Bændablaðið - 15.11.2018, Side 41

Bændablaðið | Fimmtudagur 15. nóvember 2018 41
Handsápugerð Fitjar Islands í Noregi:
Norrænt auðkenni varanna er sérstaða
Á afskekktri og lítilli eyju á
vesturströnd Noregs hefur
orðið ævintýraleg uppbygging
síðustu ár þar sem hópur
ungra frumkvöðla hefur
hreiðrað um sig við sápugerð,
með stofnun brugghúss og
lítils handverksbakarís. Þar
hafa sápurnar og kremin frá
fyrirtækinu Fitjar Islands vakið
mesta athygli út fyrir eyjuna
en ilmur þeirra og áferð, sem
nú er selt út um allan heim, fer
samstundis með notandann út í
óspillta náttúruna.
„Þetta byrjaði allt á eldhúsbekk á
afskekktri eyju suður af Bergen sem
heitir Tordagsøy þar sem stofnandi
fyrirtækisins, Jorunn Hernes,
gerði tilraunir með mismunandi
hefðbundnar sápugerðaraðferðir.
Á þeim tíma pakkaði hún pöntunum
inn í dagblöð dagsins og síðan í
bát sinn til pósthússins sem var
á nágrannaeyjunni Stord. Margir
viðskiptavinir sem hafa haldið
tryggð sinni við fyrirtækið frá
byrjun muna enn eftir því þegar
þeir urðu að bíða í viku eftir að
fá afhenta vöruna, því Jorunn
fór aðeins einu sinni í viku á
pósthúsið,“ útskýrir Monica
Sanchez, framkvæmdastjóri
fyrirtækisins, og segir jafnframt:
„Nokkrum árum síðar byrjaði
vörumerkið að vekja athygli
á sérstökum vettvöngum og á
bloggsíðum sem voru tileinkaðar
hefðbundnum rakstursaðferðum.
Þá hafði Jorunn þróað sérstaka
samsetningu til að búa til hágæða
raksápu fyrir karlmenn með áferð
á við hefðbundin hágæða bresk
vörumerki. Smátt og smátt jókst
salan um leið og fyrirtækið fór
að dreifa sápum þess til allra
heimshorna, allt frá þessari litlu
eyju á vesturströnd Noregs.
Fyrirtækið byggt upp aftur
Saga fyrirtækisins er svolítið eins
og sagan um Davíð og Golíat.
Eftir nokkur ár með heilbrigðum
og stöðugum vexti, ef maður tekur
bæði tillit til framleiðslunnar og
veltu, þá stöðvaðist framleiðslan.
Á þessum tíma voru um 130
vörumerki fyrir karlmenn, konur
og börn. Þetta gerðist vegna
þess að árið 2014 byrjuðu norsk
stjórnvöld að framfylgja nýjum
reglum sem kröfðust þess að
lítil snyrtivörufyrirtæki skyldu
fylgja nýjum tilskipunum
Evrópusambandsins, sem hingað
til einungis stór snyrtivörufyrirtæki
höfðu þurft að fylgja.
Til að uppfylla þessar tilskipanir
þá hefði fyrirtækið þurft að gangast
undir miklar fjárfestingar sem
myndi setja það í hættu þannig að
eftir miklar vangaveltur og með
miklum trega var ákveðið að hætta
framleiðslu. Jorunn sagði mér síðar
að þegar það fréttist að loka ætti
fyrirtækinu hefðu viðskiptavinir
þess gengið af göflunum og
hamstrað uppáhaldsvörur sínar
en lager fyrirtækisins seldist upp
á innan við viku. Enn í dag fáum
við stundum viðskiptavini sem
segja okkur sögur eins og þessa:
„Ég ákvað að láta mér vaxa skegg
eftir að ég kláraði síðustu Fitjar
raksápuna mína því ég fann enga
aðra sem var sambærileg henni.“

Raksápan er flaggskipið
Ári eftir lokun fyrirtækisins, eftir
margar fyrirspurnir alls staðar að
úr heiminum, var ákveðið að hefja
aftur framleiðsluna einungis á
þeirri vörulínu sem hafði sterkasta
stöðu þegar fyrirtækinu var lokað,
eða raksápum. Frá árinu 2016 hafa
snyrtivörur fyrirtækisins verið til
undir vörumerkinu Fitjar Islands.
„Ilmtegundirnar sem við notum
í vörurnar eru nútímalegar, kynja-
lausar, ferskar og náttúrulegar.
Þetta vekur lyktarskynfæri fólks
af því hvernig lífið og loftið er hér
á eyjunni sem hefur áhrif á þá sem
nota vörurnar. Það sem er einnig
sérstakt við vörurnar er norrænt
auðkenni þeirra sem gefur okkur
sérstöðu á hinum hefðbundna
raksápumarkaði því við kynnum
hinn hefðbundna rakstur sem
einfaldan, auðveldan og litaðan
af naumhyggju,“ segir Monica.
Á síðasta ári seldi fyrirtækið um
13 þúsund einingar og vörurnar
eru seldar víða um heim, allt frá
Norðurlöndunum til Ástralíu og
Kasakstan svo fáein lönd séu
nefnd.
„Gæði varanna og áferð hefur
komið þeim á þann stað sem
þær eru í dag. Nálgun okkar er
líka sú að vörurnar eru vegan,
sem fá fyrirtæki hafa einblínt á.
En við erum mjög stolt af því að
geta byggt upp og boðið upp á
viðbótariðnað í Noregi og lítum
björtum augum á framtíðina.“ /ehg
Það er mikið lagt upp úr hönnun á umbúðum varanna frá Fitjar Islands sem
seldar eru um allan heim.
Raksápan frá Fitjar Islands stenst samanburð við vinsælustu sambærilegu
vörur í heiminum og hefur unnið til verðlauna fyrir áferð og eiginleika.
Á afskekktri og lítilla eyju á vesturströnd Noregs gerast töfrar við framleiðslu
á náttúrulegum sápum.
Starf Grýlu laust
í Flóahreppi
Starf Grýlu í Flóahreppi hefur
verið auglýst laust til umsóknar
því „gamla“ Grýla er dauð og
þess vegna leitar Umf.Þjótandi að
annari manneskju til að ganga í
hennar störf.
Starfið fellst aðallega í að þvo
og bæta föt jólasveinanna milli
viðburða á jólaverðinni, en reynslan
sýnir að þeir geta verið bæði
hirðulausir og óþrifalegir. Starfið
er launalaust. Nánari upplýsingar
má fá hjá formanni Umf. Þjótanda
í síma 846-9775. /MHH
VIÐSKIPTABLAÐIÐ
LESTUR PRENTMIÐLA Á LANDSBYGGÐINNI HEIM
ILD
: Prentm
iðlakönnun G
allup. K
önnunartím
i okt.-des. 2017.
BÆNDAHÖLLIN VIÐ HAGATORG
Sími 563 0300 / Netfang: bbl@bondi.is / bbl.is
0%
10%
20%
30%
40%
50%
DV STUNDIN MORGUNBLAÐIÐ FRÉTTABLAÐIÐ BÆNDABLAÐIÐ
8,0%
11,2% 9,4%
22%
27,3%
43,1%