Feykir - 26.09.2018, Blaðsíða 2
Enn eina ferðina er verið að skerða þjónustu við íbúa
landsbyggðarinnar í nafni stafrænnar byltingar. Nú
síðast er það tryggingafélagið „þar sem tryggingar snúast
um fólk“ sem ætlar að skera
niður þjónustu á stórum
svæðum á landinu. Það heitir
„að sameina skrifstofur“ á
þeirra máli en að sjálfsögðu er
hér bara verið að loka skrif-
stofum á átta stöðum á land-
inu. Að auki er svo umboðs-
mönnum á þrettán stöðum til
viðbótar sagt upp.
Það eru ýmsar fórnirnar sem við sem búum á
landsbyggðinni höfum þurft að færa í nafni hagræð-
ingarinnar. Bankar, pósthús, og margs kyns önnur þjónusta
hefur verið lögð af því við höfum víst ekki þörf fyrir hana
lengur. Tryggingafélagið hlýtur að ætla sér að meta hvers
kyns tjón í gegnum tölvu, kannski gengur það upp en ég
hef enn ekki fyrirfundið þann banka sem getur afgreitt
skiptimynt í gegnum tölvuna. En það eru reyndar ekki
bara þeir sem búa á landsbyggðinni sem búa við skerta
þjónustu, í mörgum hverfum á höfuðborgarsvæðinu er
það sama uppi á teningnum og bitnar að sjálfsögðu mest á
þeim sem síst skyldi, eldra fólki og öryrkjum.
Mér dettur ekki í hug að halda því fram að tækninni
fylgi engin hagræðing, langt frá því. En stundum geta
hlutirnir orðið ansi snúnir. Mér dettur í hug sagan af
manninum sem bjó á afskekktum stað úti á landi og týndi
símanum sínum í smalamennsku og komst ekki umsvifa-
laust til borgarinnar að redda sínum málum. Svo óheppi-
lega vildi til að bankakortið eða -kortin hans voru í
símaveskinu og því einnig glötuð. Minnsta mál var að fá ný
kort send en málið vandaðist þegar átti að fara að nota þau.
Viðkomandi gat nefnilega ekki tekið út af kortunum sínum
nema nálgast Pin-númerin sín og þau gat hann ekki
nálgast nema í heimabankanum, þau voru ekki gefin upp í
gegnum síma. Og í heimabankann komst hann ekki nema
með rafrænum skilríkjum í gegnum síma og nýjan síma
gat hann ekki keypt nema hafa Pin-númer.
Er þetta kannski það sem kallast hringavitleysa?
Fríða Eyjólfsdóttir,
blaðamaður
LEIÐARI
Í nafni tækninnar
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Páll Friðriksson, palli@feykir.is & 861 9842
Blaðamenn:
Fríða Eyjólfsdóttir, frida@feykir.is & 867 9744,
Óli Arnar Brynjarsson, oli@feykir.is
Áskriftarverð: 530 kr. hvert tölublað með vsk.
Lausasöluverð: 650 kr. m.vsk.
Áskrift og dreifing: Nýprent ehf. Sími 455 7171.
Umbrot og prentun: Nýprent ehf.
Óháð fréttablað á Norðurlandi vestra - alltaf á miðvikudögum
Aðeins lönduðu fjórir bátar á Skagaströnd í
síðustu viku.
Línubáturinn Óli á Stað var þeirra
aflahæstur með rúm 23 tonn en alls var
sléttum 59.600 kílóum landað þar. Á
Sauðárkróki lönduðu sjö skip og bátar
tæpum 542 tonnum. Af þeim var Drangey
SK 2 aflahæst með tæp 162 tonn. Engu var
landað á Hvammstanga né á Hofsósi.
Heildarafli vikunnar var 601.424 kíló. /FE
Aflatölur 16.–22. september 2018 á Norðurlandi vestra
Fáir á sjó í síðustu viku
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
SAUÐÁRKRÓKUR
Drangey SK 2 Botnvarpa 161.905
Fjölnir GK 157 Lína 57.767
Jóhanna Gísladóttir GK 557 Lína 70.885
Kristín GK 457 Lína 63.792
Málmey SK 1 Botnvarpa 159.662
Onni HU 36 Dragnót 3.300
Sigurborg SH 12 Rækjuvarpa 24.513
Alls á Sauðárkróki 541.824
SKAGASTRÖND
Guðbjörg GK 666 Lína 10.271
Hulda GK 17 Lína 16.548
Kristinn SH 812 Landbeitt lína 9.552
Óli á Stað GK 99 Lína 23.229
Alls á Skagaströnd 59.600
Norðurland vestra
Íbúum fjölgar um 0,5%
á Norðurlandi vestra
Íbúum Norðurlands vestra
hefur fjölgað um 36 einstakl-
inga eða 0,5% á tímabilinu
frá 1. desember 2017 til 1.
september sl. samkvæmt
tölum frá Þjóðskrá sem birtar
voru nýlega. Mesta fjölgunin
í landshlutanum varð í
Blönduósbæ en þar fjölgaði
íbúum um 43 sem nemur
4,8% fjölgun.
Heildaríbúafjöldi á Íslandi
var, þann 1. september, 354.152
og hafði fjölgað um 1,7% frá 1.
desember 2017. Hlutfallsleg
fjölgun var mest í Mýrdalshreppi,
um 9,1% en hlutfallsleg fækkun
var mest í Reykhólahreppi, um
9,7%. Íbúum fjölgaði í öllum
landshlutum nema á Norður-
landi eystra þar sem fækkaði um
0,4%.
Í tölum Þjóðskrár má sjá að
Sveitarfélagið Skagafjörður er
fjölmennast sveitarfélaga á
Norðurlandi vestra. Þar voru
Blönduós
Húnabraut 4 öll í eigu Ámundakinnar
íbúar þann 1. september 3.979
og hafði fjölgað um 34 eða 0,9%
á tímabilinu. Í Húnaþingi vestra
voru íbúar 1.179 en þar hafði
fækkað um ellefu manns eða
0,9%. Í Blönduósbæ voru 935
íbúar þar sem hafði, eins og áður
segir, fjölgað um 43 eða 4,8%, á
Skagaströnd voru íbúar 456 og
fækkaði íbúum þar um 24 eða
5% sem er mesta fækkunin í
landshlutanum. Íbúar Húna-
vatnshrepps voru 380 og hafði
fækkað um sjö manns eða 1,8%,
í Akrahreppi voru 198 íbúar og
hafði fjölgað um fjóra eða 2,1%
og fámennasta sveitarfélagið er
Skagabyggð með 89 íbúa en þar
hafði fækkað um þrjá sem
jafngildir 3,3% fækkun. /FE
Ámundakinn ehf. og
Búrfjöll ehf. undirrituðu
nýlega samning um kaup
Ámundakinnar á hlut Búrfjalla
í húsinu að Húnabraut 4 á
Blönduósi. Um er að ræða
rúmlega 500 m2 verslunar- og
iðnaðarhúsnæði auk tæplega
300 fermetra skemmu.
Einnig fylgir allstórt afgirt
geymslusvæði og lóð. Þar með
hefur Ámundakinn eignast allt
húsnæðið að Húnabraut 4.
Jóhannes Torfason, fram-
kvæmdastjóri Ámundakinnar,
segir í samtali við Húna.is að
markmiðið með kaupunum sé
að greiða fyrir og vinna að því að
Hluti hússins að Húnabraut 4. MYND: FE
myndast geti heilstætt verslunar-
og þjónustusvæði á lóðinni,
jafnvel einskonar mini-moll áður
en langt um líður. Jóhannes segir
ennfremur að viðræður séu
hafnar við aðila sem sýnt hafi
svæðinu áhuga og vonist félagið
eftir að á næstunni komi
niðurstöður þeirra viðræðna í
ljós. Auglýsir hann jafnframt
eftir fleiri aðilum sem áhuga
kynnu að hafa á að finna rekstri
sínum samastað þarna eða stofna
til nýs rekstrar. /FE
Stórsýning og skagfirsk gleði
Laufskálagleði framundan
Nú um helgina verður gleði og gaman í Skaga-
firði er Laufskálaréttir fara fram. Dagskráin tekur
yfir þrjá daga og hefst á föstudagskvöldið.
Stórsýning og skagfirsk gleði verður í reiðhöll-
inni á Sauðárkróki þar sem ýmislegt verður í boði.
Meðal atriða mun fjölskyldan á Sunnuhvoli í Ölfusi
mæta á svæðið en hún hefur gert garðinn frægan
með glæsilegan hestakost. Sigga Sig. þekkja allir
hestamenn landsins og er því lofað að hann verði
flugríðandi í höllinni á föstudagskvöldið.
Á laugardag verður stóðið í Kolbeinsdal rekið til
Laufskálaréttar um klukkan 11:30 en réttarstörf
hefjast klukkan 13. Um kvöldið mun svo Jónsi í
Svörtum fötum mæta og halda uppi réttarballs-
stemningu í reiðhöllinni.
Á sunnudag verða opin hús víða í firðinum en þá
bjóða hrossabændur áhugasama hestamenn vel-
komna í heimsókn. /PF
2 36/2018