Bændablaðið - 20.10.2016, Page 38

38 Bændablaðið | Fimmtudagur 20. október 2016
Matvælastofnun vekur athygli
á að opnað hefur verið fyrir
skráningar haustskýrslna í
Bústofni (www. bustofn.is). Í
samræmi við lög um búfjárhald
nr. 38/2013 skulu umráðamenn
búfjár árlega skila inn haust-
skýrslu fyrir 20. nóvember nk.
um búfjáreign og fóður.
Upplýsingar um landstærðir
eru skráðar að beiðni Hagstofu
Íslands.
Vakin er athygli á að nú birt-
ast í fyrsta skipti upplýsingar úr
skýrsluhaldskerfum og/eða hjarð-
bókum í Bústofni. Upplýsingar
um sauðfé eru sóttar úr Fjárvísi
(www.fjarvis.is) og birtast aðeins
hjá þeim sem hafa gengið frá
haustskilum skýrsluhaldsins
vegna skýrsluhaldsársins 2016.
Upplýsingar um nautgripi eru sótt-
ar úr HUPPU (www.huppa.is) og
eru miðaðar við skráða nautgripi á
lífi á þeim tíma sem haustskýrsla
er sótt. Upplýsingar um hross eru
sóttar í upprunaættbók íslenska
hestsins (www.worldfengur.com)
og miðast við fjölda hrossa sem
eru á lífi og í eigu þess sem skráð-
ur er fyrir haustskýrslunni, einnig
koma fram upplýsingar um fjölda
hrossa sem viðkomandi er skráður
umráðamaður að.
Hross þarf að telja fram á
haustskýrslu hjá eiganda eða
umráðamanni eins og annað
búfé. Ef vafi leikur á hvar eigi að
telja hrossið fram er hægt að leita
aðstoðar hjá dýraeftirlitsmönnum
Matvælastofnunar eða starfsfólki
búnaðarstofu stofnunarinnar.
Allir búfjáreigendur geta með
auðveldum hætti gengið frá haust-
skýrslu í Bústofni. Aðgangur að
Bústofni fæst með rafrænum skil-
ríkjum eða kennitölu og Íslykli.
Þeir sem þurfa á aðstoð að halda
er bent á að hafa samband við
dýraeftirlitsmenn MAST í síma
530-4800 eða í gegnum mast@
mast.is. Þeir sem ekki hafa tök
á því að skila sjálfir í gegnum
Bústofn stendur til boða þjónusta
Ráðgjafarmiðstöðvar landbúnað-
arins, fyrir þá þjónustu er innheimt
samkvæmt gjaldskrá RML.
Bjarki Pjetursson
...frá heilbrigði til hollustu
Skil á haustskýrslum
bænda í Bústofn
Samantekt Byggðastofnunar á dreifingu nautgripabúa:
Ríflega helmingur allra mjólkurkúa
eru á býlum með fleiri en 50 kýr
Stór hluti mjólkurframleiðslu
hér á landi fer fram á Suðurlandi,
en alls voru framleiddir þar tæp-
lega 56 milljónir lítrar af mjólk
á liðnu ári.
Næstmest er framleiðslan
á Norðurlandi eystra, tæplega
37 milljónir lítra. Þá kemur
Norðurland vestra með 22,3
milljónir lítra, á Vesturlandi voru
framleiddir tæplega 18 milljónir
lítra af mjólk á síðastliðnu ári.
Um 14 milljónir lítra voru
framleiddir á öðrum svæðum.
Heildarmjólkurframleiðslan árið
2015 nam um 146 milljónum lítra.
Byggðastofnun hefur tekið
saman skýrslu þar sem nautgripa-
rækt á Íslandi er kortlögð á sama
hátt og gert var í samantekt á fjölda
og dreifingu sauðfjár á Íslandi, en
sú skýrsla kom út í júní í sumar.
Gögn um fjölda nautgripa mið-
ast við haustskýrslur bænda í lok
árs 2015. Fjöldi nautgripa er sam-
tala fjölda mjólkurkúa, holdakúa
til undaneldis, kelfdra kvíga, geld-
neyta eldri en eins árs, kvígukálfa
yngri en eins árs og nautkálfa yngri
en eins árs.
853 bú með nautgripi
Fram kemur í samantektinni að alls
voru 853 bú með nautgripi á liðnu
ári, þar af voru 846 bú á lögbýlum
samkvæmt lögbýlaskrá Þjóðskrár.
Flest voru búin á Suðurlandi,
320 alls, 182 voru á Norðurlandi
eystra, 151 á Norðurlandi vestra,
118 á Vesturlandi og þá voru 82
bú með nautgripi á Austurlandi,
Vestfjörðum og á höfuðborgar-
svæðinu. Engir nautgripir voru í
sveitarfélögum á Suðurnesjum.
Af þeim 853 búum þar sem
voru nautgripir árið 2015 voru
665 þeirra með mjólkurkýr.
Flest á Suðurlandi, alls 247.
Á Norðurlandi eystra voru bú
með mjólkurkýr 153 í allt, 107
á Norðurlandi vestra og 99 á
Vesturlandi. Í öðru landshlutum
voru 59 bú með mjólkurkýr.
Stærsta nautgripabúið
með 641 grip
Nautgripir reyndust í allt vera
78.776 talsins og dreifast þannig
að 38% nautgripa eru á búum þar
sem eru 150 nautgripir eða fleiri
og 32% á búum þar sem búið er
með 101 og upp í 150 gripi.
Fram kemur einnig í saman-
tektinni að flestir nautgripir á einu
búi reyndust vera 641 í allt, næst
kom bú með 552 nautgripi, en alls
voru fjögur bú með á milli 400 til
500 nautgripi. Samtals voru 6.028
nautgripir á þeim fimmtán búum
sem flesta gripi héldu, eða 7,7%
af heildarstofninum.
Stærsta búið með 240 mjólkýr
Mjólkurkýr í landinu á liðnu ári voru
alls 27.441 og voru tæplega 5.500
þeirra á búum þar sem voru 75 eða
fleiri mjólkurkýr, eða um 20% af
heildarfjöldanum.
Á ríflega 30% búanna voru frá 51
og upp í 75 mjólkurkýr, þannig að
ríflega helmingur allra mjólkurkúa
eru á býlum sem voru með fleiri en
50 kýr.
Á því búi þar sem mjólkurkýr
reyndust flestar voru þær 240 tals-
ins og voru samtals á því búi 552
nautgripir í allt. Á fimmtán stærstu
búum landsins voru ríflega 2.100
mjólkurkýr sem gerir 7,7%.
Ef býlum með nautgripi er skipt
niður eftir því hvort þau eru með
mjólkurkýr eða ekki kemur í ljós að
88% allra nautgripa á landinu er á
búum sem eru með mjólkurkýr en
aðeins 12% á búum án mjólkurkúa.
/MÞÞ
Kýr úti á túni í Berjanesi. Mynd / HKr.
Holdanautgripir í Kjósinni. Mynd / HKr.
Framkvæmdir við
ljósleiðaralagninu í
Þingeyjarsveit ganga
vel og eru þær rúmlega
á áætlun, að því er haft
er eftir Gunnari Birni
Þórhallssyni, fram-
kvæmdastjóra Tengis hf.,
á Akureyri á vefsíðu 641.is.
Búið er að leggja stofn-
lögnina á næstum allt svæðið
sem var áætlað að leggja á í
fyrsta áfanga og þá er lokið
við að leggja heimtaugar heim á 82
bæi af 150. Að sögn Gunnars var
þátttaka íbúa í ljósleiðaraverkefninu
í Þingeyjarsveit góð, en einungis
6 aðilar af 150 aðilum (heimilum)
vildu ekki fá ljósleiðarann inn til
sín.
Allir komnir í samband fyrir
áramót
Einungis er eftir að plægja stofn-
lögnina niður á nokkrum bæjum við
Staðarbraut í Aðaldal, en búið er að
leggja stofnlögnina suður Reykjadal.
Lokið er við að leggja heimtaugar
heim á bæi í Fnjóskadal,
Ljósavatnsskarði og Kinn og
er heimtaugalagning á bæjum
í Aðaldal vel á veg komin,
sem til stóð að leggja á í fyrsta
áfanga. Eftir er að leggja heim-
taugar á bæi í Reykjadal og
hluta bæja í Aðaldal, en hafist
var handa við það verk í vik-
unni og áfram haldið í þeirri
næstu.
Um næstu mánaðamót
er gert ráð fyrir að hægt
verði að virkja fyrstu notendurna í
Fnjóskadal, Ljósavatnsskarði og í
Kinn og þeir kæmust þá í langþráð
ljósleiðarasamband. Notendur í
Aðaldal og Reykjadal ættu að geta
tengst ljósleiðaranum fyrir áramót
gangi allar áætlanir eftir. /MÞÞ
Ljósleiðaralagning í Þingeyjarsveit:
Framkvæmdir ganga vel