Skessuhorn - 14.08.2019, Side 16

MIÐVIKUDAGUR 14. áGúSt 201916
Hjónin Daniel Ivánovics og Eva
Helgadóttir opnuðu matarvagn-
inn Junkyard á Akranesi í mars
á þessu ári. Hefur hann frá opn-
un fengið afar góðar viðtökur,
bæði heimamanna og gesta bæjar-
ins. „Hugmyndina að matarvagni
höfum við gengið með í magan-
um undanfarin átta ár eða svo,“
segja þau. „Ástæðan fyrir því að
við ákváðum að opna vagn en ekki
annars konar stað er ekki síst sú
að það var sú fjárfesting sem við
treystum okkur að leggja út fyrir,“
bæta þau við. „Við gerðumst veg-
an fyrir um það bil tveimur árum
síðan. Alltaf höfum við verið í ná-
vígi við mat. Daniel hefur unnið í
veitingageiranum í mörg ár og við
eldum mikið heima. Okkur fannst
góð hugmynd að opna veganvagn,
því valkostirnir sem eru í boði hér
á landi, sem og reyndar erlendis,
eru ekki endilega í takt við tím-
ann, þó þeir séu alltaf að verða
betri. Ég lít nánast á það sem
skyldu okkar að deila því sem við
vitum um veganmat með öðrum,“
segir Daniel.
Hreinn skyndibiti
Veganmatur hefur í gegnum tíð-
ina fyrst og síðast verið markaðssett-
ur sem hollur matur. Hjá Junkyard
er því öfugt farið. Þar er rík áhersla
lögð á að maturinn sem þau selja sé
skyndibiti. „Ég held að það hafi ver-
ið sniðugt, því veganmatur er ekkert
endilega eitthvað heilsufæði. Þess-
ir klassísku veganréttir, eins og fólk
hugsar um þá, er eitthvað sem kjö-
tætum þykir ekkert sérstaklega lyst-
ugt. Mér fannst það ekki sjálfum á
sínum tíma,“ segir Daniel. „Einn
sem kemur oft til okkar í hádeginu
sagði einu sinni við mig. „Ég hat-
aði alltaf þetta grænmetiskjaftæði,
en mér finnst maturinn þinn rosa-
lega góður.“ Ég spurði hann; „veistu
hvert mitt leyndarmál er? Ég þoli
ekki grænmeti heldur,“ segir hann
og hlær við. „En ef við erum að bara
að hugsa um heilsuna þá er maturinn
okkar vissulega aðeins hollari en sam-
bærilegir kjötréttir. Engu að síður er
þetta ekkert heilsufæði, mikið af sós-
um, olíu og salti. Þetta er ruslmatur,
hreinræktaður skyndibiti sem kjöt-
ætur geta líka notið,“ segir Daniel.
„Öllum finnst ruslmatur góður. Þrátt
fyrir að ég hafi gerst vegan held ég að
ég eigi aldrei eftir að borða neitt sér-
staklega heilsusamlega,“ bætir hann
við og brosir. „Ég var algjör pitsu- og
steikargaur fyrir tveimur árum síð-
an. Ég hætti ekki að borða kjöt af því
mér líkaði ekki kjötið sjálft. Það eru
margar ástæður fyrir því að fólk gerist
vegan, svo sem umhverfissjónarmið,“
segir Daniel og heldur áfram: „Allt
sem við gerum hér í þessum vagni
hefur það að leiðarljósi að draga úr
mengun. Allar umbúðirnar brotna
niður í náttúrunni og eru framleiddar
af fyrirtæki sem einbeitir sér að því að
halda losun koltvísýrings í lágmarki.
Flestir birgjarnir okkar eru fyrirtæki
í Svíþjóð og Bandaríkunum sem nota
um það bil 36 sinnum minna af auð-
lindum við sína framleiðslu en sam-
bærileg fyrirtæki sem framleiða kjöt-
vörur. Það er mikilvægt í dag að við
opnum augun fyrir því sem er að ger-
ast við jörðina okkar. Það þurfa all-
ir að leggja sín lóð á vogarskálina og
gera það sem þeir geta.“
Viðtökurnar framar
vonum
Það er auðheyrt á Daniel að hann
hefur mikla ástríðu fyrir því sem þau
eru að gera. „Ég held að hann hafi
miklu meiri ástríðu fyrir matargerð
en ég,“ segir Eva létt í bragði. „Ég
er í annarri vinnu en hann er í fullu
starfi í Junkyard, hefur mikinn áhuga
á þessu og er reyndur í veitingageir-
anum,“ bætir hún við og Daniel sam-
sinnir því. „Ég er búinn að vinna á
fjölmörgum veitingastöðum og hót-
elum. Það hefur alltaf verið mitt svið,
að þjónusta og taka á móti fólki,“
segir hann. „Ég fór reyndar ekki að
snúa mér að eldamennskunni fyrr en
við opnuðum vagninn. áður hafði ég
lengi verið í þjónustugeiranum, mest
sem þjónn á fínum veitingastöðum
hér á Íslandi. En ég fann mig ein-
hvern veginn aldrei, þannig að ég
vissi að ég þyrfti að prófa að gera eitt-
hvað sjálfur,“ bætir Daniel við.
Eftir að þau opnuðu Junkyard hef-
ur Daniel heldur betur fundið fjölina
sína og viðtökurnar hafa ekki látið á
sér standa. „Það hefur gengið mikið
betur en við þorðum nokkurn tímann
að vona,“ segja þau. „Að teknu tilliti
til þess að við erum í litlum bæ með
lítinn vagn þá held ég að við höfum
bara neglt þetta. Það hefur gengið
rosalega vel,“ segir Daniel. „Suma
dagana gætum við ekki afgreitt fleiri
þó við glöð vildum,“ segir hann.
„Oft fáum við töluvert af heimsókn-
um þegar nálgast lokun hjá okkur kl.
22:00, því þá hafa aðrir staðir lokað
fyrir pantanir. Við tökum við pönt-
unum allt til auglýstrar lokunar og
stundum lengur ef svo ber undir,“
segir Eva. „Við viljum vera áreiðan-
legur valkostur því það er töluvert
af grænkerum á Akranesi. Þeir þurfa
að hafa aðgang að góðum mat og
við erum nánast eini valmöguleik-
inn þeirra. Vissulega eru veganréttir
í boði á veitingastöðunum, en þeir
eru ekki ýkja margir. Við erum eini
staðurinn sem býður eingöngu upp á
veganmat. Þannig að ef einhver kem-
ur til okkar eftir lokun þá reynum við
að þjónusta hann eins vel og við get-
um,“ segir Daniel.
Ætla að opna fleiri staði
Hjónin ætla ekki að láta þar við sitja
með Junkyard vagninn á Akranesi
heldur hyggjast þau opna fleiri staði
á komandi misserum. „Þessi vagn
er bara toppurinn á ísjakanum hvað
varðar það sem við getum gert og
ætlum að reyna. Við erum að fara
að opna stað í Reykjavík á næstunni,
vonandi innan tveggja mánaða,“ bæt-
ir hann við. „Síðan höfum við hugs-
að okkur að búa til stærri einingu sem
við getum farið með á Suðurlandið og
markaðssett ekki síst fyrir ferðamenn.
Auk þess langar okkur að reyna að
opna stað á Akureyri. Þetta tvennt
getum við vonandi gert á næsta ári,“
segir Daniel. „Þar fyrir utan erum við
með góðar sósur sem okkur langar
gjarnan að koma að í matvöruverslan-
ir og höfum hugmyndir að tilbúnum
réttum sem hægt væri að dreifa í búð-
ir hringinn í kringum landið. Þetta er
bara svona á teikniborðinu, vonandi
getum við farið að gera eitthvað með
sósurnar á þessu ári en við getum ekki
lofað því. Það eina sem við getum lof-
að er að við munum alltaf gera okkar
allra besta,“ segja þau Daniel og Eva
að endingu.
kgk
„Öllum finnst ruslmatur góður“
segja Daniel og Eva í Junkyard matarvagninum
Eva Helgadóttir og Daniel Ivánovics reka matarvagninn Junkyard á Akranesi.
Daniel nýbúinn að útbúa einn sveitaborgara, sem kenndur er við Andor afa hans. Hjónin fyrir framan matarvagninn.
Daniel með grillspaðann á lofti. Junkyard vagninn er staðsettur fyrir framan íþróttahúsið við Jaðarsbakka.