Íþróttablaðið - 01.10.1969, Blaðsíða 9

KR-liðið hefur sjaldan verið sterkara en 1959—1961. Hér sjáum við bikarmeistarana 1960. Fremri röð frá vinstri:
Helgi V. Jónsson, Hörður Felixson, Gunnar Guðmannsson, Hreiðar Ársælsson og Bjarni Felixson. Aftari röð: Óli B.
Jónsson þjálfari, Reynir Schmidt, Örn Steinsen, Þórólfur Beck, Heimir Guðjónsson, Sveinn Jónsson og Ellert Schram.
lenzk knattpyrna býður ekki upp
á svo mikið. Það, sem ég sakna
einna mest í íþróttaskrifum hér,
eru upplýsingar um það, sem
gerist á bak við tjöldin. Það ger-
ist margt skemmtilegt að tjalda-
baki í íþróttaheiminum.
— Hvað finnst þér um hina
nýju stefnu, sem núverandi stjórn
KSÍ hefur mótað?
— Ég veit ekki, hvort rétt er
að tala um nýja stefnu, en því er
ekki að leyna, að mikill gustur
hefur fylgt Albert Guðmunds-
syni. hinum nýja formanni KSI.
Það er eins og alltaf, þegar nýir
menn taka við. Stefna Alberts
er frábrugðin að því leyti, að
hann hefur lagt mesta áherzlu
á landsliðið og lét það hefja æf-
ingaundirbúning fyrr en áður
hefur tíðkazt. Það hefur haft
þær afleiðingar, áð knattspyrnu-
menn komust fyrr í æfingu en
ella — og landsliðið er betra en
á undanförnum árum. En ég
held þó, að knattspyrnan sé al-
niennt ekki betri en áður, þó að
eitthvað hafi þokazt fram á við.
Við verðum aldrei neinir heims-
meistarar. Okkur vantar svo
margt, m. a. betri þjálfara og
betri aðstæður, ekki aðeins velli,
heldur betri veðráttu.
— Er það rétt stefna að leggja
eins mikla áherzlu á landsliðið
og gert hefur verið?
— Það er dálítið erfitt að svara
þessari spurningu. Eiginlegq er
hægt að svara henni bæði játandi
og neitandi. Ef of mikil áherzla
er lögð á landslið, getur það bitn-
að á félagsliðunum. Það er t. d.
ekkert vafamál, að þegar allt
kernur til alls hefur KR tapað
miklu í sumar vegna þátttöku
leikmanna félagsins í landsleikj-
urn og landsleikjaundirbúningi.
Góðu hliðarnar, svo að maður
gleymi þeim ekki, eru þær, að
leikmenn komast fyrr í æfingu.
ÍÞRÓTTABLAÐIÐ
9