Fréttablaðið - 22.05.2020, Blaðsíða 30

SÍMAR AUGLÝSINGADEILDIR – AUGLÝSINGASTJÓRI: Gústaf Bjarnason gustaf@frettabladid.is ALMENNAR AUGLÝSINGAR: SÍMI 550 5050:
Hjördís Zoëga hjordis@frettabladid.is, Hlynur Þór Steingrímsson, hlynur@frettabladid.is , Sigfús Örn Einarsson sigfus@frettabladid.is, Örn Geirsson orn.geirsson@frettabladid.is FÓLK/
SÉRBLÖÐ SÍMI 550 5077: Atli Bergmann atli@frettabladid.is, Arnar Magnússon arnarm@frettabladid.is, Jóhann Waage johannwaage@frettabladid.is, Jón Ívar Vilhelmsson jonivar@
frettabladid.is, Ruth Bergsdóttir ruth@frettabladid.is. FÓLK OG SÉRBLÖÐ EFNI: Elín Albertsdóttir elin@frettabladid.is RAÐAUGLÝSINGAR /FASTEIGNIR SÍMI 550 5056: Hrannar
Helgason hrannar@frettabladid.is, Viðar Ingi Pétursson vip@frettabladid.is ÞJÓNUSTUAUGLÝSINGAR SÍMI 550-5055: Guðrún Inga Grétarsdóttir gudruninga@frettabladid.is
ÞETTA ERU KANNSKI
HLUTIR SEM ER
GAMAN AÐ SKOÐA NÚNA, EKKI
GAMAN AÐ SKOÐA EFTIR
NOKKRA MÁNUÐI OG VERÐUR
SÍÐAN ÓGEÐSLEGA GAMAN AÐ
SKOÐA EFTIR TÍU ÁR.
Þórður
ÍSLENDINGAR ERU
NÁTTÚRLEGA SVO-
LÍTIÐ KALDHÆÐNIR OG ÞAÐ ER
OFT AUÐVELDARA AÐ TÆKLA
HLUTINA ÞANNIG.
Viktor
Ég er sjálfur í sóttkví og verð í sóttkví á opnun-inni,“ segir Þórður Hans Baldursson, sem kom nýlega heim frá Hollandi og er rétt rúmlega hálfn-
aður með tveggja vikna sóttkví.
Þórður er þannig í nokkuð kald-
hæðnislegri pattstöðu þar sem
hann getur ekki haft þráðbeina
aðkomu að uppsetningu sýning-
arinnar Sóttqueen sem hann og
Viktor Weisshappel Vilhjálmsson,
félagi hans hjá Postprent, opna í
Ásmundarsal á laugardaginn.
„Þetta er svolítið fyndið. Sérstak-
lega þegar kemur að skipulagn-
ingunni, uppsetningunni og öllu
því dæmi,“ segir Þórður og Viktor
bendir á að þótt hann sé maðurinn
á staðnum sé hann ekki einráður.
Í iPad á hjólum
„Vikan var bara tekin með trompi
í upphengingum með Þórð í iPad-
inum,“ segir hann um andlega nær-
veru félaga síns.
„Ég get verið að skipa hinum í
teyminu rosalega mikið fyrir og
haft rosa miklar skoðanir á því
hvernig allt á að vera án þess að
þurfa að gera neitt sjálfur,“ segir
Þórður og bætir við að hann fái þó
ekki að sjá árangur erfiðisins fyrr en
bara rétt áður en sýningin verður
tekin niður.
Þórður verður þó ekki víðs fjarri
góðu gamni þegar sýningin verður
opnuð klukkan 17 á laugardaginn
þar sem hann mun mæta í krafti
tækninnar. „Við erum búin að redda
svona róbóta sem Þórður verður í,“
segir Viktor.
„Ég verð þarna á hjólum í iPad.
Þannig að ég fæ nú að vera eitthvað
með,“ útskýrir Þórður úr iPadinum
og Viktor tekur undir. „Þannig að
hann mun keyra svona um á sýn-
ingunni og fær að vera með þótt
hann sé heima hjá sér.“
Sneiðmynd af plágulist
Strákarnir hugsa sýninguna sem
einhvers konar uppskeruhátíð
þeirrar listar sem orðið hefur til í
COVID-ástandinu og er afrakstur
þess sem þeir söfnuðu saman raf-
rænt og hafa sýnt jafnóðum á
Instagram undanfarna tvo mánuði.
„Hugmyndin spratt í raun upp
þegar ástandið skall á,“ segir Viktor
og bætir við að segja megi að Sótt-
queen sé í raun viðbragð við stór-
f lóði leiðinlegra og erfiðra frétta.
„Þá langaði okkur að gera eitthvað
gott úr þessum skrýtnu tímum og
sendum sem sagt út svokallað opið
kall og óskuðum eftir verkum frá
listamönnum sem tengdust ástand-
inu á einhvern hátt,“ útskýrir Viktor
og gefur félaga sínum orðið.
„Við vildum endilega fá að sjá
hvað listamenn eru að fást við á
þessum fordæmalausu tímum
samkomubanns og sóttkvíar og
fengum alveg góða sneiðmynd af
því hvað fólk er að spá og gera,“ segir
Þórður og bætir við að viðbrögðin
hafi komið þeim félögum á óvart en
um 200 listamenn hafi brugðist við
kallinu.
Gaman eftir tíu ár
„Við fengum þvílíkt magn og
héldum uppi netsýningu á Post-
prent Instagraminu okkar. Við
er u m með þessa prent sölu-
síðu og ákváðum bara að nota
þann miðil til að dreifa þessu,“ skýt-
ur Viktor inn í og Þórður bætir við
að sýningin á samfélagsmiðlinum
hafi vakið áhuga í Ásmundarsal þar
sem hún mun nú raungerast.
„Þau í Ásmundarsal langaði að
taka þetta saman og sýna þegar
færi gæfist. Þetta eru kannski
hlutir sem er gaman að skoða núna,
ekki gaman að skoða eftir nokkra
mánuði og verður síðan ógeðslega
gaman að skoða eftir tíu ár.“
Þeir félagar segja að þótt verkin
séu nánast jafn ólík og þau eru mörg
megi þegar vel er að gáð ef til vill
greina ákveðna samfellu, rauðan
þráð. „Verkin sýna ákveðna þróun,
einhvers konar sorgarferli kannski,“
segir Þórður og nefnir einhvers
konar grín eða húmor sem algengt
varnarviðbragð.
„Ég held að þetta sé alveg rétt,“
tekur Viktor undir. „Íslendingar
eru náttúrlega svolítið kaldhæðnir
og það er oft auðveldara að tækla
hlutina þannig. Það var gaman að
fylgjast með þessu og maður sér
einhvern sameiginlegan takt þegar
maður fylgist með ástandinu í
gegnum listina.“
toti@frettabladid.is
Hjólar í sóttkví um
eigin sýningu á iPad
Viktor Weisshappel og Þórður Baldursson báðu um sýnishorn
af myndlist fordæmalausra tíma og úr varð sýningin Sóttqueen
sem opnuð verður í Ásmundarsal á meðan Þórður er í sóttkví.
Viktor á staðnum og Þórður, með rafræna nærveru, en sýninguna setja þeir upp ásamt Ólöfu Rut Stefánsdóttur.
„Hún er okkur til halds og trausts,“ segir Þórður og Viktor tekur undir. „Hún er frábær,“ FRÉTTABLAÐIÐ/ANTON BRINK
2 2 . M A Í 2 0 2 0 F Ö S T U D A G U R26 L Í F I Ð ∙ F R É T T A B L A Ð I Ð