Slökkviliðsmaðurinn - 01.04.1988, Qupperneq 15

hér séu aðeins vaxtarverkir á ferð, sem verða
til þess að vatnsúðunarkefi reynast jafnvel
hér á landi sem annarsstaðar. Ég hef per-
sónulega fulla trú á að svo verði því þegar
landinn snýr sér að hlutum fyrir alvöru þá er
ekki hálfkák þar á ferð. Að lokum þá eru hér
nokkrar ábendinar um lykilatriði, sem menn
skyldu hafa í-huga gagnvart uppsetningu
þessara kerfa.
1. Að skola mjög vel út vatnsæð þá sem
tengja á kerfið við. Ég hef séð steina allt að 5
sm. í þvermál koma úr Ieiðslum úðakerfa.
Augljóst er hvaða afleiðingar slíkt getur haft
í för með sér. Ef kerfið er tengt 6“, þarf að
láta renna úr 2Vi, opnu í minnst 5 mín.,
helst tveim slíkum opum.
2. Gjarnan hendir að einn aðili hannar
úðakerfið og annar loftræstikerfi sama húss
og enn annar rafkerfið og þar með staðsetn-
ingu ljósa o.s.frv. Því miður er oft lítið
samband á milli aðila og þegar kemur að
uppsetningu, bjarga iðnaðarmenn sér fyrir
horn en slík björgunarstörf verða oft á
kostnað úðakerfisins. Ef einhverj ar breyting-
ar þarf að gera frá upprunalegri hönnun er
bráðnauðsynlegt að gera það í samráði við
hönnuði.
3. Slökkviliðsstjórum er nauðsynlegt að
kynnast úðakerfum, sem eru í húsnæði á
þeirra yfirráðasvæði, t.d. hvaðan fær kerfið
vatn? Er hætta á að þeir svelti úðakerfið er
þeir tengja slökkviliðsbíl sinn á brunahana í
nágrenninu? Hvar er slökkviliðstengið inn á
kérfið? Öll úðakerfi eru útbúin með sérstöku
tengi fyrir slökkvilið, sem þeim er ætlað að
dæla í til að auka þrýstinginn og þar með
árangur kerfisins. Menn geta ímyndað sér
hvern úðastút, þá slökkviliðsmenn má ekki
skorta vatn. Því er rétt að hugsa fyrst og
fremst um vatn í úðakerfið áður en hleypt er
á slöngur. Svona er hægt að halda áfram að
ræða um vatnsúðaslökkvikerfi, enda hafa
verið skrifaðar margar bækur um málefnið.
Vonandi finna slökkviliðsmenn einhver
fróðleikskorn um úðakerfi í þessari grein eða
þá að hún vekur með þeim einhverjar spurn-
ingar, og þeir leiti svara við þeim. Verk-
fræðingar brunamálastofnunar ríkisins eru
líklega manna fróðastir í þessum málum hér
á landi, ég veit að þeir mundu með ánægju
svara öllum spurningum, sem beint er til
þeirra.
Ástvaldur Eiríksson
varaslökkviliðsstjóri, Keflavíkurflugvelli
ÁRMULA 36, REYKJAVÍK
SÍMI82466
ÖLL
SLÖKKVITÆKJA-
HLEÐSLA & ÞJÓNUSTA
SELJUM:
SLÖKKVITÆKI
REYKSKYNJARA
ELDVARNARTEPPI
BRUNASLÖNGUHJÓL
ÖRYGGISWÓNUSTA
Póroddsstodum v/Skógarhlið, Reyk|avík
Pósthólf 1101. 121 Reykjavík
S 91-29399
- Simaþjónusta allan sólahringinn
£
SLÖKKVILIÐSMAÐURINN