Bæjarbót - 01.10.1987, Blaðsíða 5

Bæjarbót, óháð fréttablað 5
Ferðamannastraumurinn í sumar:
Mjög mikil aukning, ekki síst í
tengslum við Bláa lónið
— ,,allt að 350 manns einn daginn fyrir hádegi“ segir Jón
í Vör
Það leikur ekki nokkur vafi á
Suðurnesin standa á tímamót-
um varðandi ferðamanna-
straum og þjónustu sem af hon-
um leiðir. Hótel hafa sprottið
upp og Bláa lónið hefur slegið
rækilega í gegn. Auk þess sem
augu fólks hafa opnast fyrir því
að hér syðra er margt að sjá,
þótt gróður sé af skornum
skammti. Bæjarbót hafði sam-
band við nokkra aðila til að fá
nánari upplýsingar um ferða-
mannastrauminn í sumar.
„Það hefur verið sterk og góð
traffík hér í sumar“ sagði Þórð-
ur Stefánsson hótelstjóri í Bláa
lóninu. „Nýtingin hefur verið
mjög góð, en hér eru 11 2ja
manna gistiherbergi, auk þess
sem við höfum 8 herbergi hjá
Hópsnesi hf. Svo var oft margt
um manninn í mat og kaffi.“
Þórður sagði að mikill meiri-
hluti gestanna væru útlend-
ingar, flestir voru Bandaríkja-
menn, þá Skandinavar, en ís-
lendingar væru kannski um
20%.
Jón Guðmundsson í Sjó-
mannastofunni Vör sagði að hjá
sér hefði verið mjög mikil
traffík. „Aðallega voru þetta
stórir rútuhópar, einkum frá
Atlantik og Kynnisferðum.
Mest útlendingar sem komu um
Krísuvík og skoðuðu svo Hita-
veituna og lónið.“ Jón sagði að
auk rútufólksins hefði verið
mikil aukning „keyrslufarþeg-
ar“ þ.e. fólks á egin vegum.
„Það kom fyrir að við gátum
ekki annað beiðnum, en þá tóku
rúturnar nokkra aukahringi um
nágrennið þar til um hægðist.
Einn daginn komu hér 350
manns frá kl. 9-1, en algengt var
að hingað kæmu um 200 manns
á dag. Hér er úrvals mannskap-
ur og án hans hefði sumarið ekki
gengið jafnvel og raun ber
vitni.“
Ingvar Sigurðsson hefur um
margra ára skeið haft sérleyfis-
aksturinn milli Grindavíkur og
Reykjavíkur. í sumar fjölgaði
hann ferðum og að hans sögn
með sérstöku tilliti til Bláa lóns-
ins. „Þetta gekk ágætlega, það
varð mikil aukning, einkum
voru það þó útlendingar sem
fóru í lónið og síðan aftur til
Reykjavíkur. Þetta var tilraun
hjá mér og hún tókst alveg ágæt-
lega“ sagði Ingvar í spjalli við
blaðið.
Þessu næst hafði blaðið sam-
band við Jón Gunnar Stefáns-
son bæjarstjóra og spurði hann
hvað bæjaryfirvöld hyggðust
gera, eða hefðu gert, til að laða
að ferðamenn. „Um það mál
hefur nú ekki verið alvarlega
fjallað í bæjarstjórninni. Þó var
nýlega ákveðið að velja tjald-
stæðum stað á grasbölunum
austan knattspyrnuvallarins.
Þar verður sett upp nauðsynleg
aðstaða — með salernisaðstöðu,
rennandi vatni o.s.frv. Grinda-
víkurbær hefur ekki staðið sér-
staklega fyrir kynningu á bæn-
um eða nágrenni, nema að því
marki sem hann hefur tekið þátt
í sameiginlegu kynningarstarfi
SSS.“
Kristín Gunnþórsdóttir í Bað-
húsinu við Bláa lónið sagði sum-
arið hafa verið mjög gott þ.e.
frá miðjum júní og fram í ágúst.
„Einn sólríkan laugardag komu
milli 600-700 manns í lónið og
þá var hér öngþveiti, annars er
aðstaðan mjög góð. Um stækk-
un er ekkert ákveðið, annars er
það Hitaveitunnar að segja til
um það. Nú er ósköp rólegt
hérna og frá 1. október verður
opið virka daga kl. 13:00 til
20:30 og um helgar kl. 10:00 til
20:00. Það má segja að í heild-
ina tekið hafi sumarið farið
fram úr því sem menn áttu von
á.“
Til sölu í Grindavík
• Leynisbraut 5, 130 ferm. einbýlishús, ásamt 90 ferm.
neðri hæð, bílskúrsréttur. Skipti á eign á Reykjavíkur-
svæðinu. Verð: 4.200.000,-
• Borgarhraun 8,120 ferm. einbýlishús ásamt 50 ferm. bíl-
skúr. Góð eign, góður staður. Verð: 3.650.000,-
• Heiðarhraun 25. Endaraðhús 136 ferm., ásamt 40 ferm.
bílskúr. Verð: 2.800.000,-
• Litluvellir 16. Lítið raðhús ca. 60 ferm.
Verð: 1.850.000,-
• Efstahraun 20. Rúmgott endaraðhús. 4 svefnherbergi,
ásamt bílskúr Verð: 3.300.000,-
• Hvassahraun 3, 130 ferm. einbýlishús með 70 ferm. bíl-
skúr. Góð eign. Skipti á fasteign á Reykjavíkursvæðinu.
Verð: 4.000.000,-
• Mánagata 5. Nýtískulegt einbýlishús á 3 pöllum ásamt 30
ferm. bílskúr. Góður staður. Verð: 3.650.000,-
• Sökkull fyrir hús á tveimur hæðum við Glæsivelli.
Verð: Tilboð
• 3ja og 4 herb. íbúðir við: Ásbraut 5, Hellubraut 8,
Sunnubraut 5 og Túngötu 18.
• Austurvegur 48, lítið einbýlishús. Ekkert áhvílandi, góð
eign.
• Selsvellir 5. Sérlega vandað hús, 142 ferm. ásamt 42
ferm. bílskúr. Falleg lóð með útisundlaug o.fl. Lítið
áhvílandi. Glæsileg eign............... Tilboð
• Sólbaðsstofan Sólin. Fyrirtæki í fullum rekstri og topp-
standi. Verð: Tilboð
FASTEIGNAÞJÓNUSTA
SUÐURNESJA
Hafnargötu 31 - Keflavík - Sími 13722
Elías Guómundsson, sölustjóri
Ásbjörn Jónsson, lögfræöingur
SAMKOR
GRINDAYÍKUR
Kórinn mun hefja sitt annað starfsár á næstunni. Æfingar
verða á mánudags- og miðvikudagskvöldum. Kórstjóri
verður Kári Gestsson.
Hafir þú áhuga ertu boðin(n) velkomin í hressan hóp karla og
kvenna!
Frekari upplýsingar í síma 68391 hjá Guðmundu Jónsdóttur,
formanni Samkórsins.