Feykir - 05.12.2018, Blaðsíða 12

Ertu með fréttaskot, mynd eða
annað skemmtilegt efni í Feyki?
Hafðu samband. Síminn er 455 7176
og netfangið feykir@feykir.is
46
TBL
5. desember 2018 38. árgangur
Frétta- og dægurmálablað á Norðurlandi vestra : Stofnað 1981
Sögu lands og þjóðar gerð góð skil í Miðgarði
100 ára fullveldis minnst
Það var góð stemning í þétt setnu
Menningarhúsi í Miðgarði sl.
laugardagskvöld er þess var minnst í
tali og tónum að öld var liðin frá því
að Ísland fékk fullveldi frá
Danakonungi. Stóru kórarnir í
Skagafirði, Karlakórinn Heimir og
Kvennakórinn Sóldís, léku þar
stærstu hlutverk með söng en á milli
laga var stiklað á stóru með áherslu á
Ísland í heimssögunni og þá
sérstaklega þar sem Skagfirðingar
komu við sögu.
Eftir að Lydía Einarsdóttir hafði
sett dagskrána steig Agnar
Gunnarsson, einn skipuleggjenda og
höfunda viðburðarins, á svið og
spjallaði létt við áhorfendur um
verkið sem bar nafnið „Hver á sér
fegra föðurland“. Í kjölfarið var
slegið í og hóf Karlakórinn Heimir
upp raust sína og söng Skín við sólu
Skagafjörður. Kórinn stóð á sviðinu
fyrri hluta skemmtunarinnar og
söng af sinni alkunnu snilld og hver
þulurinn á fætur öðrum kom fram
og rifjaði upp atvik gamalla tíða.
Eftir hlé sté Kvennakórinn Sóldís á
svið og hélt stemningunni vel uppi
allt fram að lokum er kórarnir tveir
sameinuðust á sviðinu og sungu tvö
lög og slógu þar með botninn í vel
heppnaða dagskrá. Án þess að fara
nánar út í frammistöðu kóranna í
einstaka lögum er vert að minnast á
lokalagið, Ó, guð vors lands, en það
var sannarlega vel flutt og gaman að
verða vitni að flutningi þess á
þessum merka degi.
Myndir frá kvöldinu má nálgast á
Facebook síðu Heimis. /PF
Fimm meistaratitlar til
Júdódeildar Tindastóls
Norðurlandsmót í júdó
Norðurlandsmót í júdó var haldið á Blönduósi sl.
sunnudag og mættu alls 34 keppendur frá þremur
júdófélögum á Norðurlandi: Gestgjöfunum í Pardusi
á Blönduósi, Tindastóli, og KA á Akureyri. Á
heimasíðu Tindastóls kemur fram að Norðurlandsmót
hafi verið haldin á Blönduósi frá árinu 2015 og var
þetta fjórða árið í röð sem það er haldið.
Um samstarfsverkefni júdófélaganna þriggja á
Norðurlandi er að ræða en mest mæðir þó á
Blönduósingum sem bjóða upp á fyrsta flokks aðstöðu
og halda utan um skipulagið. Áður átti að halda mótið
í byrjun nóvember en því varð að fresta vegna slæms
veðurs.
Fimm Norðurlandsmeistaratitlar komu í hlut
Tindastóls, þrír til Pardus og þrír til KA.
Stúlkur U7 -25
Kristjana Friðriksdóttir - Tindastóll
Blandað U8 -25
Jóhanna Grétarsdóttir Noack - Tindastóll
Blandað U10 -30
Jón Skúlason - KA
Drengir U10 -42
Baltasar Guðmundsson - Pardus
Drengir U11 -42
Samir Jónsson - KA
Drengir U11 -55
Steinn Runólfsson - Tindastóll
Blandað U13 -50
Unnur Ólafdóttir - Pardus
Karlar U15 -50
Benedikt Magnússon - Pardus
Karlar U18 -60
Hannes Sigmundsson - KA
Karlar U18 +90
Þorgrímur Runólfsson- Tindastóll
Karlar -90
Einar Hreinsson- Tindastóll
Sjá nánar á heimasíðu Tindastóls. /PF
Brynja Brynjólfsdóttir og Kristjana Friðriksdóttir í Tindastól kepptu í
U7-25. MYND: HJÁLMAR ÓLAFSSON
Það var þröngt á þingi á sviðinu í Miðgarði sl. laugardag er Karlakórinn Heimir og Kvennakórinn
Sóldís rugluðu saman reitum og sungu saman í fyrsta skipti. MYND: PF
GÆÐASTJÓRI
Um starfið
Steinull hf., á Sauðárkróki, óskar eftir að ráða gæðastjóra. Leitað er að drífandi
einstaklingi með góða þekkingu og áhuga á gæða- og umhverfismálum.
Starfssvið
• Verkefni á sviði gæða-, umhverfis-og framleiðslumála.
• Umsjón með gæðastjórnunarkerfi fyrirtækisins.
• Eftirfylgni verkefna, þátttaka í samstarfsverkefnum og eftirlit með ferlum.
• Umsjón með innri og ytri gæðaúttektum.
• Umsjón með og þátttaka í úrbótaverkefnum.
Menntunar- og hæfniskröfur
• Háskólamenntun sem nýtist í starfi, s.s. verkfræði- eða tæknifræðimenntun.
• Reynsla af rekstri gæðastjórnunarkerfa og innri úttektum æskileg.
• Þekking á ISO 9001 og ISO 14001 og/eða öðrum ISO stöðlum.
• Brennandi áhugi á gæðamálum.
• Jákvæðni og lipurð í mannlegum samskiptum, ásamt góðri þjónustulund,
stundvísi og reglusemi.
• Frumkvæði, nákvæmni, ögun og sjálfstæði í vinnubrögðum.
• Góð íslensku- og enskukunnátta, í ræðu og riti er nauðsynleg.
• Mjög góð almenn tölvukunnátta.
Umsókn
Umsókn um starfið þarf að fylgja ítarleg starfsferliskrá og kynning á umsækjanda.
Upplýsingar um starfið veitir Stefán Logi Haraldsson, framkvæmdastjóri,
í síma 893 9597, eða í tölvupóstfangi slh@steinull.is
Umsóknarfrestur er til og með 10. desember 2018
Steinull hf.
Skarðseyri 550 Sauðárkróki
Sími 455 3000
www.steinull.is
ný
pr
en
t e
hf
/
1
22
01
8