Feykir - 26.09.2018, Side 3
1238, The Battle of Iceland
Svanhildur ráðin til starfa
Fyrir skömmu var greint
frá því að Áskell Heiðar
Ásgeirsson hafi verið ráðinn
framkvæmdastjóri 1238, The
Battle of Iceland, fræðslu- og
upplifunarmiðstöðvarinnar um
Sturlungaöldina sem opnar á
Sauðárkróki í vetur. Nú hefur
bæst í starfsmannahópinn
því Svanhildur Pálsdóttir, fv.
hótelstýra í Varmahlíð, hefur
verið fengin til starfa.
Sýningin, sem segir frá þeim
stóru bardögum sem einkenndu
öld Sturlunga og þá einkum
Örlygsstaðabardaga sem fram fór
árið 1238, er gagnvirk sem þýðir
að gestir munu geta tekið mik-
inn þátt í henni og skapað sína
eigin upplifun að hluta til sjálfir í
sýndarveruleika. Í miðstöðinni
verður einnig veitingastaður,
upplýsingamiðstöð og safnbúð
með vörum sem tengjast mið-
stöðinni.
1238 er í eigu Sýndarveru-
Svanhildur og Jökull standa við píanóið sem Áskell Heiðar leikur á. MYND AF FB
leika ehf. og stjórnarformaður
þess er Ingvi Jökull Logason, en
unnið hefur verið að uppbygg-
ingu miðstöðvarinnar í rúm
tvö ár. Framkvæmdir standa
enn yfir í húsnæði því sem hýsa
á sýninguna og er í eigu Svf.
Skagafjarðar. Opnunardagur-
inn ræðst af framkvæmdum en
Áskell Heiðar segist á Fésbókar-
síðu sinni vonast til að geta
boðið fyrstu gesti velkomna
snemma á næsta ári.
„Við verðum „frumsýnd“ á
Vest Norden ferðakaupstefn-
unni á Akureyri í byrjun næsta
mánaðar og þá fer boltinn að
rúlla – hlakka til að taka á móti
ykkur sem flestum og sýna
ykkur þegar þetta verður allt
tilbúið!“ skrifar Áskell Heiðar á
FB-síðu sína. /PF
Kona á skjön gerir víðreist
Guðrún frá Lundi
til Egilsstaða
Síðastliðinn sunnudag opnaði
á Egilsstöðum sýningin
Kona á skjön sem segir frá
rithöfundarferli Guðrúnar
frá Lundi sem fullyrða má
að sé sannkallað ævintýri í
íslenskri bókmenntasögu.
Sýningin hefur farið víða en
áður hefur hún verið sett upp á
Sauðárkróki, Borgarbókasafni
í Grófinni, Bókasafni Akraness
og Amtsbókasafni á Akureyri.
Kristín Sigurrós Einarsdóttir,
annar aðstandenda sýningar-
innar, segir enga þá staði þar
sem sýningin hefur staðið uppi,
utan Sauðárkróks, tengjast
Guðrúnu þar sem hún ól allan
sinn aldur í Skagafirði og
Austur-Húnavatnssýslu. „Þetta
flakk með sýninguna er til-
komið af því að þessir staðir
óskuðu eftir því að fá hana til
sín. Þannig má segja að Guðrún
sé orðin víðförulli í gegnum
sýninguna en hún var í lifanda
lífi,“ segir Kristín.
Kona á skjön verður á Egils-
stöðum fram í desember en fer
eftir það til Keflavikur og verður
opnuð gestum þar í janúar.
„Við vonum svo að með tíð
og tíma fái sýningin sinn fasta
samastað í Skagafirði en
aðsóknin hefur verið góð og
sýnir að það er vel grundvöllur
fyrir því að sýningin verði
varanleg,“ segir Kristín sem vill,
ásamt meðsýningarhöfundi
sínum, Marín Guðrúnu Hrafns-
dóttur, koma þakklæti til þeirra
sem styrktu sýninguna eða hafa
aðstoðað þær á einn eða annan
hátt. /PF
60áraDanslagakeppni Kvenfélags Sauðárkróks 1957-1971
Langar þig í Salinn?
Í síðasta blaði var farið
af stað með getraun í
tilefni af því að tónleikar
danslagakeppninnar á
Króknum, sem slógu í gegn
á Sæluvikunni á Sauðárkróki
2017 og síðasta vetur í
Salnum Kópavogi, verða
endurfluttir. Fara þeir fram í
Salnum 2. nóvember klukkan
20:30.
Við spurðum um það í síðasta
Feyki hver konan á myndinni
væri. Líklega var getraunin
heldur þung því ekki voru þau
mörg svörin sem bárust. En
dregið var úr réttum svörum og
reyndist Hörður Ingimarsson á
Sauðárkróki vera sá heppni.
Getur hann komið á skrifstofu
Feykis og nálgast tvo miða á
tónleikana. Konan sem um var
spurt heitir Halla Soffía
Jónasdóttir, kona Antons
Angantýssonar.
Hver er maðurinn?
Feykir ætlar, í samstarfi við
tónleikahaldara, að endur-
taka leikinn og teljum við get-
raunina heldur léttari í þetta
skiptið og spyrjum: Hver er
maðurinn á myndinni? Í
vinning eru tveir miðar á tón-
leikana í Salnum 2. nóvember.
Hann spilaði með hljóm-
sveit Hauks Þorsteinssonar,
var kjötiðnaðarmaður á
Króknum og samdi trúlega eitt
þekktasta lagið sem þátt tók í
danslagakeppnum Kvenfé-
lagsins.
Skemmtileg saga er til um
tilurð lagsins. Höfundurinn var
þekktur tónlistarmaður að
sunnan, og Haukur Þorsteins
sagði við hann að rándýr
skemmtikraftur að sunnan
gæti nú ekki verið þekktur fyrir
annað en að semja lag í
keppnina. „Ok, finndu þá
texta handa mér,“ sagði tón-
listarmaðurinn.
Haukur greip þá ljóðabók
eftir Davíð Stefánsson, sem
var við höndina, opnaði hana
og upp kom ljóðið sem lagið
er þekkt fyrir.
Svör skulu berast eigi síðar
en mánudaginn 1 október nk.
á netfangið palli@feykir.is. /PF
Hver er maðurinn?
Smellt'á okkur einum...
Feykir.is
Húnvetnskar laxveiðiár
Miðfjarðará
í þriðja
sætinu
Nú styttist í að
laxveiðitímabili ársins ljúki
og hefur ein af húnvetnsku
ánum, sem sitja á lista
landssambands veiðifélaga
yfir aflahæstu árnar, birt
lokatölur sínar. Talsverður
munur er á aflamagni
miðað við sama tíma í fyrra
þegar 8.008 laxar höfðu
veiðst en aðeins 5.644
núna sem er um 30%
aflaminnkun.
Sem fyrr er Miðfjarðará
efst á lista húnvetnsku ánna
en þar hafa veiðst 2.602
laxar en 3.627 á sama tíma í
fyrra. Blanda er í 14. sæti
með 870 en 1.433 í fyrra og
Laxá á Ásum hefur birt
lokatölur sem eru 702 laxar
en í fyrra var heildarveiðin
1.108 laxar.
Í Víðidalsá sem er í 22.
sæti hefur veiðst 561 lax en
722 í fyrra, Vatnsdalsá er í
23. sæti með 472 miðað við
653 í fyrra, Hrútafjarðará og
Síká hafa gefið 320 laxa en
voru 344 á sama tíma síðasta
ár og Svartá er með óveru-
lega fækkun en þar hafa
veiðst 117 laxar en þeir voru
121 á sama tíma í fyrra. /FE
Frá opnun sýningarinnar á Egilsstöðum um síðustu helgi. MYND: KSE
36/2018 3