Dagblaðið Vísir - DV - 24.04.2020, Blaðsíða 23

Dagblaðið Vísir - DV - 24.04.2020, Blaðsíða 23
TÍMA VÉLIN Fyrsta íslenska fegurðar- drottningin var listamaður Fyrsta íslenska fegurðarsamkeppnin var haldin árið 1939. Lóló Jónsdóttir bar sigur úr býtum. Þegar blaðamaður Vikunnar spurði hvernig henni litist á að vera orðin feg- urðardrottning Íslands svaraði hún: „Æ, blessaðir, segið þér ekki fegurðardrottning!“ U ngfrú Lóló Jónsdóttir hefir verið kjörin fegurðardrottning Íslands fyrir yfirstandandi ár, og hlýtur hún til fullrar eignar silfurbikar þann, sem blaðið gaf til að keppa um. Hlaut hún langflest at- kvæði í báðum kosningunum, bæði í tillögukosningunni og úrslitakosningunni,“ segir í grein Vikunnar þann 28. september 1939. Fram kom að Lóló væri dóttir Jóns Ólafssonar bankastjóra og Þóru Halldórsdóttur konu hans. Þegar blaðamaður Vikunnar spurði Lóló hvern- ig henni litist á að vera orðin fegurðardrottning Íslands svaraði hún: „Æ, blessaðir, segið þér ekki fegurðar- drottning! Það er svo stórt orð, allt of stórt. Auk þess hefi ég ekkert um eða við því að segja.“ Lóló hafði lokið stúdents- prófi frá Menntaskólanum í Reykjavík tveimur árum áður og stundað listnám í Kaupmannahöfn og Mün- chen. Aðspurð um áhugamál sagðist hún hafa gaman af því að lesa góðar bækur og hlusta á góða músík, auk þess sem henni þætti gaman að dansa „eins og flestum ungum stúlkum“, iðka ýmsar íþróttir og spila á píanó. „Ekki svo að skilja, að ég sé neinn íþróttagarpur, né heldur er ég neinn píanósnill- ingur, öðru nær. En þrátt fyrir það er ekkert því til fyrirstöðu, að mér geti þótt gaman að því,“ sagði hin nýkrýnda fegurðardrottn- ing. Fegrunarfélag Íslands stofnað Vikan stóð ekki aftur fyrir fegurðarsamkeppni. Það var ekki fyrr en níu árum síðar að Fegrunarfélag Reykja- víkur var stofnað. Til- gangur félagsins var meðal annars að fegra borgina og „kenna íbúum smekkvísi og háttsemi“ en í stjórn þess sátu meðal annars Gunn- ar Thoroddsen borgarstjóri og Vilhjálmur Þ. Gíslason, skólastjóri Verzlunarskóla Íslands. Tveimur árum síðar, í ágúst 1950, stóð Fegrunar- félagið síðan fyrir fegurðar- samkeppni fyrir stúlkur úr Reykjavík og fór keppnin fram í Tívolí í Vatnsmýrinni. Alls tóku fjórtán stúlkur þátt í keppninni og kepptu þær fyrir hina ýmsu bæjar- hluta. Einar Pálsson, fram- kvæmdastjóri Fegrunar- félagsins, sá um keppnina en dóm nefnd skipuðu Þórólfur Smith blaðamaður, Ævar Kvaran leikari, Kjartan Guð- jónsson listmálari, Jóhanna Sigurjónsdóttir ljósmynd- ari, Sif Þórz listdansari og íþróttamennirnir Guðjón G. Einarsson og Benedikt Jakobs son. Það var síðan Reykjavíkur- mærin Kolbrún Jónsdóttir sem hlaut titilinn „Fegursta stúlkan í Reykjavík“ en í grein Fálkans á sínum tíma kom fram að Kolbrún væri dóttir Jóns Þorleifssonar listmálara og hefði sjálf num- ið höggmyndalist í Ameríku. Hlaut hún í verðlaun alfatnað frá Feldinum hf. ásamt ýmsu tilheyrandi og fékk hún að velja það sjálf úr versluninni. Fékk Parísarferð og 1.000 krónur í verðlaun Engin fegurðarsamkeppni var haldið árið á eftir en árið 1952 hlaut Elín Snæ- björnsdóttir titilinn fegursta stúlkan í Reykjavík og árið á eftir var það Sigríður Jóna Árnadóttir. Keppnin um titilinn ung- frú Ísland var síðan haldin í fyrsta sinn árið 1954. Fjór- tán stúlkur tóku þátt en sjö þeirra voru úr Reykjavík, tvær frá Akureyri og ein frá Keflavík, Sandgerði, Ytri- Njarðvík, Vestmannaeyjum og Akranesi. Að þessu sinni var engin dómnefnd heldur réðu áhorfendur úrslitum. „Á laugardagskvöldið var hið fegursta veður, og flykkt- ust bæjarbúar þúsundum saman suður í Tivoli til að skoða hinar ungu blómarósir. Næstum þvi tveir þriðju hlutar þeirra, sem sóttu úti- skemmtunina í Tivoli-garð- inum þetta kvöld greiddu at- kvæði um fegurstu stúlkuna úr hópnum, en alls voru seldir á 10 þúsund aðgöngu- miðar,“ kom fram í grein Fálkans. Þá kom einnig fram að hin árlega fegurðarsam- keppni í Tívolí hefði skapað sér tryggan sess „þrátt fyrir ýmsar tilraunir í þá átt að af- nema þennan þátt úr dagskrá hátíðahaldanna“. „Aðsóknin að Tívoli sýnir einnig mjög vel, að fólk kann að meta þessa nýbreytni sem hér hefur verið tekin upp að sið erlendra þjóða og ólíklegt er að þeir, sem eru á móti hinni árlegu fegurðarsam- keppni, fái komið vilja sínum fram á næstu árum.“ Það var síðan ungfrú Ragna Ragnars frá Akureyri sem var kjörin fegurðardrottn- ing Íslands 1954. Fram kom í grein Fálkans að Ragna væri dóttir hjónanna Sverris Ragn- ars og Maríu Matthíasdóttur á Akureyri. Hún stundaði nám í Mennta skólanum á Akur eyri og hafði undanfarin sumur unnið í útibúi Útvegs- bankans þar í bæ. Verðlaunin voru ekki af verri endanum: flugferð til Parísar og heim aftur, viku dvöl í stórborginni og 1.000 krónur að auki. n „Það er mál þeirra manna, sem víða hafa farið, og margar konur séð, að hvergi geti fegurri konur en á voru landi, Íslandi. Og þetta er ekki skrum, því að íslenzka stúlkan er hvort tveggja í senn: fagurlimuð og and- litsfríð.“ Þetta kom fram í grein sem birtist í Vikunni árið 1939 en titill greinar- innar var „Fríðustu dætur Íslands“. Greinin var birt í tilefni þess að Vikan stóð fyrir fyrstu íslensku fegurðarsamkeppninni. Það var síðan 19 ára gömul Reykjavíkurmær, Lóló Jónsdóttir, sem hlaut titilinn fegurðardrottning Íslands í september þetta ár. Ungfrú Ragna Ragnars frá Akureyri var kjörin fegurðar- drottning Íslands 1954 en þá var ljóst að fegurðar- samkeppnir voru komnar til að vera hér á landi. MYNDIR/ TIMARIT.IS Keppendur í Fegurðarsamkeppni Íslands árið 1950. FÓKUS 23DV 24. APRÍL 2020

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.

Aðgerðir: