Hugur og hönd - 01.06.1980, Blaðsíða 43
DÖNSK BÓK UM
JURTALITUN
Á síðustu árum hefur áhugi fyrir
jurtalitun aukist mikið og færri kom-
ist en vildu á þau námskeið, sem hald-
in hafa verið. Margir hafa notfært sér
leiðbeiningar sem birst hafa á preati
m. a. í þessu blaði. Nokkrar bækur
hafa komið út á íslensku, Jurtalitir
eftir Þórdísi Stefánsdóttur 1919,
Jurtalitun, Forsagnir eftir Kristínu
Þorsteinsdóttur 1942 og Um jurtalit-
un eftir Matthildi Halldórsdóttur
1944, en allar eru þær löngu uppseld-
ar.
Frændur okkar Danir eru vel að
sér um litun sem og ýmsar aðrar
handiðnir og hafa gefið út margar
bækur um þau efni. Viljum við kynna
hér eina, „Hjemmefarvning med
planter", eftir Ingerid Lön, sem
skreytt er teikningum eftir H.N.
Garner og gefin út af bókaútgáfunni
Wormianum. Er þar á einfaldan og
greinargóðan hátt leiðbeint um jurtir
og kemisk efni sem nota má til lit-
unar og hvaða litbrigði fást af hverri
tegund. Meðan ekki er til ný íslensk
bók um þetta efni er gott að styðjast
við norrænar bækur.
leiðrétting
í Hug og hönd 1979 var grein um
Blómakrans úr hári. Þar er talað um
Ragnhildi, en leiðréttist hérmeð, á
að vera Ragnheiður Ilákonardóttir
frá Reykjarfirði við ísafjarðardjúp.
Ragnheiður lærði þcssa handiðn af
Karitas Hafliðadóttur sem bjó á Isa-
firði en var ættuð frá Bakkaseli í
Langadal.
Myndir úr Det daglige bröd, en þœr eru teknar úr verki Olaus Magnus,
„Historia de genibus septentrionalibus“, sem út kom i Róm 1555.
BÆKUR, SEM BORIST HAFA
BLAÐINU
Nationalmuseet í Kaupmannahöfn
hefur með höndum umtalsverða út-
gáfu fagbóka af ýmsu tagi. Blaðinu
hafa borist nokkrar sem okkur er
ánægja að kynna lesendum.
Kostumer og modedragter fra det
Kongelige teaters lierregarderope eft-
ir Viben Bech og Ellen Andersen.
Þetta er afar nákvæm og greinileg
frásögn af búningum sem notaðir
hafa verið í 200 ára langri sögu leik-
hússins. Bókin er prýdd fjölda mynda.
Moden i 1700 arene fra 1690—1790
eftir Ellen Andersen. Auk nákvæmra
lýsinga á tísku vfirstéttarinnar á
þessu tímabili, eru sniðteikningar af
margs konar fatnaði, svo sem bux-
um, kjólum og fleiru.
Bevaring af gamle tekstiler. I þeirri
bók eru nákvæmar leiðbeiningar um
þvotta, viðhald, viðgerðir og geymslu
ólíkustu textíla, ásamt myndum.
Navnklude eftir Minna Kragelund;
þar er fjallað um handavinnukennslu
í Danmörku á síðustu öld og reynt
að gera grein fyrir ástandi mennta-
og atvinnumála kvenna á þessu tíma-
bili.
Ildsteder og opvarning pá frilands-
museet eftir Peter Michaelsen. Lýs-
ingar á ýmsum tegundum eldstæða,
arna, ofna, eldavéla, skorsteina í þeim
húsum sem á safninu eru.
Det dagliga bröd — mjög skemmti-
leg bók um þróunarsögu mannsins,
ræktun hans á húsdýrum og kornteg-
undum. Notkun korns á hinum ýmsu
tímabilum, frá ölgerð til brauðbakst-
urs.
Verdens kvinder - Verdens kvinder,
fjallar um stöðu kvenna hjá ólíkum
þjóðum.
HUGUR OG HÖND
39