Fréttablaðið - 14.12.2019, Side 104

Fallegar íbúðir frá 36 m2 við Hverfisgötu 40-44 lausar til langtímaleigu.
Íbúðirnar verða afhentar fullbúnar með eldhústækjum.
Nánari upplýsingar í tölvupósti hjá thildur@egh.is
Langtímaleiga
Hverfisgata 40-44
Jólin eru
gæðastund í góðum náttfötum
Kringlan / joeboxer.is
Ásta K ristín Bene-diktsdóttir, doktor í íslensk um bók-m e n n t u m , o g Haukur Ingvarsson, rithöfundur og bók-
menntafræðingur, eru nýir ritstjór-
ar Skírnis, tímarits Hins íslenska
bókmenntafélags. Fyrsta ritið
undir þeirra ritstjórn er væntan-
legt í apríl.
Ásta er f y rsti k venr itstjór i
Skírnis. „Ég var ekki beðin um að
taka að mér starfið af því að ég er
kona en ég held samt að það sé ekki
hægt að horfa fram hjá því að það
skiptir máli að leitast við að jafna
kynjahlutföll sem víðast. Ritstjórn
Skírnis er engin undantekning þar
á,“ segir Ásta.
Hún segir nýjar áherslur koma
með nýjum ritstjórum. „Efnið mun
vissulega breytast með komu okkar
Hauks en ekki þó á dramatískan
hátt. Okkur langar til að Skírnir sé
það sem lagt var upp með í byrjun;
vettvangur fyrir menningarum-
ræðu og nýjar hugmyndir, líka að
utan. Við viljum birta spennandi
þýðingar og stefnum að því að gefa
út vandað efni af sem víðustum
vettvangi, eftir fólk á ólíkum aldri
og með fjölbreyttan bakgrunn.“
Spurð hversu sterkur grundvöll-
ur sé fyrir útgáfu tímarits eins og
Skírnis segir hún: „Við lifum á erf-
iðum tímum hvað þetta varðar því
kröfur eru gerðar um opinn aðgang
og útgáfu á stafrænu formi. Þetta er
áskorun sem ég held að allir tíma-
ritaútgefendur standi frammi fyrir.
Það er hlutverk okkar Hauks að
finna út hvers konar efni höfðar
til fólks í dag en Hið íslenska bók-
menntafélag hefur einnig í hyggju
að huga að kynningar- og birting-
armálum.“
Merkileg þrenning
Doktorsritgerð Ástu fjallaði um rit-
höfundinn Elías Mar og þar er um
að ræða fyrstu doktorsritgerðina í
bókmenntum sem skrifuð er út frá
hinsegin sjónarhorni hér á landi.
„Mig langaði að gera hinsegin
rannsókn, kynna og nota hin-
segin fræði og skoða hinsegin bók-
menntir á íslensku. Dagný Krist-
jánsdóttir og f leiri höfðu skrifað
sitthvað um slíkar bækur en ég sá
að hinsegin bókmenntir fyrir 1990
höfðu eiginlega ekkert verið rann-
sakaðar. Elías var þá augljós kostur.
Hann skrifaði ítrekað um hómó-
erótík og spennu í kringum kyn-
verund ungra karlmanna. Svo var
hann óvenjulegur hvað það varðar
að hann var mjög opinn með það,
alveg frá sjötta áratugnum, að hann
væri sjálfur tvíkynhneigður.
Í doktorsritgerðinni var ég
aðallega að skrifa um þrjár fyrstu
skáldsögur hans sem komu út á
seinni hluta fimmta áratugarins.
Þær eru sjálfstæðar bækur en sem
þrenning eru þær mjög merkilegar
í þessu samhengi því þær fjalla um
unga karlmenn í Reykjavík og kyn-
ferðiskreppu þeirra. Þeir eru ekki
augljóslega samkynhneigðir en eru
að leita að sjálfum sér og velta fyrir
sér hvers konar karlmenn þeir séu
og hvað eigi að gera við allar þessar
kenndir sem þeir finna fyrir.“
Ný sýn á Stein Elliða
Í síðasta Tímariti Máls og menn-
ingar var að finna grein eftir Ástu
þar sem hún skoðaði tilvísanir
til samkynhneigðar í Vefaranum
mikla frá Kasmír eftir Halldór Lax-
ness. Hún er spurð hvort margar
slíkar tilvísanir sé að finna og segir:
„Aðalpersónan Steinn Elliði er rót-
tækur, stuðandi, andborgaralegur
og hinsegin á allan mögulegan
máta. Hann segist hafa stundað
kynsvall með bæði körlum og
konum og þótt bókin fari hljótt um
það þá býr hann lengi með karl-
manni, vini sínum í London sem
heldur honum uppi, auk þess sem
hann dýrkar vin sinn, munkinn
Alban.
Þegar maður les bókina og
hugsar um kyn og kynverund eins
og ég geri þá blasir þetta við. Það
hefur þó ekki verið rætt um þetta
áður. Ég hef fengið athugasemdir
frá fólki sem segir: Aldrei datt mér
þetta í hug þegar ég las Vefarann en
ég sé það núna. Þetta sýnir glöggt
að hinsegin bókmenntagreining
beinir sjónarhorninu í aðra átt og
um leið kemur ýmislegt nýtt í ljós.“
Fyrsti kvenritstjóri Skírnis
Ásta Kristín Benediktsdóttir tekur við ritstjórn tímaritsins
ásamt Hauki Ingvarssyni. Segir að nýjar áherslur muni sjást.
Kolbrún
Bergþórsdóttir
kolbrunb@frettabladid.is
Það er hlutverk okkar Hauks að finna út hvers konar efni höfðar til fólks í dag, segir Ásta Kristín, sem er nýr ritstjóri Skírnis ásamt Hauki Ingvarssyni. FRÉTTABLAÐIÐ/SIGTRYGGUR ARI
Ungt fólk og konur
Um þessar mundir verða rit-
stjórnarskipti á öllum helstu
hugvísindatímaritum lands-
ins. Athygli vekur að við tekur
ungt fólk og konur eru þar í
meirihluta. Auk Ástu Kristínar
og Hauks, sem hafa tekið við
Skírni, ritstýra Kristín Svava
Tómasdóttir og Vilhelm Vil-
helmsson nú Sögu, tímariti
Sögufélags, Nanna Hlín Hall-
dórsdóttir stýrir Hug, tímariti
um heimspeki, árið 2020 og
Sigrún Margrét Guðmunds-
dóttir og Guðrún Steinþórs-
dóttir taka við Ritinu, tímariti
Hugvísindastofnunar, á nýju
ári. Sigþrúður Gunnarsdóttir og
Elín Edda Pálsdóttir eru síðan
nýir ritstjórar Máls og menn-
ingar.
ÉG VAR EKKI BEÐIN
UM AÐ TAKA AÐ MÉR
STARFIÐ AF ÞVÍ AÐ ÉG ER KONA
EN ÉG HELD SAMT AÐ ÞAÐ SÉ
EKKI HÆGT AÐ HORFA FRAM
HJÁ ÞVÍ AÐ ÞAÐ SKIPTIR MÁLI
AÐ LEITAST VIÐ AÐ JAFNA
KYNJAHLUTFÖLL SEM VÍÐAST.
1 4 . D E S E M B E R 2 0 1 9 L A U G A R D A G U R64 M E N N I N G ∙ F R É T T A B L A Ð I Ð