Bændablaðið - 11.05.2017, Page 44

44 Bændablaðið | Fimmtudagur 11. maí 2017
Nær allir starfsmenn Skógræktar-
innar komu í síðustu viku saman á
Hótel Kjarnalundi í Kjarnaskógi.
Farið var yfir hvernig til hefði
tekist með hina nýju stofnun og
ýmis mál reifuð.
Þetta er fyrsti starfsmannafundur
Skógræktarinnar eftir að stofnunin
tók formlega til starfa 1. júlí 2016.
Í leiðinni litu starfsmenn á nokkra
eyfirska skóga.
Flutt voru erindi um það sem efst
er á baugi hjá Skógræktinni og fjall-
að um verkefni fram undan. Björn
B. Jónsson greindi frá starfi sínu
að markaðs- og afurðamálum og
þriggja ára áætlun sem hann hefur
lagt fram í þeim efnum. Verkefnið
kallast Skógarfang. Ólafur Oddsson
fræðslufulltrúi sagði m.a. frá undir-
búningi diplómanáms í skógarleið-
sögn sem hann vinnur nú að og
Gunnlaugur Guðjónsson fjármála-
stjóri fór yfir fjárhaginn og ýmsar
hagræðingarleiðir sem færar eru
til að lækka kostnað í hinni sam-
einuðu stofnun, ekki síst í fjar-
skipta- og tölvumálum. Greint er
frá þessum fyrsta starfsmannafundi
Skógræktarinnar á vef stofununar-
innar.
Búskaparskógrækt í Húnaþingi
vestra lofar góðu
Sæmundur Þorvaldsson sagði
frá framvindu búskapar-
skógræktarverkefna í Húnaþingi
vestra sem lofa góðu. Fjögur
verk efni eru í burðarliðnum og til
viðbótar hyggjast nokkrir bændur
gera hefðbunda skógræktarsamn-
inga.
Arnór Snorrason talaði
um árangursmat í skógrækt,
aðferðirnar sem þróaðar hafa verið
til að mæla vöxt og ástand skóganna
og mikilvægi slíkra mælinga.
Sigríður Júlía Brynleifsdóttir ræddi
stuttlega um samræmt verklag á
þjónustu við skógarbændur og
tilraunaútgáfu handbókar sem
skógræktarráðgjafar vinna nú eftir.
Aðalsteinn Sigurgeirsson
fagmálastjóri fjallaði um frumvarp
að nýjum skógræktarlögum sem
nú bíður umfjöllunar Alþingis,
einnig um Parísarsamkomulagið
og hvort það myndi leiða til
skógræktar og sömuleiðis benti
hann á hversu vel skógrækt
fellur að sjálfbærnimarkmiðum
Sameinuðu þjóðanna.
Þröstur Eysteinsson skógræktar-
stjóri fór yfir stefnumálin
sem Skógræktinni voru sett í
aðdraganda þess að stofnanir voru
sameinaðar og Skógræktin varð
til. Mótun hinnar nýju stofnunar
er enn í fullum gangi og með
starfsmannafundinum gafst bæði
tækifæri til að upplýsa starfsfólkið,
heyra álit þess og ræða málin, hvað
áunnist hefði og hvað mætti bæta.
Eyfirskir skógar skoðaðir
Hallgrímur Indriðason fór fyrir
göngu hópsins um elsta hluta
Kjarnaskógar þar sem meðal annars
var komið við í rauðgrenilundi frá
1947, elstu gróðursetningunni í
skóginum. Einnig voru skoðaðar
stríðsminjar, skotgrafir og
loftvarnarbyssustæði sem er að
finna í skóginum steinsnar frá
Hótel Kjarnalundi. Um kvöldið
var svo árshátíð starfsmanna með
heimatilbúnum skemmtiatriðum
og gamanmálum.
Síðari dag starfsmannafundarins
var haldið í skoðunarferð um
Eyjafjörð fram, gengið um
Kristnesskóg þar sem nýlega var
malbikaður 300 metra langur
skógarstígur fyrir hreyfihamlaða
og einnig um Grundarreit, einn
elsta skógræktarreit landsins, þar
sem sjá má ríflega aldargamlar
lindifurur, blæaspir og fleiri
trjátegundir. Síðan var ekið inn
fyrir Melgerðismela og til baka
austan fjarðar. /MÞÞ
Fyrsti starfsmannafundur Skógræktarinnar:
Fjöldi verkefna er í burðarliðnum
SKÓGRÆKT&LANDGRÆÐSLA
Bændur í Fljótsdalshreppi fá nýja útkeyrsluvél:
Hentar vel til vinnu í ungum skógum
Búnaðarfélag Fljótsdalshrepps
hefur fest kaup á sérhæfðri vél
frá Finnlandi til að aka timbri
út úr skógum. Eftir því sem
skógarnir vaxa upp eykst þörfin
fyrir bæði þekkingu og tæki til
skógarumhirðu og skógarnytja.
Smám saman er nú að bætast við
þann búnað sem fyrir er í landinu.
Útkeyrsluvél sú er frá fyrirtækinu
Usewood og er af gerðinni Log
Master. Vélin er hugsuð til útkeyrslu
á smærra efni og hentar mjög vel í
skógum sem verið er að millibilsjafna
og grisja í fyrsta sinn. Mikið er
einmitt um skóga á því vaxtarstigi
í Fljótsdal og ærið verk fram undan.
Vélin nýja er lipur og
fyrirferðarlítil, 1,5 metrar á breidd
en með krana sem nær 4,2 metra
til að tína upp timbrið og stafla
því á pallinn. Að auki er spil á
krananum sem notast má til að
spila að vélinni svo að kraninn
nái til hans.
Þarna er því komið mjög
hentugt tæki fyrir skógarbændur í
Fljótsdalshreppi sem án efa á eftir
að koma að góðum notum.
Hugmyndin er að bændur leigi
vélina af Búnaðarfélaginu og
noti sjálfir við að aka timbri út úr
skógum sínum. Frá þessu er sagt
á vef Skógræktarfélagsins. /MÞÞ
Áttu hugmynd
þar sem mjólk kemur við sögu?
Hér er tækifæri til að fá stuðning.
Auðhumla og Matís ætla að vinna saman að því að styðja og styrkja frumkvöðla
til að þróa og koma nýjum hugmyndum byggðum á mjólk á framfæri.
Opið er fyrir allskonar hugmyndir og eina skilyrðið er að mjólkin gegni lykilhlutverki.
Kostur er ef hugmyndin stuðlar að jákvæðum umhverfisáhrifum og aukinni sjálfbærni.
Styrkir eru að hámarki 3 milljónir. Stuðningurinn felst í sérfræðiráðgjöf t.d. við að koma vöru á
markað, aðstoð við uppsetningu vinnsluferla, vöruþróun, umbúðahönnun, matvælaöryggi og
mælingar (t.d. geymsluþols-, næringargildis-, efnamælingar- og/eða lífvirknimælingar).
Einnig kemur til greina að standa fyrir námskeiðum fyrir smáframleiðendur
mjólkurafurða eða afla nýrrar þekkingar á annan hátt.
Það verður ekki greitt fyrir eigin vinnu umsækjanda, hráefni eða tækjakaup.
Gert er ráð fyrir að verkefnin hefjist í júlí 2017 og séu til eins árs.

Umsóknafrestur er til 26. maí 2017
Frekari upplýsingar á www.mimm.is og
www.facebook.com/mjolk.i.morgum.myndum