Bændablaðið - 23.02.2017, Blaðsíða 26

26 Bændablaðið | Fimmtudagur 23. febrúar 2017
Sólskógar í Kjarnaskógi:
Lerkið var farið að lifna þannig
að snjókoman var kærkomin
„Ég neita því ekki að við vorum
farin að óska þess að það færi að
kólna, það kæmi örlítill snjór,“
segir Katrín Ásgrímsdóttir, sem
ásamt eiginmanni sínum, Gísla
Guðmundssyni, rekur fyrirtækið
Sólskóga í Kjarnaskógi.
Veturinn hefur verið einkar
snjóléttur sem hefur í för með sér
að öll vinna hefur verið auðveldari
en þegar snjóþyngsli eru mikil.
Skuggahliðarnar aftur á móti eru að
líf var farið að færast í gróðurinn
alltof snemma og það er ávísun á
vandræði á þessum árstíma.
Hjá Sólskógum eru framleiddar
um 1,5 milljónir skógarplantna á
ári, einkum fyrir landshlutaverkefni
í skógrækt og Landgræðsluskóga.
Magnið hefur verið svipað undan-
farin ár. Þá er einnig mikil sumar-
blómaframleiðsla hjá Sólskógum og
er hún að hefjast um þessar mundir.
„Við erum aðeins seinna á ferðinni
með sumarblómin en þeir á sunnan-
verðu landinu, sumarið er um það
bil hálfum mánuði seinna á ferðinni
hér norðan heiða að jafnaði,“ segir
Katrín. Angar eru farnir að teygja
sig upp úr moldinni og blómin verða
klár þegar nær dregur vori. „Þetta er
allt að koma, við bjóðum að venju
upp á fjölbreytt úrval sumarblóma
og opnum söluna svolítið eftir veðri,
þegar vorið er hlýtt og gott opnum
við snemma.“
Snjókoman kærkomin
Katrín nefnir að mikið sé undir og
minnist þess að umtalsvert tjón hafi
orðið vorið 2012, en þá háttaði svo
til að apríl var einstaklega hlýr og
góður og sama gilti um fyrri hluta
maímánaðar. Þá skall á heilmikið
vorhret, allt fór á kaf í snjó. „Hjá
okkur var allur gróður kominn á
fulla ferð og töluvert tjón varð því
af völdum þessa vorhrets,“ segir hún.
Nú er staðan sú að veðurfar hefur
einkennst af hlýindum svo að segja
í allan vetur, lítið hefur verið um snjó
og kuldakafla. Lerkið er farið að lifna
segir Katrín og safasteymi farið af
stað. Snjókoma um liðna helgi hafi
því verið kærkomin og muni án efa
draga úr áframhaldandi vexti trjánna.
„Ég á frekar von á að þetta sleppi til,
en við erum samt eins og endranær
við öllu búin, það getur alltaf allt
gerst,“ segir hún.
Veðursældin léttir lífið
„Auðvitað er því ekki að neita að
þessi veðursæld í vetur hefur held-
ur betur létt manni lífið. Við höfum
getað sinnt ýmsum verkum sem ella
er ekki hægt að vinna þegar mikill
snjór er. Það verður allt einhvern
veginn auðveldara, það þurfti nán-
ast ekkert að sinna snjómokstri, sem
sparar bæði pening og fyrirhöfn,
flutningur á plöntum milli húsa
verður líka leikur einn. Í vetur höfum
við getað pottað og sett plöntur út,
en það hefur aldrei verið hægt hér
áður og eins höfum við safnað vetr-
argræðlingum sem er nýlunda hér
um slóðir,“ segir Katrín. /MÞÞ
Skeifunni 3h ll Sími: 588 5080 ll dynjandi.is
VINNUGALLI:
65% pólýester, 35% bómull.
Svartur og grár.
Stærðir S-2XL.
Verð : 11.000 kr.
Vinnu-
samfestingar
OG MARGT FLEIRA
Hafðu samband.
Við veitum þér faglega aðstoð.
„Ég á frekar von á að þetta sleppi til, en við erum samt eins og endranær
við öllu búin, það getur alltaf allt gerst,“ segir Katrín.
Hjá Sólskógum eru framleiddar um 1,5 milljónir skógarplantna á ári. Lerkið var aðeins að byrja að lifna í hlýindunum
undanfarnar vikur, en snjókoma um liðna helgi hægir án efa á vextinum. Myndir / MÞÞ
Töluverð framleiðsla er á sumarblómum hjá Sólskógum. Í bökkunum munu
vaxa hina fegurstu stjúpur og hádegisblóm þegar fram líða stundir. Katrín
Ásgrímsdóttir fylgist grannt með vextinum.