Bændablaðið - 22.06.2017, Side 2

2 Bændablaðið | Fimmtudagur 22. júní 2017
Rætt um áskoranir og tækifæri fyrir landbúnaðinn vegna Brexit á morgunverðarfundi:
Mikilvægt að fara vandlega yfir áhrif Brexit
á viðskipti með landbúnaðarafurðir
– segir Erna Bjarnadóttir, hagfræðingur BÍ, og telur nýlegan tollasamning Íslands við ESB gera samningsstöðuna verri
Mikilvægt er fyrir Ísland að
undirbúa vel útgöngu Bretlands
úr Evrópusambandinu, enda
liggja gríðarlegir hagsmunir þar
undir. Um 11% af þjónustu- og
vöruviðskiptum Íslands fara til
Bretlands. Brexit býður upp á
ákveðin tækifæri, t.d. þegar kemur
að viðskiptasamningum með sjáv-
arútvegs- og landbúnaðarvörur.
Atvinnuvega- og nýsköpunar-
ráðuneytið, í samvinnu við
Samtök fyrirtækja í sjávarútvegi
og Bændasamtakanna, boðuðu
til opins fundar um hagsmuni
íslensks sjávarútvegs og land-
búnaðar í ljósi útgöngu Breta úr
Evrópusambandinu 15. júní sl. á
Grand hótel.
Framsögumenn voru Ingólfur
Friðriksson, sendiráðunautur
við sendiráð Íslands í London,
Heiðrún Lind Marteinsdóttir, fram-
kvæmdastjóri Samtaka fyrirtækja í
sjávarútvegi, og Erna Bjarnadóttir,
hagfræðingur Bændasamtakanna.
Þorgerður Katrín Gunnarsdóttir,
sjávarútvegs- og landbúnaðarráð-
herra, stýrði fundinum.
Ræddu þau um þá hagsmuni
sem Ísland hefur af viðskiptum
sínum við Bretland í sjávarútvegi
og landbúnaði og þær áskoranir
og tækifæri sem mögulega biði
okkar í samningaviðræðum á næstu
mánuðum.
10% útflutningsvara í landbúnaði
liggja undir
Sjávarútvegurinn á stærstu hags-
muna að gæta þegar kemur að
útflutningsverðmætum til Bretlands.
Ísland er stærsti birgirinn í Bretlandi
þegar kemur að sjávarafurðum.
Útflutningsverðmæti Íslands eru
þar 41,6 milljarðar á ári, samkvæmt
tölum frá 2016. Er það um 18% af
heildarútflutningsverðmæti sjávar-
afurða frá Íslandi og telur um 69%
af útflutningi til Bretlands.
Samkvæmt bráðabirgðatölum
Hagstofunnar eru útflutnings-
verðmæti landbúnaðarvara til
Bretlands um 650 milljónir kr. Um
10% útflutningsvara í landbúnaði
á Íslandi fara til Bretlands. Stærstu
útflutningshagsmunirnir þar er
lambakjöt, en um 30% af heildinni
fer þangað. Aðrar stærstu afurðirnar
eru bjór og brenndir drykkir, skyr og
þangmjöl. Af öðrum vörum fer öll
útflutt óunnin ull til Bretlands, en
um 456 tonn fóru þangað árið 2016.
Skyrútrás í óvissu
Fram kom í máli Ernu Bjarnadóttur
að mikilvægt væri að fara vandlega
yfir og greina áhrif Brexit á viðskipti
með landbúnaðarafurðir til og frá
Íslandi. Skipti þar gríðarlegu máli
hvernig farið verður með kvóta og
tolla.
Ísland hefur nýlega undirritað
nýjan tollasamning við Evrópu-
sambandið en hann hefur ekki
tekið gildi. Nýr samningur
gerir ráð fyrir fríverslun með
flestar landbúnaðarvörur en
margar landbúnaðarafurðir nutu
fríverslunar fyrir samning, m.a.
vegna einhliða niðurfellingu tolla
á ákveðnum vörum. Benti Erna á
að Ísland hefði færri spil á hendi
en óskandi væri.
Afbrigða frá fyrra tollasamningi
gætir þó sérstaklega með
viðskipti með kjöt og kjötvörur,
mjólk og mjólkurvörur, egg og
garðyrkjuvörur.
Samkvæmt honum mun inn-
flutningskvóti á lambakjöt aukast
úr 850 tonnum í 3.350 tonn eftir
gildistöku og skyrkvóti mun fara
frá 380 tonnum í 4.000 tonn. Fram
kom í máli bæði Ernu og Ingólfs
Friðrikssonar að hugmyndin með
þessari miklu aukningu á skyrkvóta
hafi verið hugsaður til að nota til
útrásar á Bretlandsmarkaði. Brexit
gæti því sett þar strik í reikninginn.
Tæp tvö ár í útgöngu
Fram kom í máli Ingólfs að verið
væri að ljúka við hagsmuna-
greiningu með þátttöku allra
ráðuneyta vegna Brexit. Þegar
hún liggi fyrir verði farið í
víðtækt samráð við hagsmunaaðila
til að undirbúa Ísland fyrir
samningaviðræður við Breta og
mun það standa yfir fram á haust.
Ef ekki verður samið um annað
þá mun Bretland ganga formlega
úr Evrópusambandinu þann 29.
mars 2019. /ghp
Á aðalfundi Félags kjúklinga-
bænda 12. júní síðastliðinn var ný
stjórn kosin. Á fyrsta stjórnarfundi
skipti ný stjórn með sér verkum
og valdist Jón Magnús Jónsson,
Reykjum, til að gegna formennsku
í félaginu og tekur hann við af
Ingimundi Bergmann.
Aðrir sem skipa nýja stjórn
eru: Magnús Huldar Ingþórsson,
Reykjagarði (Ásmundarstaðir), vara-
formaður, Þorsteinn Sigmundsson,
Elliðahvammi, Þórdís Ragna
Guðmarsdóttir, Meiri-Tungu og
Kristján Einir Traustason, Einholti 2.
Jón Magnús verður áfram bún-
aðarþingsfulltrúi kjúklingabænda.
/smh
Félagsmenn í BÍ fá
afslátt af jord.is
Þessa dagana eru reikningar
vegna veflæga skýrsluhaldskerf-
isins jord.is á eindaga. Hundruð
bænda nýta sér forritið til þess
að skrá upplýsingar um túnrækt,
uppskeru, ástand og áburðargjöf.
Einnig heldur kerfið utan um
niðurstöður efnagreininga á heyi
og jarðvegi.
Eftir að félagsgjöld voru tekin upp
hjá Bændasamtökunum var komið
á afslætti á
tölvuforrit-
um BÍ fyrir
félagsmenn.
Árgjald fyrir
þá sem standa
fyrir utan
samtökin er
kr. 19.870 en
félagsmenn með t.d. 13–45 hektara
ræktun greiða einungis kr. 8.614 í
árgjald. Þeir einir njóta afsláttarins
sem greitt hafa félagsgjöld BÍ.
Bændur, sem greiða félagsgjöld
til BÍ á næstu dögum, geta fengið
niðurfellingu á eldri reikningi jord.
is og nýja kröfu með lægri upphæð
sem nemur afslættinum. Bændum er
bent á að hafa samband við skrifstofu
Bændasamtakanna í síma 563-0300
eða senda tölvupóst á bondi@bondi.
is sem fyrst.
Jón Magnús nýr formaður
kjúklingabænda
FRÉTTIR
Kindakjöt
48%
Skyr
8%
Brenndir drykkir
12%
Bjór 9%
Þangmjöl
6%
Hunda- og
kattamatur 4%
Annað
13%
Hlutfall verðmætis landbúnaðarafurða
á Bretlandsmarkaði 2015
eftir tegundum
Mikil áhugi virðist vera á málefninu en morgunverðarfundurinn var vel sóttur. Þorgerður Katrín Gunnarsdóttir var fundarstjóri. Myndir / ghp
Ingólfur Friðriksson, sendiráðunautur við sendiráð Íslands í London, fjallaði
Jón Magnús Jónsson.