Feykir - 05.12.2018, Page 7

sem Síkið í skrifum sínum um
leiki liðsins og ekki leið á löngu
þar til þetta var orðið pikkfast í
huga fólks og nú má segja að
húsið sé ekki þekkt undir neinu
öðru nafni.
Ekki bara:
Áfram Tindastóll!
Margt ágætt hefur að sjálfsögðu
átt sér stað í Síkinu og ekki bara
frábær afrek inni á vellinum.
Stuðningsmenn Tindastóls hafa
í gegnum tíðina verið duglegir
við að láta heyra í sér og dómarar
ekki alltaf átt upp á pollborðið.
Þórhallur mundi eftir því að
geðprúður áhorfandi á
svölunum ofan við völlinn hafi
orðið svo æstur að tyggjóið
spýttist – sennilega alveg óvart
– út úr honum og niður í Síkið í
átt að öðrum dómara leiksins.
Eftir því var tekið að dómgæslan
skánaði mikið í kjölfarið.
Nú þykir ekki lengur fínt að
atast í dómurum á leikjum og
skilningur á erfiðu starfi þeirra
kannski aukist í áranna rás. Þrátt
fyrir þessa tyggjósögu þá þótti
það nánast sannað að skætingur
í garð dómara kæmi heimaliðinu
síst til góða. Stefán Jónsson,
fyrrum formaður Kkd. Tinda-
stóls, átti stóran þátt í að setja á
fót öfluga stuðningsmannasveit
Tindastóls, Grettismenn, í kjöl-
far þess að hann varð formaður.
Ein regla Grettismanna var skýr;
neikvæðni í garð dómara var
stranglega bönnuð á leikjum
Tindastóls og ef einhver stuðn-
ingsmanna liðsins fór út af
sporinu í þeim efnum, þá voru
Grettismenn fljótir að taka við
sér og sungu viðkomandi í kaf
með jákvæðum boðskap og
bumbuslætti.
Að sögn Rúnars Birgis Gísla-
sonar, Skagfirðings, körfubolta-
spekings og dómara, þá er hans
tilfinning að dómarar hafi nú-
orðið gaman af því að dæma í
Síkinu. „Menn eru ánægðir með
alla umgjörð á Króknum og fjör
í stúkunni. Það er gaman að
dæma ef það eru læti og
stemming.“ Rúnar segir að það
hafi verið annað í gamla Síkinu
„...þegar þetta var gryfja.“
Söngur Grettismanna, Fall-
egur dómari, sem hljómar iðu-
lega í kjölfar jákvæðra dóma til
handa Tindastóli, hefur örugg-
lega verið á toppnum yfir uppá-
haldslög dómara síðustu tímabil
og oftar en ekki kallað fram bros
á varir þessara oft alvarlegu
flautuleikara.
Stækkun Síkisins umdeild
Fyrir stækkun Síkisins þótti
stemningin í húsinu hrikaleg – í
jákvæðustu merkingu þess orðs.
Fólk kom kófsveitt heim af
leikjum enda nándin algjör,
bæði við leikinn og aðra
stuðningsmenn. Fæstir gátu
haldið sig fjarri og jafnvel
hjartveikustu menn mættu bara
með sprengitöflurnar í vasanum
– enda margsannað að það er
miklu erfiðara að sitja upp-
spenntur heima heldur en að
mæta í Síkið og losa um mesta
þrýstinginn með öllum hinum.
Hermt er að yfir 800 manns
(sennilega mjög óábyrg tala)
hafi verið á leik Tindastóls og
Hauka, þáverandi Íslands-
meistara, í þríframlengdum leik
í Síkinu haustið 1988 og þá hafi
Feyki datt í hug að setja sig
í samband við gamalkunnan
andstæðing Tindastóls
í Síkinu, Brynjar Þór
Björnsson, sem skipti
loksins úr svarthvítu í
lit í byrjun sumars – eða
semsagt úr KR í Tindastól.

Brilli var hér áður frekar langt
frá því að vera í uppáhaldi hjá
stuðningsmönnum Stólanna
sem fögnuðu flestu því sem
úrskeiðis fór hjá kappanum,
en hann átti þó oftar en
ekki síðasta orðið. Mörgum
er í óþarflega fersku minni
þegar hann gerði sigurkörfu KR í Síkinu á síð-
asta sekúndubrotinu í þriðja leik úrslitaeinvígis
Stólanna og Vesturbæinga nú í vor. Tindastóll og
KR hafa spilað marga magnaða leiki í Síkinu í
gegnum tíðina og því rétt að heyra í Brilla hljóðið
varðandi heimavöll Tindastóls.
Nú geri ég ekki ráð fyrir að KR-ingar, marg-
faldir meistarar, hafi komið skjálfandi á
beinunum í Síkið. Hvernig var samt stemningin
í liðinu fyrir leiki á Króknum og hvernig fannst
þér að spila í Síkinu? -Ég segi seint að við
höfum komið skjálfandi á beinunum en það var
alltaf tilhlökkun að koma á Krókinn og spila.
Óvildin í garð okkar KR-inga var svo sannarlega
til staðar og það hvatti okkur áfram í að standa
okkur vel. Töpin voru mörg en sigrarnir yfirleitt
eftirminnilegir. Mér fannst alltaf gaman að
koma á Krókinn, enda stuðningsmennirnir til
fyrirmyndar og Tindastólsliðið alltaf líkamlega
sterkt.
Var eitthvað öðruvísi við að spila í Síkinu en í
öðrum íþróttahúsum? -Já. Stemningin var alltaf
góð þegar ég kom sem gestur hingað. Svalirnar
yfir bekkjunum gerðu það að verkum að ég heyrði
Brynjar Þór Björnsson skytta
„Skil vel ef menn
eru enn með martraðir“
Brynjar Þór með gömlum félögum í KR. MYND: HJALTI ÁRNA
ýmislegt og nálægðin við stuðningsmennina var
mikil.
Fór Síkið verr í suma leikmenn en aðra? -Nei,
ég segi það ekki. Það var oftar leikstíllinn sem
fór í suma, enda Tindastólsliðið þekkt fyrir
að spila flottan varnarleik. Við fundum það að
Tindastólsliðið var alltaf klárt í að mæta KR.
Þegar það kom hins vegar að úrslitastundu
fannst mér liðsmönnum mínum yfirleitt líða vel.
Hvernig finnst þér að spila fyrir framan
stuðningsmenn Tindastóls sem Tindastóls-
maður? -Frábært. Það er búin að vera frábær
mæting það sem af er hausti og vonast ég til þess
að það muni bæta í þegar líður á tímabilið. Við
viljum gera Síkið að óvinnandi vígi og stór partur
af því er að hafa frábæra stuðningsmenn sem
hjálpa okkur í gegnum erfiðustu hjallana.
Ertu ekki kominn með bullandi sektarkennd
út af þessari körfu í vor? -Það er erfitt. Mig var
búið að dreyma um álíka körfu frá því ég var lítill
gutti. Upplifunin og tilfinningin var eitthvað sem
ég mun aldrei gleyma. Ég skil hins vegar vel ef
menn eru enn með martraðir eftir þennan leik.
46/2018 7