Feykir - 12.07.2017, Síða 9
Eldri borgarar á Löngumýri heimsóttir
Nauðsynlegt að breyta til
frá þrasinu í Reykjavík
Á Fræðslusetri kirkjunnar á
Löngumýri í Skagafirði er alltaf
líf og fjör og þar blómstrar
sérlega fjölbreytt og skemmti-
leg starfsemi, árið um kring.
Blaðamaður leit við í vikunni
sem leið en þá var þar staddur
hópur eldri borgara á vegum
Eldriborgararáðs Reykjavíkur-
prófastdæmanna.
Orofsdvöl eldri borgara á
Löngumýri er síður en svo nýtt
fyrirbæri og á sér sögu alveg
aftur á áttunda áratug síðustu
aldar. Á henni hafa þó orðið hlé,
ýmissa orsaka vegna, og dag-
skráin hefur tekið breytingum í
tímans rás eins og gengur og
gerist. Það eru þær Þórey Dögg
Jónsdóttir og Anna Hulda
Júlíusdóttir sem bera hitann og
þungann af dagskránni að
ógleymdum Gunnari Rögn-
valdssyni, staðarhaldara á
Löngumýri. Gunnar segir að
alltaf sé jafngaman að taka á
móti hópum sem þessum og
þeir fylli húsið af góðum anda
sem orni honum allt árið. Í
sumar koma fimm hópar í
heimsókn og dvelur hver hópur
fimm til sex nætur. Þessa vikuna
er meðalaldurinn í hópnum
ekki nema 79 ár sem er mjög
ungt, hann hefur farið allt upp í
86 ár.
Þórey Dögg hefur haft
umsjón með orlofsdvölinni
undanfarin ár en hún er fram-
kvæmdastjóri Eldriborgararáðs
Reykjavíkurprófastdæma. Hún
segir að á Löngumýri sé
umhverfi og aðgengi einstaklega
Brugðið á leik á Löngumýri. MYND: FE
SAMANTEKT
Fríða Eyjólfsdóttir
MYND: ÓLI ARNAR
gott og svo sé Gunnar stór hluti
af aðdráttarafli staðarins. Það sé
ómetanlegt fyrir fólk að hafa
kost á að komast á stað sem
þennan, margir séu einangraðir
heima hjá sér en þarna gefist
kostur á að brjóta upp hvers-
daginn í því heimilislega og
notalega umhverfi sem sé á
Löngumýri.
Þegar mig ber að garði er að
hefjast helgistund í kapellunni
þar sem beðið er fyrir verkefnum
dagsins og farið í gegnum
dagskrána sem fyrir liggur. Að
henni lokinni tekur við
morgunganga og svo leikir og
sprell, meðal annars skella
nokkrar konur sér í að húlla og
tekst sumum snilldarvel til. Svo
tekur við grillpartý í hádeginu.
Um kvöldið verður svo hátíðar-
kvöldverður og kvöldvaka. Á
kvöldvöku koma fram ýmsir
skemmtikraftar úr nágrenninu,
má þar nefna Jón harmo-
nikkuleikara í Miðhúsum,
Sigvalda, son Gunnars og hina
níu ára Matthildi á Flugumýri
sem bræðir hjörtu gestanna.
Ekki má svo gleyma sonum
Önnu Huldu, tvíburunum 14
ára, Júlíusi og Tryggva, sem
dvelja þar með mömmu sinni
og aðstoða við hvað sem til
fellur, m.a. að syngja og spila á
kvöldvökunum.
Ég tók nokkra gestanna tali
og bar þeim öllum saman um
hve það væri mikls virði að eiga
kost á að fara þessar ferðir.
Guðný Erla Jónsdóttir sagðist
vera að koma í tíunda skiptið.
„Hér er alltaf jafn gott að koma,
allir svo indælir, maturinn
góður og allt gert fyrir mann,“
sagði hún. Í fyrstu skiptin kom
hún með mágkonu sinni sem á
ekki heimangengt lengur svo nú
kemur hún bara ein. Á bekk við
hliðina á mér sat teinrétt og
spræk kona, Auður Magnús-
dóttir, sem við nánari eftir-
grenslan sagðist vera 93 ára
gömul og búa ein í sinni íbúð í
Reykjavík. Hún sagði að það
væri alveg nauðsynlegt að breyta
til frá þrasinu í Reykjavík, það
væri svo gott og mikil frelsun að
komast í sveitina. Hér væru allir
svo ánægðir með sitt og fólkið
duglegt.
Þegar ég kveð Löngumýri
fylgja mér hlátrasköll og
glaumur kátra gesta sem
greinilegt er að njóta til fullnustu
þessa indæla staðar og fólksins
sem þar starfar.
27/2017 9
Hreindís Ylva Garðarsdóttir Holm / söngkona
Skældi yfir lögum söng-
konunnar Carrie Underwood
( TÓN-LYSTIN ) oli@feykir.is
Það er Hreindís Ylva Garðarsdóttir
Holm sem svarar lipurlega Tón-lystinni
að þessu sinni. Hún er alin upp í
Mosfellsdal, dóttir Huldu Jónasar
sem er frá Sauðárkróki og er dóttir
Erlu Gígju og Ninna. Hún er söngkona
en spilar einnig á þverflautu, piccolo
flautu og gítar.
Spurð um helstu tónlistarafrek sín
svarar Hreindís Ylva: „Ætli það beri ekki
helst að nefna plötuna mína sem kom út
2011 og dásamlegu lögin tvö sem ég hef
sungið í Söngvakeppni Sjónvarpsins.“ Þá
má geta þess að Hreindís Ylva var stúlkan
sem komst ekki heim um jólin og brenndi
við matinn í jólaauglýsingu Icelandair
árið 2014. Hver gat horft ósnortinn á þá
auglýsingu?
Hvaða lag varstu að hlusta á? 80s
Mercedes – Maren Morris. Get ekki hætt
að hlusta á það.
Uppáhalds tónlistartímabil? Ég á ekk-
ert uppáhalds tímabil, kann eiginlega
einmitt bara mest að meta það að geta
leitað í mismunandi tímabil og hvað þau
eru ólík.
Hvaða tónlist fær þig til að sperra
eyrun þessa dagana? Ég sperri alltaf
eyrun þegar mér er boðið að hlusta á
nýtt efni frá fólkinu mínu, t.d. hljómsveit
bróður míns, Vio, eða vinkonum mínum,
en hið minnsta þrjár þeirra eru einmitt að
vinna plötur um þessar mundir.
Hvers konar tónlist var hlustað á á
þínu heimili? Það var hlustað á allt frá
ABBA til Led Zeppelin og Dolly Parton til
Deildarbungubræðra þó svo að íslensk
tónlist, dægur, popp og rokk, hafi kannski
skipað stærsta sessinn. Bjöggi, Stjórnin,
Sálin, Todmobile, Mannakorn og ýmis
önnur frábær tónlist náði að smjúga
vandlega inn að beini og ég set þetta allt
enn í gang í dag og syng hástöfum með.
Hver var fyrsta platan/diskurinn/
kassettan/niðurhalið sem þú keyptir
þér? Ég man ekki hver sú allra fyrsta var
en ég á ofsalega sterka minningu um að
kaupa aðra plötu söngkonunnar Carrie
Underwood í fríhöfninni og þurfa svo að
fela það vel og vandlega á leiðinni út í
fríið hvað ég skældi mikið yfir sumum
lögunum. Ég var samt orðin unglingur þá
og löngu byrjuð að versla tónlist.
Hvaða græjur varstu þá með? Ég fékk
svaka flottar græjur í jólagjöf eitt árið,
nokkrum árum fyrir fermingu, þær eru
enn til og í fínu lagi.
Hver var fyrsta lagið sem þú mannst
eftir að hafa fílað í botn? ‘Eitt lag enn’
með Stjórninni, Blue í flutningi LeAnn
Rimes og Runaway með The Corrs.
Hvaða lag getur eyðilagt fyrir þér
daginn? Þau eru tvö. ‘Country Girl’ með
Luke Bryan og ‘Somebody’ með Natalie
La Rose og Jeremih – þegar ég heyrði það
í fyrsta sinn var ,,Má þetta?” það eina
sem ég hafði að segja.
Þú heldur dúndurpartí í kvöld, hvað
læturðu hljóma í græjunum til að
koma öllum í stuð? Ég er með mjög
ó-partívænan tónlistarsmekk og kem
engum í stuð með mínum lagalista svo
ég læt yfirleitt einhvern annan sjá um að
velja lög í partíið.
Þú vaknar í rólegheitum á sunnu-
dagsmorgni, hvað viltu helst heyra?
Röddin hans Chris Stapleton er besta
leiðin til að vakna á sunnudagsmorgni
eða ljúfari hliðin á Zac Brown Band.
Þú átt þess kost að fara hvert sem er
í heiminum og skella þér á tónleika.
Hvert færirðu, á hvaða tónleika og
hvern tækirðu með þér? Ég er búin að
vera dugleg við að merkja í box á tón-
leika „bucket-listanum” undanfarin ár, og
þar standa upp úr t.d. Carole King, Carrie
Underwood, The Corrs, LeAnn Rimes,
Dixie Chicks og Martina McBride. Ég á
samt fullt eftir, t.d. Shania Twain, Dolly
Parton, Beyonce, Justin Timberlake og
Britney. Fyrir mér skiptir svo mestu að sá
sem er með mér fíli tónlistina jafn vel og
ég og sé sama þó ég lifi mig svolítið inn
í það sem er að gerast og gleymi stund
og stað.
Hvað músík var helst blastað í
bílnum þegar þú varst nýkominn með
bílpróf? Í fyrsta bílnum mínum var bara
kasettutæki svo ég gerði alls konar
mixtape. Flest þeirra innihéldu country
og aftur country.
Hvaða tónlistarmaður hefur þig dreymt
um að vera eða haft mest áhrif á þig?
Mig hefur aldrei dreymt um að vera nein
önnur en ég er en margir haft áhrif, t.d.
Karen Carpenter, Carole King, Guðrún
Gunnars, Ellen Kristjáns og svo þeir sem
ég hef lært hjá og unnið með.
Hver er að þínu mati besta plata sem
gefin hefur verið út? Þetta er eiginlega
jafntefli milli Tapestry með Carole King
og Jolene með Dolly Parton.
toppurinn
Vinsælast á Playlistanum:
You’ve Got a Friend
CAROLE KING
Rainy Days and Mondays
THE CARPENTERS
Wide Open Spaces
DIXIE CHICKS
The House That Built Me
MIRANDA LAMBERT
Engill
REGÍNA ÓSK
Something in the Water
CARRIE UNDERWOOD