Fréttablaðið - 06.03.2020, Blaðsíða 16

Hinn árlegi Mottumars stend-ur nú yfir og í ár er áherslan lögð á gildi hreyfingar sem
forvarnar gegn krabbameinum,
en reglubundin hreyfing dregur
úr líkum á krabbameinum og er til
góðs fyrir fólk sem hefur greinst
með krabbamein.
„Mottumars er tvíþætt verk-
efni,“ segir Halla Þorvaldsdóttir,
framkvæmdastjóri Krabba-
meinsfélagsins. „Annars vegar er
það vitundarvakning til að vekja
athygli á öllu sem varðar krabba-
mein hjá körlum og hins vegar
er þetta fjáröflun fyrir Krabba-
meinsfélagið.
Staðan er sú að rúmlega 800
karlmenn greinast með krabba-
mein á hverju ári og tæplega
sjö þúsund eru á lífi sem hafa
fengið krabbamein,“ segir Halla.
„Eitt af markmiðum félagsins er
að fækka krabbameinum. Þess
vegna beinum við sérstaklega
sjónum að fyrirbyggjandi þáttum
í Mottumars í ár, en við vitum að
með heilsusamlegum lífsstíl er að
hægt að koma í veg fyrir fjögur af
hverjum tíu krabbameinum. Við
viljum fá þjóðina í lið með okkur,
svo að við getum náð enn meiri
árangri saman.
Sjaldnast er þörf á byltingar-
kenndum lífsstílbreytingum til að
vinna gegn krabbameinum, bara
það að gera svolítið betur getur
auðveldlega haft heilmikil áhrif,„
segir Halla. „Til þess að hreyfing
hafi jákvæð áhrif þarf bara að
stunda hreyfingu sem hækkar
púlsinn í um 30 mínútur á dag,
sem er vel gerlegt.
Í myndbandinu sem við gáfum
út í tilefni af Mottumars má sjá
stórglæsilega, Mottumarssokka-
klædda snillinga sýna alls kyns
hreyfingar og kenna heilsuráð
sem geta komið að góðu gagni,“
útskýrir Halla.
Fjölbreytt dagskrá í mars
„Í tilefni af Mottumars verður dag-
skrá um allt land yfir mánuðinn.
Það verða ýmsir fræðsluviðburðir í
húsakynnum Krabbameinsfélags-
ins og það var stórt málþing hjá
Krabbameinsfélaginu á Akureyri
í vikunni,“ segir Halla. „Af því að
áherslan er á hreyfingu í ár skipu-
lögðum við Karlahlaup sem átti
að koma átakinu af stað 1. mars,
en vegna verkfalls Eflingar var því
frestað og við stefnum á að hafa
það í lok mars. Við erum bara að
bíða eftir að fá staðfestingu á því
hvenær forsetinn getur komið og
verið með, en hann ætlar að vera
fylgisveinn þeirra sem fara hægt
yfir í hlaupinu. Þetta verður stór-
skemmtilegur viðburður og við
vonum að allir karlmenn sem geta,
komi og verði með okkur, hver á
sínum hraða, óháð aldri.
Halla segir að
það þurfi oftast
ekki byltingu
á lífsstíl til
að temja sér
heilsusamlega
lifnaðarhætti.
FRÉTTABLAÐIÐ/SIG-
TRYGGUR ARI
Í tilefni af Mottumars selur Krabbameinsfélagið sérstaka Mottumars-sokka. FRÉTTABLAÐIÐ/SIGTRYGGUR ARI
Þetta hlaup verður líka á nokkr-
um stöðum á landsbyggðinni og
einnig ætlar Krabbameinsfélag-
ið í Árnessýslu að skipuleggja
rútuferð í hlaupið hér í borginni,“
segir Halla. „Þannig að það verður
bæði hreyfingartengd dagskrá
og fræðsla af ýmsu tagi í boði um
allt land og við hvetjum fólk til að
kynna sér hana nánar á vefnum
mottumars.is.“
Hægt að breyta lífsstíl
þjóðarinnar aftur
„Mottudagurinn svokallaði verður
13. mars næstkomandi. Þá von-
umst við til að vinnustaðir taki
þátt á sinn eigin hátt,“ segir Halla.
„Við eigum von á að myndbandið
sem ég talaði um verði notað sem
fyrirmynd og heilu vinnustaðirnir
sendi okkur myndir og myndbönd
af sér að syngja og dansa með.
Heilsuráðin eru til þess að draga
úr líkum á krabbameinum,“ segir
Halla. „Það hljómar einfalt þegar
maður segir það, en það er f lókið
að koma þessum skilaboðum til
heillar þjóðar, hvað þá þannig að
fólk taki mark á þessu og hagi sér í
samræmi við þetta.
En Íslendingar geta breytt um
lífsstíl. Við höfum séð það á tób-
aksvörnum, þar sem náðst hefur
árangur á heimsmælikvarða,“
segir Halla. „En sá árangur náðist
vegna þess að ótal aðilar tóku
undir með Krabbameinsfélaginu,
þar á meðal stjórnvöld. Það hefur
skilað miklum árangri og þetta
þarf að gerast varðandi hreyfingu
og aðra þætti til að fólk hlusti og
taki mark á boðskapnum og við
náum markmiðum okkar. Þess
vegna þurfum við stuðning lands-
manna.“
Þakklát fyrir velvilja og
stuðning þjóðarinnar
„Í átakinu leggjum við áherslu á að
selja Mottumarssokkana, en við
seljum líka ýmsar aðrar fjáröfl-
unarvörur og ákveðin fyrirtæki
selja vörur til styrktar átakinu.
Við viljum sjá sokkana á fótum
allra landsmanna,“ segir Halla.
„Peningarnir fara svo í alls konar
verkefni sem tengjast forvörnum,
fræðslu og rannsóknum. Við
höldum til dæmis út vefsvæðinu
Karlaklefinn, sem er sérstaklega
fyrir karla og þar er að finna nýtt
gagnvirkt fræðsluefni sem er búið
að leggja mikla vinnu í og á að
vera mönnum liðsinni þegar þeir
velta fyrir sér hvort þeir eigi að láta
skima fyrir krabbameini í blöðru-
hálskirtli.
Við stöndum fyrir ýmiss konar
rannsóknum. Við rekum stóran
vísindasjóð sem hefur deilt út 160
milljónum króna á síðustu þremur
árum og erum líka með okkar
eigin rannsóknir,“ segir Halla. „Nú
styttist til dæmis í að við förum
af stað með rannsókn þar sem við
skoðum reynslu fólks af því að
greinast og fara í gegnum meðferð,
sem styrkir okkur í málsvarahlut-
verkinu.
Það má til dæmis búast við að
þar komi fram mikilvæg gögn frá
körlum, sem stundum er erfiðara
að heyra frá því þeir leita sér mun
síður aðstoðar en konur,“ segir
Halla. „Hjá Ráðgjafarþjónustunni
okkar býðst fólki frí þjónusta,
einstaklingsráðgjöf, námskeið og
fleira, en það eru færri karlar sem
nýta það en konur, bæði aðstand-
endur og þeir sem hafa greinst með
krabbamein. Við viljum reyna að
auka þann fjölda karla sem nýtir
sér þetta.
Starfsemi Krabbameinsfélagsins
byggir alfarið á stuðningi einstakl-
inga og fyrirtækja, en margir halda
að hún njóti opinbers stuðnings,
svo er ekki,“ segir Halla. „Við
rekum Leitarstöðina á samningi
við Sjúkratryggingar en greiðum
með starfseminni, en önnur starf-
semi er fyrst og fremst fjármögnuð
fyrir velvilja einstaklinga og
fyrirtækja. Við erum afar þakklát
almenningi og fyrirtækjum fyrir
að gera okkur kleift að sinna hlut-
verki okkar.“
2 KYNNINGARBLAÐ FÓLK 6 . M A R S 2 0 2 0 F Ö S T U DAG U R