Íþróttablaðið - 01.04.1975, Side 41

Björn Borg
Roche, sem eyðilagði tennisframtíð sína
með því að ofgera svo olnboganum að
hann snéri hann allan í sundur. Aðeins
tíminn getur skorið úr um þetta atriði hjá
Borg, en öllum ber saman um að honum
fieygi fram með hverjum mánuðinum og
hann bæti sífellt við tæknikunnáttu sína og
við vitum orðið aldrei hverju við eigum
von á hjá honum.“
Fyrirmyndar ungur maður.
Og hvernig hefur svo Björn Borg tekið
öllu þessu umstangi. Félagar hans og
ráðamenn WTC segja að Borg sé slíkur
fyrirmyndar ungur maður, að leitun sé á
öðru eins. Hann rífst ekki, er laus við alla
heimtufrekju og duttlunga, eins og oft vill
einkenna stjörnur. Hann er ákaflega kur-
teis og tillitssamur og hefur unnið sér hylli
íþróttafréttamanna, sem þó eru líklega
kröfu- og dómharðastir allra fréttamanna,
fyrir að vera samvinnuþýður og alltaf
tilbúinn að svara nokkrum spurningum
fyrir eða eftir leiki. Borg hefur sjálfur sagt,
að viðtöl við fréttamenn séu órjúfanlegur
þáttur atvinnumennskunnar. Hins vegar
þarf yfirleitt að leiða hann í samtölunum,
því að hann er fremur fámáll og orðvar,
dæmigerður Svíi eins og sumir segja. Svíar
sýna þessari nýju þjóðhetju sinni mjög
mikla kurteisi og tillitssemi. Þeir ráðast
ekki að honum er hann hefur sigrað í leik,
heldur klappa hlýlega fyrir honum og líta
hann feimnislegum aðdáunaraugum. Þeir
elska hann, en dýrka ekki sem stjörnu.
Tommy Engstrand hjá sænska útvarpinu,
sem hefur fylgt Borg víða um heim og
útvarpað keppnisleikjum hans segir hins
vegar: „Björn Borg er ákaflega ósænskur.
Hann er harður, ákveðinn og grimmur.
Eitt sinn var ég að reyna að hugga hann
eftir að hann hafði tapað fyrir Jan Kodes í
undanúrslitakeppni, en hann sneri sér að
mér og hvæsti „farðu til fjand . . . Tommy,
þú veizt eins vel og ég að ég á að geta
unnið þennan mann hvenær sem er. f
annað skipti hljóp hann svo klukkustund-
um skipti um garða Parísarborgar í grenj-
andi rigningu, vegna þess að fresta hafði
orðið keppni vegna veðurs. Hann segist
sjálfur verða ofsareiður ef hann geti ekki
leikið tennis. Tennis er það sem Borg lifir
fyrir og ekkert annað kemst að í huga
hans.“
Margir velta því fyrir sér hvort Borg fái
nægilega ánægju út úr uppvaxtarárum
sínum. Sjálfur segir hann „Tennis er mín
ánægja og ég hugsa alltaf unt hvert mót,
sem það sé mitt síðasta, en ekki að ég
muni leika tennis næstu 20 ár og því verði
ég að verða góður strax. Ég hef fórnað
miklu fyrir tennis, rjómaís, súkkulaði og
nánum samskiptum við vini mína. Tennis
er allt sem ég þekki og vil þekkja, hann er
mitt líf.“
Borg hefur einnig varið vel með þá
peninga sem hann hefur unnið sér inn.
Hann hefur keypt verzlun handa foreldr-
um sínum og sumarbústað, hann hefur
látið sérfræðinga sjá um fjárfestingar fyrir
sig og hann hefur líka íhugað eða hugsan-
lega tekið ákvörðun nú um að skrá sig í
Sviss, til að losna við hina gífurlegu skatta
í heimalandi sínu. Björn Borg er smám-
saman að þroskast og Svíar eru ekki í
nokkrum vafa um að hann muni gera
garðinn frægan um mörg ókomin ár. Þeir
segja „Frægðin mun ekki stíga Birni Borg
til höfuðs, hann er sterkur, ákveðinn og
góður og verður meistari um langt skeið.“
Margs að
-minnast-------------------
má nefna hertogann af Edinborg, Philip
drottningarmann. Lawrence fulltrúa
Ástralíu í alþjóða Olympiunefndinni og
svo fyrrverandi Olympiumethafa og nú-
verandi forseta brezka íþróttaráðsins, Dr.
Bannister.
Hver sem niðurstaðan verður um fram-
tíðarfyrirkomulag Olympiuleikanna, er
það einlæg von og vilji allra íþróttafor-
ystumanna um víða veröld, að Olympiu-
leikamir geti áfram orðið hápunktur
íþróttalegra samskipta, þar sem dreng-
skapur, aukinn skilningur og vinátta
ólíkra einstaklinga og þjóða sitji í fyrir-
rúmi, öllu mannkyni til góðs.
33