Bændablaðið - 23.02.2017, Síða 48

48 Bændablaðið | Fimmtudagur 23. febrúar 2017
Á Teigabóli í Fellum býr Guðsteinn
Hallgrímsson og á Skeggjastöðum
Einar Örn Guðsteinsson, sonur
Guðsteins, og kona Einars,
Guðný Drífa Snæland. Þau reka
í samvinnu sauðfjárbú á þessum
tveimur bæjum sem liggja að ein-
hverju leyti saman en um 2 km eru
á milli bæjanna. Einar og Guðný
tóku formlega við helmingi búsins
í ársbyrjun 2016.
Býli: Teigaból og Skeggjastaðir.
Staðsett í sveit: Fellasveit á
Fljótsdalshéraði, við Lagarfljót.
Ábúendur: Guðsteinn Hallgrímsson,
Einar Örn Guðsteinsson og Guðný
Drífa Snæland.
Fjölskyldustærð (og gæludýra):
Guðsteinn, faðir Einars, býr á
Teigabóli. Á Skeggjastöðum búa
Einar og Guðný Drífa ásamt börn-
unum Vernharði Inga, 15 ára, Ragnari
Sölva, 9 ára og Laufeyju Helgu, 7 ára.
Stærð jarðar? Landið er að miklu
leyti óskipt til fjalls en samanlagt er
ræktað land á jörðunum um það bil
50 ha.
Gerð bús? Sauðfjárbú. Einnig
komum við aðeins að skógrækt.
Fjöldi búfjár og tegundir? Rúmlega
500 hausar á vetrarfóðrun. Einnig
eigum við nokkra hesta til skemmt-
unar.
Hvernig gengur hefðbundinn
vinnudagur fyrir sig á bænum? Á
veturna eru gjafir kvölds og morgna.
Guðsteinn sinnir svo því sem tilfellur
ásamt Einari en Einar er líka verk-
taki og vinnur því töluvert utan bús.
Guðný Drífa vinnur í Fellaskóla og
börnin sækja öll skóla þangað.
Á sumrin tekur heyskapur mestan
tíma hjá öllum en Einar tekur að sér
rúllun fyrir aðra bændur. Unglingurinn
er virkur í vinnu á bænum allan ársins
hring og yngri börnin taka þátt í því
sem verið er að vinna.
Skemmtilegustu/leiðinlegustu
bústörfin? Allir sammála um að
sauðburður sé skemmtilegastur en
erfiðastur! Guðný hefur gaman af því
að slá en veit ekkert leiðinlegra en
að tæta tún. Einari finnst afskaplega
leiðinlegt að skafa grindur.
Hvernig sjáið þið búskapinn fyrir
ykkur á jörðinni eftir fimm ár? Við
höldum okkar striki og fjölgum jafn-
vel fénu. Húsakostur verður bættur og
vinnuaðstaða þannig gerð enn betri.
Hvaða skoðun hafið þið á félags-
málum bænda? Við erum nokkuð
jákvæð en það er alltaf hægt að gera
betur.
Hvernig mun íslenskum landbún-
aði vegna í framtíðinni? Vel ef við
höldum áfram að sýna hversu góða
vöru bændur á Íslandi hafa að bjóða.
Hvar teljið þið að helstu tækifærin
séu í útflutningi íslenskra búvara?
Það má leggja áherslu á það hversu
vistvæn vara okkar er í samanburði
við aðrar þjóðir. Vanda þarf framsetn-
ingu og matreiðslu á kjöti til ferða-
manna á Íslandi, það er góð auglýsing!
Hvað er alltaf til í ísskápnum?
Mjólk, ostur, egg, epli og kokteilsósa.
Hver er vinsælasti maturinn á
heimilinu? Ærfille, lambahryggur,
tortillur og grjónagrautur.
Eftirminnilegasta atvikið við
bústörfin? Þegar viðbygging við
fjárhúsin var reist og það náðist að
klára rétt áður en vetur skall á.
Stórt skref var einnig tekið þegar
Skeggjastaðir voru keyptir og hægt
var að stækka búskapinn umtalsvert.
Líf og lyst
Vegan gulrótarsúpa og gufubakað brauð
Þetta er fersk súpa sem er full-
komin fyrir vorið eða til að láta
sig dreyma um sumarið.
Vegan gulrótarsúpa
Hráefni
› 1 laukur, saxaður
› 2 hvítlauksrif, söxuð
› 3 gulrætur, saxaðar fínt
› 2 rauðar paprikur, saxaðar
› 1/4 bolli steinselja, söxuð
› 2 1/2 bollar grænmetissoð (vatn og
vegan grænmetiskraftur)
› salt og pipar eftir smekk
› Skvetta af balsamic-ediki fyrir fram-
reiðslu
Í miðlungsstórum potti eru 1–2 mat-
skeiðar af vatni (eða seyði) hitaðar,
lauk og hvítlauk bætt við. Eldið í 4–5
mínútur þar til laukurinn er mjúkur.
Bætið við gulrótum, papriku,
steinselju, grænmetisseyði og salti,
ásamt ferskmöluðum pipar. Leyfið
suðunni að koma upp og lækkið þá
hitann niður í miðlungshita. Látið
malla í um 20 mínútur, þar til gul-
ræturnar eru mjúkar.
Maukið súpuna með handmixer (eða
sigtið og vinnið gulræturnar í mat-
vinnsluvél) þar til áferðin er slétt og
fín. Kryddið til eftir smekk.
Berið fram heitt með ögn af bal-
samic-ediki.
Gufubakað brauð með fyllingu
sem gott er að bera fram með súpunni
› 1 tsk. þurrger
› 1 tsk. sykur
› 1/2 bolli vatn
› 2 bolli hveiti
› 1,5 tsk. lyftiduft
› 1/4 bolli sykur
› 3 tsk. brætt ósaltað smjör
› 1/4 tsk. salt
Deigið: Leysið ger og sykur upp í
volgu vatni (50 °C) og látið það standa
í 10 mínútur. Sigtið saman hveiti og
lyftiduft. Setjið svo til hliðar. Bætið
bræddu smjöri og salti í gerblönduna.
Hrærið hveitið saman við í mjúkt
deig. Hnoðið þar til það er orðið slétt
(5–10 mínútur). Sett í olíusmurða skál
og hyljið létt með plastfilmu. Látið
hefast á heitum stað þar til deigið
tvöfaldast að stærð. Þetta ætti að taka
um eina til tvær klukkustundir.
Gufusoðnar bollur: Mótið litlar
kúlur úr deiginu og setjið plast-
filmu yfir til að halda fersku. Takið
hverja kúlu af deigi og rúllið út í
flatkökur. Burstið deigið létt með
olíu og brjótið saman. Látið hefast
í aðrar 20 mínútur (gott að setja á
smjörpappír). Bollurnar er hægt að
gera fyrirfram.
Svo er líka hægt að fylla þær með
ýmsu meðlæti eins og beikoni,
steiktu eggi og chili-bættu majónesi.
Einfaldir lagskiptir eftirréttir
Suma eftirrétti er auðvelt að gera
og er þetta einn af þeim. Gott er
nota tilbúna kökubotna, stinga úr
botninn og raða saman með berj-
um, grísku jógúrt eða mascarpo-
ne-osti, tilbúnum sósum eins og
karamellu- eða íssósum. Þú getur
notað allskonar ber en ég nota fersk
hindber hér.
Hindberja-jógúrt-lög
› 1 box grísk jógúrt
› Sætuefni eftir smekk, til dæmis tvær
matskeiðar af maple-sírópi eða eina
matskeið af hunangi
› 1/4 bolli muldar Oreo-smákökur eða
útstungnir kökubotnar
› 1 bolli fersk hindber
› Sósur eftir smekk (til dæmis kara
mellu- eða jarðaberjasulta)
Leiðbeiningar
Lagskiptið í glerglasi eða plasthólki.
Byrjið á jógúrti eða marcapone-osti.
Mulið kex er sett á milli laga ásamt
hindberjum.
Endurtakið lag eftir lag og skreytið
svo með berjum. Framreiðið með
skeið.
MATARKRÓKURINN – BJARNI GUNNAR KRISTINSSON MATREIÐSLUMEISTARI
Teigaból og Skeggjastaðir
Teigaból.
Fjölskyldan á Skeggjastöðum.
BÆRINN OKKAR
Venni, Ragnar Sölvi og Einar í smala-
mennsku.
Tilraunir með rúlluplast sumarið 2015.
Vegan gulrótarsúpa.
Gufubakað brauð með fyllingu.