út aftur af sjálfsdáðum, en
einn þeirra gaf upp öndina í flæð-
armálinu. Lítill hópur fólks reyndi
að koma hvalnum til bjargar, en
án árangurs. Þá komu einnig fé-
lagar úr Lífsbjörgu á gúmmíbát og
stugguðu við hópnum á haf út aft-
ur. Leiðindaveður var á svæðinu
þegar þetta var, rok og mikið sjó-
rót. Dauði grindhvalurinn lá í gær
í flæðarmálinu á móts við Ólafs-
braut 62.
af
á vef Landssambands sauðfjár-
bænda var síðastliðinn föstudag
birtur verðlisti fimm af sjö slátur-
leyfishafa fyrir komandi sauðfjár-
slátrun. Þar kemur fram að vegin
meðalhækkun á dilkakjöti til bænda
er um 7% frá því í fyrra. Reiknað
landsmeðalverð verður 429 krón-
ur í stað 401 krónu haustið 2018.
á meðfylgjandi grafi má sjá reiknað
meðalverð hvers sláturleyfishafa og
meðaltal fyrir landið allt. útreikn-
ingarnir byggja á landsmeðaltali í
vikum 34-45.
„Vægi einstakra vikna í verð-
inu byggir á sláturmagni á land-
inu öllu og sömuleiðis kjötmati á
landinu öllu eftir einstökum vikum
haustið 2018. Vægi afurðastöðva í
landsmeðaltali er síðan eftir hlut-
deild þeirra í slátrun á tímabilinu í
heild. Raunverð sem einstakar af-
urðastöðvar greiða er síðan breyti-
legt, enda er niðurstaða kjötmats
hjá hverri fyrir sig ekki sú sama og
landsmeðaltalið, né heldur slátur-
magn í einstökum vikum. Af sömu
ástæðum er meðalverð sem einstak-
ir bændur fá líka breytilegt. Allir
bændur eru hvattir til að reikna út
afurðaverð skv. forsendum þeirra
bús, en LS telur útreikninga gefa
eins góða mynd og hægt er af með-
alverði útfrá forsendum sauðfjár-
framleiðslunnar í heild,“ segir í út-
skýringu LS um meðfylgjandi graf.
Góð þyngd í
fyrstu slátrun
Því má við þetta bæta að síðastlið-
inn föstudag var slátrað 427 dilkum
hjá SKVH á Hvammstanga. Með-
alþyngd reyndist 15,1 kg sem verð-
ur að teljast nokkuð gott á þessum
tíma. „Bændur eru hvattir til að
koma lömbum til slátrunar. Næst
verður slátrað hjá SKVH 15. ágúst
og álagsgreiðsla 22,5%. Í vikunni
þar á eftir verður slátrað 19., 21. og
23. ágúst og álagsgreiðsla 15%. Síð-
an er slátrað 26., 28. og 30. ágúst og
álagsgreiðsla 10%,“ segir á vef LS.
mm/ Graf: LS.
Grindhvalavaða við Ólafsvík
Áhugafólk reyndi að draga hinn laskaða hval aftur til sjávar á mánudagskvöldið.
Sérfræðngar frá Hafró mættu
til Ólafsvíkur til að mæla
hræið og taka úr því sýni.
Verð á dilkakjöti hækkar um
sjö prósent milli ára