Fréttablaðið - 06.03.2020, Side 11

Möguleg
lokun Vínbúðanna
vegna verkfalls BSRB
Nánari upplýsingar um opnunartíma á vinbudin.is
Vegna fyrirhugaðra verkfallsaðgerða BSRB
biðjum við viðskiptavini okkar að hafa í huga
að komið gæti til lokunar Vínbúðanna
mánudaginn 9. mars og þriðjudaginn 10. mars.
MÁN. ÞRI. MIÐ. FIM. FÖS. LAU. SUN.
9 10 11 12 13 14 15
VERKFALL
OPIÐM
A
R
S
ÍTALÍA Silvio Berlusconi, fyrrver-
andi forsætisráðherra Ítalíu, hefur
slitið sambandi við Francescu Pas-
cale, kærustu sína til tólf ára.
Hin 34 ára gamla Pascale sagði
ákvörðun Berlusconi hafa komið
sér í opna skjöldu, en hann er 83
ára gamall. Hún óskar honum þó
hamingjusams lífs og segir að þau
verði áfram vinir.
Berlusconi var dæmdur árið 2013
fyrir að borga fyrir kynlíf með 17
ára stúlku en var síðar sýknaður.
Sögur herma nú að hann sé að slá
sér upp með Mörtu Fascina, þrítugri
þingkonu. – atv
Berlusconi
yngir upp
CHILE Bæjarstjóri Páskaeyju hefur
kallað eftir hertum akstursreglum
í kringum fornleifasvæði eftir að
árekstur olli skaða á einni af moai-
styttunum þekktu.
Chilemaður, sem er búsettur á
eyjunni, hefur verið ákærður fyrir
að aka pallbíl sínum á eina af stein-
styttunum sem prýða eyjuna og
valda að sögn innfæddra ómældum
skaða.
Stytturnar, sem skipta hundruð-
um, eru helsta kennileiti eyjunnar.
Þær voru reistar einhvern tímann
milli 13. og 16. aldar og telja margir
eyjarskeggjar þær vera heilagar.
– atv
Árekstur á
Páskaeyju
Frá vettvangi. MYND/FACEBOOK
UMHVERFISMÁL Vísindamenn segja
veturinn í ár þann hlýjasta í Evrópu
frá því að mælingar hófust.
Gögn frá C3S, loftslagsbreytinga-
þjónustu ESB, ná aftur til ársins
1855. Miðað við þau var meðalhita-
stigið í desember, janúar og febrúar
síðastliðnum 1,4 gráðum hærra en
veturinn 2015-16, sem var áður heit-
asti vetur frá upphafi mælinga. Þá
var veturinn 3,4 gráðum hlýrri en
meðalvetur á tímabilinu 1981-2010.
„Þrátt fyrir að þessi vetur hafi
verið mjög öfgafullur er líklegt
að slíkir atburðir verði enn öfga-
kenndari vegna hnatthlýnunar,“
sagði Carlo Buontempo, formaður
C3S. Hann bætti við að þrátt fyrir að
svona hlýr vetur veki ugg lýsi hann
ekki einn og sér loftslagsbreyting-
um. „Árstíðarhiti, sérstaklega utan
hitabeltisins, er verulega breyti-
legur frá ári til árs,“ sagði hann.
Samt sem áður er  búist við  að
hnatthlýnun muni fjölga öfgatil-
fellum á borð við þetta um allan
heim á næstu árum.
Í skýrslu  Alþjóðaveðurfræði-
stofnunarinnar frá því í fyrra kemur
fram  að áratugurinn 2010-2019
hafi verið sá heitasti á jörðinni allri
síðan mælingar hófust. – atv
Hlýjasti vetur í Evrópu frá upphafi mælinga
Hitinn á Suðurskautslandinu fór yfir 20 gráður í febrúar. MYND/GETTY
Silvio
Berlusconi.
DANMÖRK Fyrstu sjálf keyrandi
strætisvagnar Danmerkur hafa
verið teknir í notkun í Álaborg.
Strætisvagnarnir, sem eru tveir,
keyra bílstjóralausir á 18 kílómetra
hraða í austurhluta borgarinnar.
Þrátt fyrir að vagnarnir stýri sér
sjálfir með myndavélum og þrí-
víddarkortum  verða starfsmenn
um borð til að byrja með til að taka
við stjórn ef þörf krefur.
„Þetta hefur verið langt ferli og
erfitt að fá samþykki. En nú eru
þeir komnir af stað,“ sagði Thomas
Kastrup-Larsen, borgarstjóri Ála-
borgar, sem er hæstánægður með
vagnana. – atv
Sjálfkeyrandi
vagnar í Álaborg
1,4̊C
er hækkunin frá síðasta
vetrarhitameti.
F R É T T I R ∙ F R É T T A B L A Ð I Ð 11F Ö S T U D A G U R 6 . M A R S 2 0 2 0