Fréttablaðið - 10.06.2020, Side 6

BÆKUR Í vikunni gaf Almenna
bókafélagið út bókina „Umbúða-
laust – Hugleiðingar í hálfa öld“
eftir lögfræðinginn og fyrrverandi
hæstaréttardómarann Jón Steinar
Gunnlaugsson. Um er að ræða úrval
greina Jóns sem hafa birst í fjöl-
miðlum landsins undanfarin 50 ár,
enda hefur hann iðulega stungið
niður penna um samfélagsleg mál-
efni þegar tilefni er til.
Jón Steinar segist hafa reynt
að vera boðberi frelsis, ábyrgðar,
mannréttinda og réttarríkisins
og að þau grunngildi skipti hann
miklu máli.
„Ég tel það hluta af vandamálum
nútímans hvað menn eru orðnir
miklir lýðskrumarar. Það er tekið
undir með þeim sem hafa hæst en
þær skoðanir ekki settar í sam-
hengi við nein grundvallargildi. Ég
er í og með að reyna að andæfa slíku
athæfi,“ segir Jón.
Þegar hann var hvattur til þess að
taka saman skrif sín í gegnum árin
hafi hann séð að þessi gildi hans
hafi verið rauði þráðurinn í skrif-
unum.
„Ég tel að við getum aukið lífs-
gæði okkar heilmikið með því
að leggja lífsgildi til grundvallar
breytni okkar. Ég hef skrifað um
málefni alveg sama hvort það séu
meintir samherjar mínir eða and-
stæðingar í pólitískum skilningi.
Ég hef reynt að láta það ekki trufla
mig heldur skrifa í samræmi við
lífsskoðanir mínar. Svo geta aðrir
dæmt hvort að það hafi tekist eða
ekki.“ – bþ
Leiðin undan Seljalandsfossi norðan megin er torfarin og varasöm, enda um hála urð að fara. FRÉTTABLAÐIÐ/GARÐAR
FERÐAÞJÓNUSTA „Það verður farið í
heljarinnar framkvæmdir í sumar,“
segir Anton Kári Halldórsson,
sveitarstjóri Rangárþings eystra,
um fyrirhugaðar endurbætur við
Seljalandsfoss.
Vinsælt er að ganga bak við Selja-
landsfoss en leiðin er varasöm á
köflum. Sérstaklega er torfært um
urð norðan megin þar sem komið
er undan fossinum og tréstigi
þaðan niður er laskaður og hættu-
legur. Anton Kári játar að svæðið
geti verið slysagildra, sem betur fer
hafi þó ekki orðið alvarlegt slys við
Seljalandsfoss þótt kona hafi reynd-
ar slasast illa við fossinn Gljúfrabúa
þar skammt frá.
„Auðvitað eru ekki allir sem
treysta sér hreinlega í hringinn
heldur fara þá til baka,“ segir Anton
Kári, sem boðar betri tíma í þessum
efnum. Verið sé að stofna félag í eigu
Rangárþings eystra annars vegar og
fjögurra jarða hins vegar sem eiga
Seljalandsfoss í óskiptri sameign.
Félagið mun standa að uppbygg-
ingu og rekstri á svæðinu. Rangár-
þing á jörðina Hamragarða norðan
við Seljalandsfoss.
„Það er hópur frá okkur að fara
í næstu viku á Seljalandsfoss og
Hamragarða í þær betrumbætur
sem hægt er að gera,“ segir sveitar-
stjórinn. Flytja eigi bílastæði og
alla aðstöðu fjær fossinum niður á
aurana. „Þar verður áningin og stórt
bílastæði og aðstaða, jafnvel þjón-
ustumiðstöð í framtíðinni.“
Hvað gönguleiðina bak við Selja-
landsfoss varðar segir Anton Kári
ýmsar hugmyndir á lofti. „Jafnvel
að hann komi alveg niður við vatn;
verði hengdur utan í bergið til þess
að gera í rauninni aðgengi fyrir alla
bak við fossinn. Þannig að þú eigir
að geta trítlað með hjólastól þess
vegna, kannski ekki allan hring-
inn en þó í þessa upplifun,“ teiknar
hann upp sem eina mögulega sviðs-
mynd.
Síðan séu það náttúruöflin sjálf
sem við sé að etja. „Það eru að
hrynja niður á stíginn f lögur úr
berginu á bak við, þannig að það
er spurning hvernig þetta verður í
framtíðinni. Að sjálfsögðu viljum
við tryggja öryggi og að fólk sé ekki
í hættu,“ segir Anton Kári. Nýta eigi
fjarveru ferðamanna og gera sem
mest í sumar. „Það er einmitt rétti
tíminn. Vonandi fer þetta af stað
aftur einhvern tíma og þá er gott að
vera tilbúin í það.“ gar@frettabladid.is
Laga torfæru á Seljalandsfossi
Landeigendur við Seljalandsfoss hyggjast nýta fjarveru ferðamanna til endurbóta á svæðinu. Leiðin bak
við fossinn verður jafnvel að hluta gerð fær fólki í hjólastólum, að sögn sveitarstjóra Rangárþings eystra.
Það eru að hrynja
niður á stíginn
flögur úr berginu á bak við.
Anton Kári Halldórs-
son, sveitarstjóri
Rangárþings
eystra
Stígur við Seljalandsfoss gæti verið við vatnsborðið. MYND/MAREY ARKITEKTAR
Lýðskrumarar
eru vandamál
Það er tekið undir
með þeim sem hafa
hæst en þær skoðanir ekki
settar í samhengi við nein
grundvallar-
gildi.
Jón Steinar
Gunnlaugsson,
lögmaður
Ævintýrið hefst
í Brimborg!
Kauptu eða leigðu ferðabílinn
fyrir sumarævintýrið
Kauptu nýjan eða notaðan ferðabíl
eða leigðu sumarbílinn í Brimborg.
Öll bílaþjónusta á einum stað.
Byrjaðu ævintýrið í Brimborg!
Brimborg Reykjavík
Bíldshöfða 6 og 8
Sími 515 7000
Brimborg Akureyri
Tryggvabraut 5
Sími 515 7050
ALÞINGI Það að gera Alþingi að
f jölskylduvænum vinnustað er
mál sem þolir ekki frekari bið.
Þetta segir meðal annars í umsögn
Rögnu Árnadóttur, skrifstofustjóra
Alþingis, um þingsályktunartillögu
þess efnis.
Tillagan er til meðferðar hjá
stjórnskipunar- og eftirlitsnefnd
og gengur út á að stofnaður verði
starfshópur með fulltrúum þing-
flokka sem vinni að endurskoðun
þingskapa í því skyni að gera
Alþingi að fjölskylduvænni vinnu-
stað.
Í umsögn Rögnu segir að málið sé
mikilvægt fyrir þingmenn en það
varði einnig hag starfsmanna og er
óskað eftir því að skrifstofa þingsins
fái aðkomu að starfshópnum.
„Undanfarin misseri hefur verið
aukinn þungi í umræðunni meðal
stjórnenda og starfsfólks Alþingis
um mikilvægi þess málefnis sem
fjallað er um í tillögunni,“ segir í
umsögn Rögnu.
Mikið sé í húfi og beri þar fyrst
að nefna heilsu og velferð starfs-
fólks. Þá þurfi þingið að keppa
við aðra opinbera aðila og einka-
geirann um hæft starfsfólk. Taka
þurfi af fullri einurð á málinu til
að tryggja að það takist að halda í
hæft starfsfólk.
Félag star fsmanna Alþingis
fagnar tillögunni en bendir í sinni
umsögn á að starfsmenn þingsins
séu um 150 talsins og því æski-
legt að þeir hafi einnig aðkomu að
vinnunni. – sar
Skrifstofustjóri segir fjölskylduvænt Alþingi ekki þola frekari bið
Á Alþingi eru 63 þingmenn auk um
150 starfsmanna. FRÉTTABLAÐIÐ/VALLI
1 0 . J Ú N Í 2 0 2 0 M I Ð V I K U D A G U R6 F R É T T I R ∙ F R É T T A B L A Ð I Ð