Slökkviliðsmaðurinn - 01.04.1988, Side 8

Guðmundur Fylkisson:
Nýr starfsmaður á
skrifstofu L.S.S.
Nú höfum við fengið nýjan starfsmann á skrifstofu okkar sem er til húsa á
Laugavegi 168. Leysir hann Emil Pálsson af sem hætti störfum þann 31. ágúst
sl. Guðmundur (Mundi) er Vestflrðingur sem er að reyna að meika það á
hitaveitusvæðinu, en við hér á SLÖKKVILIÐSMANNINUM báðum hann að
segja okkur smá af sjálfum sér.
Fæddur á ísafirði 07.09. 1965. Byrjaði í
Slökkviliði ísafjarðar sumarið 1983, sem
afleysingamaður. Byrjaði hjá Slökkviliði
Hafnarfjarðar í apríl 1987. Var undir stjórn
Guðmundar Helgasonar á ísafirði og síðan
undir stjórn Þorbjarnar. Er að læra á flugvél
eins og Guðmundur Helgason og er nú á
launaskrá hjá Landssambandinu eins og
Guðmundur Helgason. En eitt eigum við
Guðundur ekki sameiginlegt, ég smakka
ekki áfengi. Ég þekkist alltaf á rauðu axla-
böndunum en stundum geri ég mönnum
grikk og fer í peysu utan yfir rauðu axlabönd-
in. Versti grikkur sem tengdamóðir mín
hefur gert er að hún hefur ekki gefið sig fram
ennþá, enda engin furða. Talað er um að
bæjarstjórarnir í Hafnarfirði og ísafirði hafi
samþykkt að skipta á mér og Þorbirni og eftir
skiptin sé bæjarstjórinn á ísafirði í skýjunum
en bæjarstjórinn í Hafnarfirði geti aldrei
fyrirgefið sjálfum sér mistökin.
Afi minn er slökkviliðsstjóri á ísafirði og
pabbi er í Slökkviliðinu og mamma hefur
einu sinni slökkt á eldspýtu og segið svo að
þetta sé ekki í blóðinu.
Vona að þú getir moðað eitthvað úr þessu.
Kær kveðja Gummi.
Gummi Fylkis.
Guðmundur
Fylkisson.
SL ÖKKVILIÐSMAÐ URINN