Spássían - 2010, Side 6

6
Mikil gróska er í glæpasagnaskrifum á
Norðurlöndum. Íslensku forlögin hafa
brugðist vel við og sem dæmi má nefna að
snemma í vor gáfu Uppheimar út fimm
þýddar glæpasögur eftir sænska og norska
höfunda. Íslenskir glæpaunnendur hafa
því úr nógu að velja.
Nemesis er eftir hinn norska Jo
Nesbø í þýðingu Bjarna Gunnarssonar.
Nesbø hefur nú samið átta bækur um
rannsóknarlögreglumanninn Harry Hole.
Hafmeyjan er eftir hina sænsku Camillu
Läckberg í þýðingu Sigurðar Þórs Sal-
varssonar. Hafa nú verið gefnar út sex
bækur eftir hana hér á landi og síðar á
árinu er væntanleg sjöunda bók Camillu,
Vitavörðurinn. Allar bækurnar gerast í
bænum Fjällbacka, þar sem Camilla er
fædd og uppalin.
Hvarfið er eftir Svíann Johan Theorin
í þýðingu Önnu R. Ingólfsdóttur. Þetta
er fyrsta skáldsaga Theorins og hlaut
hún ensku Rýtingsverðlaunin sem besta
frumraun höfundar árið 2009. Theorin
fékk svo Glerlykilinn 2009 fyrir aðra bók
sína, Nattfåk.
Land draumanna er fyrsta bók í þríleik
eftir Norðmanninn Vidar Sundstøl í
þýðingu Kristínar R. Thorlacius.
Vetrarblóð er eftir ungan Svía, Mons
Kallentoft, í þýðingu Hjalta Rögnvalds-
sonar. Kallentoft hefur vakið athygli fyrir
glæpasögur sínar um lögreglukonuna
ungu, Malin Fors.
Glæpir, Karitas og dönsku blöðin
vinsælust í fríið
Hinn fullkomni ferðafélagi í kiljuformi skýtur stundum
óvænt upp kollinum á flugvellinum þar sem maður gramsar
í bókarekkum rétt fyrir brottför. Margir eru þó mun forsjálli
og leita hann uppi í fullkomnu næði á bókasafninu.
Almennt er fólk frekar í leit að afþreyingu á sumrin en á
vetrum og fólk leitar uppi ,,léttari” bækur, að sögn Pálínu
Magnúsdóttur, forstöðumanns Bókasafns Seltjarnarness.
Reyfarar og kiljur eru þá vinsælasta lesefnið og norrænir
spennusagnahöfundar hafa komið sterkir inn undanfarið.
Pálína nefnir sérstaklega höfundana Jens Lapidus, Jo
Nesbø, og Camillu Läckberg en bækur þeirra hafa komið út
í íslenskum þýðingum og verið mikið lesnar.
Berlínaraspirnar eftir Anne Birkefeldt Ragde eru vinsælar
í augnablikinu vegna sjónvarpsþáttana sem sýndir voru
nýlega og einnig framhaldsbækurnar, Kuðungakrabbarnir
og Á grænum grundum. Þá nefnir Pálína höfundana James
Patterson og Lee Child og bækurnar Dóttir hennar, dóttir
mín og Góða nótt yndið mitt eftir Dorothy Koomson.
Hvað íslenskt efni varðar eru skáldsögurnar Karitas og
Óreiða á striga eftir Kristínu Marju Baldursdóttur alltaf
upppantaðar og virðist ekkert lát á vinsældum þeirra bóka.
Síðast en ekki síst er gríðarlega mikið tekið af tímaritum á
sumrin; þá aðallega húsbúnaðarblöðum, matartímaritum og
slúðurritum. Dönsku blöðin halda svo alltaf sínu – enda fátt
huggulegra en að draga upp Familie Journal í sumarhúsinu.