Slökkviliðsmaðurinn - 01.06.2007, Blaðsíða 5

5
er ekki hægt að veita nokkra aðhlynningu
og sjúklingur jafnvel í lífshættu.
Auðvitað er það ekki í lagi að þjónustu-
stigið sé eitthvað allt annað á landsbyggð-
inni en á höfuðborgarsvæðinu. Hvaða
stjórnmálamaður eða forstöðumaður
heilsugæslu léti hafa eftir sér að það sé nú
bara í lagi að fólk jafnvel látist vegna þess
að ekki sé hægt að veita eðlilega þjónustu
af því að þetta sé úti á landi og útköll þar
færri? Þetta er þó staðreynd og sorglegt til
þess að vita að allt of víða er málum þannig
háttað enn í dag.
Sjúkraflutningamenn í hlutastarft fá nú
greidda þóknun fyrir þá kvöð að vera ávallt
til taks. Hún er þó ekki nema lítill hluti af
eðlilegum bakvaktargreiðslum sem annað
heilbrigðisstarfsfólk fær. Eg sæi til dæmis
lækna og hjúkrunarfræðinga fá greidda
slíka þóknun í stað bakvakta sem fólki þó
ber.
Frá stofnun LSS hefur margt verið fært
til betri vegar. Þó er enn margt ógert og
enginn verkefnaskortur framundan.
Ég óska ykkur og fjölskyldum ykkar
gleðilegs sumars og megi gæfan fylgja ykkur
í störfum ykkar.
Tvær nýjar orlofsíbúðir á Akureyri
Orlofssjóður LSS hefur tekið á leigu einbýlishús á tveimur
hæðum að Klettastíg 12 á Akureyri og gert þar tvær íbúðir til
útleigu fyrir félagsmenn LSS. Ibúðirnar eru mjög vel staðsett-
ar skammt frá Glerártorgi og er aðeins um tíu mínútna gang-
ur niður í bæ. Ibúðirnar eru mjög vel búnar fyrir sex manns í
hvorri. I íbúðunum eru sjónvarp, DVD, gasgrill, barnarúm og
tvær auka dýnur.
Félag slökkviliðsmanna á Akureyri hefur tekið að sér að sjá
um lykla og lín ásamt tuskum og viskastykkjum. Þeir afhenda
slíkt á slökkvistöðinni og er fólk svo beðið um að skila á sama
stað óhreinu líni að dvöl lokinni.
Enn eru einhverjar lausar helgar í sumar þannig að það er
um að gera að hafa samband við skrifstofu LSS sem allra fyrst
og tryggja sér sérdeilis hagstæða orlofsíbúð.
Gerum þaó rétt
og gott betur
Gutenberg
Suðurlandsbraut 24
108 Reykjavík
Sími 545 4400
Fax 545 4401
www.gutenberg.is
Gutenberg
Slökkviliðsmaðurinn