Dagblaðið Vísir - DV - 03.01.2020, Blaðsíða 2

2 3. janúar 2020FRÉTTIR
fyrirbæri sem verða úreltari á nýja árinu
Heimurinn
breytist með
tímanum, rétt
eins og allt sem
honum tilheyrir.
Hver áramót
marka nýtt
upphaf, einhverju
nýju er fagnað og
ýmislegt gamalt
er kvatt. Fimm
eftirfarandi
fyrirbæri verða
fljótlega að
tímaskekkju.
Draugur Snapchat
blasir við
Tölur samskiptamiðilsins
Snapchat hafa farið niður
á við að undanförnu og
virðast ýmsar nýjungar
hans einungis hafa
skapað fleiri vandamál
fyrir notendur. Því
er engin tilviljun að
einkennismynd þessa
miðils sé draugur með
útréttar hendur. Þetta
kallar maður táknrænt.
Pappírskvittanir
Pappír og sóun á
honum fer fljótlega að
tilheyra sögunni og árið
í ár markar endanlega
breytingu, sérstaklega
fyrir fólk sem safnar
strimlum. Sums staðar er
jafnvel eingöngu boðið
upp á stafrænar kvittanir
og má fastlega gera
ráð fyrir því að það nái
yfirhöndinni.
Reiknivélar
Árið 1624 fann Blaise
Pascal upp reiknivélina
góðu, sem reynst hefur
fólki ómæld hjálp. En
sökum tækniþróunnar
eru reiknivélar nú farnar
að tilheyra hinum ýmsu
smáforritum, ekki
einungis snjallsímum.
Þótt reiknivél sé ekki stór
er margt hægt að gera
við plássið sem hún hefði
annars tekið.
Flökkurum lagt
Fyrirbæri sem margir
kalla „flakkara“ eða
utanáliggjandi harða
diska heyrir fljótlega
sögunni til – og fyrstu
skrefin verða tekin á
þessu ári. Notendur
verða æ vanari því að
geyma upplýsingar
og gögn í skýinu og
víðar. Því verður þetta
áþreifanlega apparat
ekkert annað en eyðsla á
litlu en dýrmætu plássi.
Áhrifin á lokametrum
Á undanförnum árum er
búið að gildisfella töluvert
hugtakið „áhrifavaldur“
og hefur slíkur titill ekki
verið eftirsóknarverður
þegar margir þeirra hafa
sætt eftirliti skattyfirvalda.
Sumir áhrifavaldar hafa
verið sakaðir um að birta
duldar auglýsingar í formi
saklausra færslna. Í versta
falli kann hugtakið að fá sína
upphaflegu merkingu aftur,
fyrir manneskju með glás
af fylgjendum: einfaldlega
„vinsæll einstaklingur á
samfélagsmiðlum.“
Á þessum degi,
3. janúar
1890 – Hólmavík á Ströndum varð
löggiltur verslunarstaður.
1926 – Karlakór Reykjavíkur var
stofnaður.
1959 – Alaska varð 49. fylki Banda-
ríkjanna.
1991 – Íshokkíkappinn Wayne Gretzky
skoraði sitt 700. mark.
2000 – Sjónvarpsþátturinn Kastljós
hóf göngu sína.
Fleyg orð
Herbergi án bóka er eins og
líkami án sálar“
– -Marcus Tullius Cicero
GEKK Í ÞAÐ HEILAGA
Á NÝÁRSDAG
n Ólafur F. gifti sig á brúðkaupsafmælisdegi foreldra sinna
n Fæddur í sama herbergi og presturinn
„Við giftum
okkur
að sjálfsögðu
í kirkju, enda
erum við hvorki
nútímafólk né
trúleysingjar.
Ó
lafur F. Magnússon,
tónlistar maður, læknir og
fyrrverandi borgarstjóri, og
Kolbrún Sjöfn Matthías­
dóttir gengu í það heilaga á ný­
ársdag. Vígslan fór fram í Bústaða­
kirkju við dýrðlega athöfn að sögn
tónlistarmannsins.
Í samtali við DV segir Ólafur að
nýársdagur hafi verið sérstaklega
valinn því að dagurinn sé honum
ákaflega kær, ótengt því að um sé
að ræða upphaf á nýju ári.
„Nýársdagur er 70 ára brúð­
kaupsafmælisdagur foreldra
minna og ég finn alltaf fyrir því að
foreldrar mínir séu hjá mér á þess­
um degi,“ segir Ólafur og bætir við
að giftingin hafi átt sér frekar stutt­
an aðdraganda.
„Við vorum bæði búin að ákveða
það að gifta okkur aldrei aftur en
þessi dagur sótti á mig og þótti mér
kært að virða minningu foreldra
minna,“ segir Ólafur og bætir við
á léttum nótum: „Við giftum okk­
ur að sjálfsögðu í kirkju enda erum
við hvorki nútímafólk né trúleys­
ingjar.“
Fæddir í sama herbergi
Ólafur segir það skemmtilega
staðreynd að Pálmi Matthíasson,
frændi hans, hafi gefið þau Kol­
brúnu saman.
„Það var vel viðeigandi, en ég
og Pálmi erum fæddir í sama her­
berginu á Oddeyrargötu 24 á Ak­
ureyri. Hann er fæddur 21. ágúst
1951 og ég 3. ágúst 1952.“
Auk þeirra hjóna og séra Pálma
voru þær Anna Sigga Ólafsdóttir og
Louisa Einarsdóttir viðstaddar, en
sú fyrri er dóttir brúðgumans og
seinni eiginkona Vilhjálms Guð­
jónssonar sem flutti tónlist. Þær
voru svaramenn þeirra hjóna. Að
lokinni athöfn fóru hjónin í há­
tíðarkvöldverð á Vox á Hilton í fé­
lagi við sína nánustu.
„Vilhjálmur Guðjónsson lék
fallegt lag á saxófón í lok athafn­
ar, sem hann samdi til eiginkonu
sinnar. Og Friðrik Grétarsson kvik­
myndaði athöfnina og tók að auki
formlegar brúðkaupsmyndir, eins
og honum er lagið,“ segir Ólafur,
sem gengur bísperrtur og umluk­
inn hamingju inn í nýtt ár. n
Tómas Valgeirsson
tomas@dv.is
Föruneytið Hér má sjá hjónin ásamt prestinum, svaramönnum, tónlistarmanninum og myndasmiðnum. Mynd: Úr einkasafni
Mynd: Úr einkasafni