Bændablaðið - 15.11.2018, Side 18

Bændablaðið | Fimmtudagur 15. nóvember 201818
HROSS&HESTAMENNSKA
Fagráð í hrossarækt starfar
samkvæmt 15 gr. búnaðarlaga
nr. 70/1998. Fagráð fer,
meðal annarra verkefna, með
stjórn Stofnverndarsjóðs sem
starfræktur er samkvæmt
ákvæðum í sömu lögum og
reglugerð nr. 1123/2015 um
sama efni.
Verkefni sjóðsins eru að
veita styrki til þróunar- og
rannsóknaverkefna í hrossarækt.
Verkefnin skulu stuðla að
viðhaldi verðmætra eiginleika
í íslenska hrossastofninum,
verndun erfðafjölbreytileika
stofnsins og/eða auka þekkingu
á stofninum og útbreiðslu hans.
Fagráð í hrossarækt auglýsir
eftir umsóknum ár hvert og tekur
ákvörðun um styrkveitingar.
Fagráð tekur ákvörðun um
styrkveitingar í desember 2018.
Nánari upplýsingar fást hjá
Bændasamtökunum.
Frestur til að skila inn
umsóknum er til 3. desember 2018
og skal umsóknum skilað til:
Fagráð í hrossarækt,
Bændahöllinni v/Hagatorg, 107
Reykjavík.
Fagráð í hrossarækt.
Frá Bændasamtökum Íslands:
Umsóknir um styrki úr Stofnverndarsjóði
íslenska hestakynsins
Fjölbreytt málefni rædd á aðalfundi Félags hrossabænda:
Hrossabændur taka yfir
hlut BÍ í Landsmóti
Aðalfundur Félags hrossabænda
fór fram 26. október sl. í
Samskipahöllinni í Kópavogi.
Stjórn félagsins var endurkjörin
með einni breytingu. Magnús
Jósefsson hætti í stjórn en
Heiðrún Eymundsdóttir kom
inn í hans stað.
Meðal þess sem lá fyrir
fundinum var boð Bændasamtaka
Íslands um að taka hlut þess í
Landsmóti ehf. Aðalfundurinn
samþykkti tillöguna og verður
Félag hrossabænda því þriðjungs
eigandi í Landsmóti ehf. frá næstu
áramótum.
Landsmót ehf var stofnað
árið 2001 til að standa að rekstri
og utanumhaldi á Landsmóti
hestamanna. Eignahlutafélagið er
að 2/3 hluta í eigu Landssambands
hestamannafélaga. Í erindi BÍ til
FHB kom fram að með breyttu
fyrirkomulagi á ráðgjafarþjónustu
í landbúnaði hafi BÍ ekki neina
beina aðkomu að rekstri landsmóta
og telja eðlilegt að búgreinin sjálf
hafi þessa aðkomu. Buðu þeir því
FHB yfirtöku 1/3 hlutar BÍ fyrir
1 krónu.
„Landsmótið er hrossaræktar-
starfinu mikilvægt og ætlum
við því að taka þessu verkefni
fagnandi og sjá tækifæri í því.
Allir fundarmenn voru þó á því
að félagið muni ekki taka á sig
fjárhagslegar skuldbindingar,”
segir Sveinn.
Félagar fá aðgang
að myndbanka WorldFengs
Þá liggur fyrir samkomulag milli
Worldfeng, Landsmóts ehf. og BÍ
um að félagar í FHB fái aðgang
að mynd- og myndbandabanka
Worldfengs. Vonast Sveinn eftir
að aðgangurinn verði opnaður sem
fyrst.
Innleiðing á gjaldtöku af
hrossaafurðum
Mikil aukning hefur orðið á
framleiðslu á folaldakjöti, sér í lagi
vegna aukins blóðmerabúskapar.
Sveinn segir hrossabændur hafa
áhyggjur því við blasi erfiðleikar
við afsetningu folalda og jafnvel
lækkun afurðaverðs.
„Það þarf að gera betur í
markaðsmálum. Félagið hefur
m.a stutt við markaðsvinnu
gagnvart Japansmarkaði en við
bindum vonir við að sá markaður
styrkist og geti einnig tekið við
folaldaafurðum. Nauðsynlegt er
að til séu góðir farvegir fyrir allar
hrossaafurðir og því er mikilvægt
að stunduð sé vöruþróun og
markaðsstarf þar sem fjölbreytni
afurða og nýting sé í fyrirrúmi,“
segir Sveinn.
„Félaginu berast reglulegar
styrkbeiðnir vegna markaðsmála
hrossakjöts, til dæmis til að
hefja sókn á nýja markaði.
Félagið gat beint svona
fyrirspurnum í ákveðinn farveg,
til verðskerðingasjóðs en hann
var lagður niður í lok árs 2015.
Þegar hans nýtur ekki lengur við,
þá skortir tekjustofn til að styðja
þetta mikilvæga markaðsstarf.“
Til að bregðast við þessu
samþykkti aðalfundurinn ályktun
þess efnis að stjórn myndi hefja
vinnu gagnvart stjórnvöldum við
að taka upp gjald af hrossaafurðum.
Gæti gjaldtakan verið á
bilinu 2–3% af afurðaverði og
yrði safnað í sjóð sem hefði það
skilgreinda markmið að styðja við
markaðssetningu hrossaafurða.
Upptaka á kynbótasýningum í
farvatninu
Í samræmi við samþykkt frá
aðalfundi FHB 2017, þar sem stjórn
félagsins var falið að vinna að
málinu, hafa Sveinn og Þorvaldur
Kristjánsson, ábyrgðarmaður
hrossaræktar hjá RML, kannað
möguleika þess að hafnar verði
upptökur á kynbótasýningum.
„Við lítum svo á að
upptökur af hrossum í sýningu
séu viðbótar dómaupplýsingar.
Nú þegar höfum við tölulegar
niðurstöður og umsagnir en
með því innleiða sjónrænar
upplýsingar byggjum við að
ótrúlegum heimildum um
íslenska hrossastofninn,“ segir
Sveinn.
Í ályktun frá aðalfundinum
segir að hugmyndin
og möguleg útfærsla
hafi verið rædd við
forsvarmenn WorldFengs
og Ráðgjafarmiðstöðvar
landbúnaðarins og er af
þeirra hálfu ekkert tæknilegt
sem ætti að koma í veg fyrir
að þetta verði að veruleika,
auk þess sem búið er að áætla
kostnað við upptökuna.
Þótt fjölbreyttar umræður
hafi farið fram um kosti
nýjungarinnar og galla var
samþykkt að halda áfram með
verkefnið. Næsta skref er að setja
upp prufusýningu á næsta ári. Ef
vel tekst til má búast við að þetta
verði innleitt í framtíðinni, en farið
verður yfir málin að nýju á næsta
aðalfundi félagsins og þá frekari
ákvarðanir teknar.
Vel heppnaðar sölusýningar
Góður rómur var gerður að tveimur
sölusýningum sem FHB stóð fyrir
bæði sunnan- og norðanlands í
október, en streymt var beint frá
báðum sýningum á vefnum og hafa
sýningarnar samtals verið skoðaðar
9.000 sinnum. Sveinn Steinarsson,
formaður FHB, segir að stefnan
sé að gera slíkar sýningar að
viðtekinni venju.
Meginstarf FHB gagnvart
reiðhestamarkaði er unnið í
gegnum markaðsverkefnið
Horses of Iceland. Jelena Ohm
verkefnastjóri kynnti stöðu
verkefnisins á aðalfundinum og
þær áherslur sem fram undan
eru. „Við bindum mikla vonir
við verkefnið, sem er vissulega
langhlaup,“ segir Sveinn.
Af öðrum samþykktum má
nefna að stjórn var falið að vinna
áfram að því að hægt verði að skrá
fylskoðanir með rafrænum hætti
og fylgja eftir þeirri kröfu FHB
um að félagið fái beina aðild að
búvörusamningnum milli ríkis og
bænda við endurskoðun samingsins
á næsta ári. /ghp
Sveinn Steinarsson, formaður Félags hrossa-
bænda, á Landsmóti 2018.
Íslenska sendiráðið í Kaupmannahöfn og Horses of Iceland stóðu fyrir
skrúðreið um Kaupmannahöfn þann 21. október sl. Samstarfsráðherrar
Norðurlandanna í Danmörku og Íslandi, Eva Kjer Hansen og Sigurður
Ingi Jóhannsson, leiddu reiðina sem fór frá konunglegu hesthúsunum
við Kristjánsborgarhöll í gegnum miðborg Kaupmannahafnar og að
Norðurbryggju á Kristjánshöfn. Tilefnið var 50 ára afmæli dönsku
Íslandshestasamtakanna, en hátíðin var einnig liður í dagskrá íslenska
sendiráðsins í Kaupmannahöfn í tilefni af 100 ára fullveldi Íslands.
Mynd/ Gunnar Freyr Gunnarson
Óska eftir reiðhrossum
í áskorunartilraun
– Lokaáfangi þróunar á bóluefni gegn sumarexemi
Vilhjálmur Svansson, dýralæknir
og veirufræðingur á tilraunastöð
Háskóla Íslands í meinafræðum
að Keldum, hélt á aðalfundi Félags
hrossabænda erindi um bólusetningu
gegn sumarexemi í hrossum og
áskorunartilraun sem til stendur að
framkvæma árin 2020–2022.
Um er að ræða lokaáfanga í
hinu viðamikla verkefni gegn
sumarexemi í útfluttum hrossum og
mun tilraunin leiða í ljós hvort fram
sé komið nothæft bóluefni gegn hinu
hvimleiða ofnæmi, sem hrjáir allt að
50% útflutningshrossa.
Tilraunin er samanburðarrannsókn
sem felur í sér að bólusetja hesta og
flytja þá í kjölfarið á flugusvæði í
Evrópu. Fylgst verður með heilsufari
þeirra í þrjú ár og eru niðurstöðurnar
bornar saman við niðurstöður úr áður
útfluttum óbólusettum hrossum.
Rannsókninni er ætlað að leiða í ljós
hvort tilraunabóluefnið verji hestana
gegn sumarexemi.
Félag hrossabænda hyggst hafa
milligöngu við að útvega hross í
rannsóknina, og mun félagið því
óska eftir 25 reiðhrossum á aldrinum
5–9 vetra og vera meðfærileg og
nothæf til reiðar.
Þeir sem vilja leggja til hross í
verkefnið geta haft samband í síma
563-0300 og einnig sent tölvupóst
á fhb@fhb.is.
Hrossin verða bólusett á Íslandi
í febrúar-apríl 2020 og síðan flutt
til Sviss snemmsumars 2020
á smámýssvæði. Viðtakendur
hestanna munu halda hrossin og
munu rannsakendur fylgjast með
hestunum í þrjú ár. Að tilrauninni
lokinni munu viðtakendur þeirra
eignast hrossin.
Þetta viðamikla verkefni
er samstarf milli Keldna og
dýrasjúkdómadeildar Háskólans
í Bern í Sviss en einnig koma
aðilar við Cornell-háskóla, Íþöku í
Bandaríkjunum að verkefninu.
Sveinn segir nauðsynlegt að leggja fjármagn í vöruþróun og markaðssetningu hrossaafurða og samþykkti