Bændablaðið - 22.06.2017, Side 10

10 Bændablaðið | Fimmtudagur 22. júní 2017
Um 25 manns frá Landgræðslu-
félagi Hrunamanna fór í sína
árlegu landgræðsluferð í
Hrunamannaafrétt í júní.
Tilgangurinn var að dreifa 600 kg
af fræi og 30 tonnum af áburði á illa
farið land í afréttinni og dreifa úr 29
gömlum heyrúllum til að loka fyrir
rofabörð. Markmiðið er að stöðva
rof, hindra frekari jarðvegseyðingu
og bæta gróðurframvindu á svæðinu.
Landgræðslufélag Hrunamanna
er tíu ára í ár en á síðasta ári hlaut það
landgræðsluverðlaunin fyrir öflugt
starf sitt.
Farsælt sjálfboðaliðastarf
„Við vinnum allt í sjálfboðavinnu.
Bændur koma með áburðardreifara
og félagið kaupir áburð með styrk
sem það fær frá Landbótasjóði
Landgræðslunnar. Landgræðslan
skaffar okkur síðan fræ sem við
dreifum á þá staði sem helst er þörf
á,“ segir Esther Guðjónsdóttir, bóndi
á Sólheimum, en hún er formaður
Landgræðslufélags Hrunamanna.
„Síðan förum við með heyrúllur
á þá staði sem ekki er gott að koma
traktorum með áburðardreifara að
og lokum rofabörðum með göml-
um heyrúllum. Reyndar vantar
okkur heyrúllutætara til að nýta
betur heyrúllurnar en við stefnum á
að fjárfesta í slíku tæki,“ segir hún.
Landgræðslufélagið tekur auk
þess þátt í þriggja ára tilraunaverkefni
með Landgræðslunni við uppgræðslu
á 60 hekturum á Melrakkamel.
Miklar breytingar á 5 árum
Hrunamannaafréttur er tæplega
101.850 ha stórt landflæmi; í austri
afmarkast hann af Stóru-Laxá og af
Hvítá og Jökulfalli í vestri og nær
að Hofsjökli í norðri. Landgræðsla
hefur verið stunduð í um helming
afréttarinnar í áratugi.
Esther segir miklar breytingar
hafa orðið á svæðinu á
síðastliðnum 5 árum. „Hlýnandi
veðurfar og fækkun fjár á svæðinu
er að verða til þess að landið er
að gróa upp, jafnvel sjálfkrafa á
svæðum sem við höfum ekki unnið
á,“ segir hún. Um 6.000 fjár eru í
afréttinni á sumrin en fjöldi þeirra
hefur fækkað um helming frá því
þegar mest var. /ghp
Landbætur í Hrunamannaafrétt
– Hlýnandi loftslag og minni beit hafa sýnileg áhrif á gróðurframvindu
FRÉTTIR
Landgræðslan útvegaði Landgræðslufélagi Hrunamanna 600 kg af fræi til að dreifa í Hrunamannaafrétt. Frá vinstri: Ragheiður Hallgrímsdóttir á Sólheimum, Esther Guðjónsdóttir á Sólheim um,
Bjarni Valur Guðmundsson á Skipholti og Magnús Loftsson í Haukholtum. Myndir / Áskell Þórisson
Lokað var fyrir rofabörð með gömlum heyrúllum.
Um 25 manns létu til sín taka í landgræðsluferðinni að þessu sinni. Hér er hluti hópsins. Frá vinstri:
Þröstur í Birtingaholti, Eiríkur á Grafarbakka, Ragheiður í Sólheimum, Esther í Sólheimum, Páll á
Núps túni, Daði Geir í Bryðjuholti, Þórunn í Bryðjuholti, Linda í Bryðjuholti, Samúel í Bryðjuholti,
Hjörný í Skipholti, Bjartur í Skipholti, Arnór í Skipholti, Valný í Skipholti, Karl í Skipholti, Lilja á Flúðum,
Magnús í Haukholtum, Benedikt í Auðsholti, Bjarni Valur í Skipholti, Jóhann á Sólheimum og Sigurður
á Högnastöðum.
Fyrir ofan:
Ragnheiður
Hallgrímsdóttir
á Sólheimum
Til vinstri: Um
30 tonnum
af áburði var
dreift að þessu
sinni. Eiríkur
Kristófers-
son á Grafar-
bakka undirbýr
áburðardreifar-
ann.
Ásýnd afréttarins hefur breyst mikið á undanförnum árum.