Íþróttablaðið - 01.04.1975, Side 45

— Þar kemur margt til, sagði Haraldur.
M.a. má nefna mjög lélega æfingaaðstöðu
innanhúss. En þar sem skilningur bæjar-
yfirvalda á þörfinni fyrir bætta aðstöðu
virðist nú vera að vakna, þá erum við
bjartsýnir á framtíðina og vonum að okk-
ur takist að rétta hlut okkar í körfuknatt-
leik í náinni framtíð.
Síðan hélt Haraldur áfram og sagði, að
það væri ekki einungis körfuknattleikur
sem hefði átt erfitt uppdráttar á undan-
förnum árum, heldur ætti þetta líka við
frjálsar íþróttir og fleiri greinar. Væru
orsakimar þar mikið til hinar sömu. Þar
sem nú hillir undir batnandi aðstöðu til
íþróttaiðkana í bænum sagðist Haraldur
vera vongóður um að endurvekja mætti
áhugann á þeim greinum sem verið hafa í
öldudal.
— K.A. mun einnig vera opið fyrir
öllum nýjungum á íþróttasviðinu og því
kemur það alltaf til greina að fjölga þeim
greinum, sem stundaðar eru á vegum
félagsins, ef fyrir því verður áhugi, sagði
Haraldur Sigurðsson að lokum.
Ungir íþróttamenn ó Akureyri
Iþróttafélag fatlaðra á Akureyri:
Ungt fólk og
áhugasamt
í forystuhlutverkin
Laugardaginn 7. des. s.l. var stofnað
Iþróttafélag fatlaðra á Akureyri. Fundur-
inn var haldinn að Bjargi, sem er bækistöð
Sjálfsbjargar á Akureyri og sóttu rösklega
20 manns stofnfundinn. Vitað er um all
marga í viðbót, sem ætla að gerast félagar
strax í byrjun. Þetta nýja íþróttafélag er
annað í röðinni sem stofnað er á vegum
fatlaðra, áður hafði verið stofnað sams
konar félag í Reykjavík.
Fundinum stýrði hinn dugmikli for-
maður Sjálfsbjargar á Akureyri, frú Heið-
rún Steingrímsdóttir, en fundarritari var
Kristjana Einarsdóttir.
Eftir að samþykkt höfðu verið lög fyrir
félagið, kosið í stjórn og aðrar .trúnaðar-
stöður, flutti Isak Guðmann, form. ÍBA,
ávarp, bauð íþróttafélag fatlaðra á Akur-
eyri velkomið í hóp annarra íþróttafélaga
og færði því að gjöf 10 þúsund krónur frá
ÍBA. Hermann Sigtryggsson, íþróttafull-
trúi Akureyrar, ávarpaði einnig stofnfund-
inn, lýsti ánægju sinni með þetta athyglis-
verða framtak, og kvaðst þess fullviss, að
stofnun félagsins mundi stuðla að því, að
íþróttamannvirki yrðu hönnuð þannig, að
þau mættu henta öllum jafn vel. Hinn
kunni íþróttafrömuður þeirra Akureyr-
inga, Hermann Stefánsson menntaskóla-
kennari, sat einnig stofnfundinn. Loks
talaði Sig. Magnússon, útbreiðslustjóri
ÍSÍ, sem hafði ákveðið að veita hinu nýja
félagi 100 þúsund króna fjárframlag á
næsta ári. Jafnframt sýndi hann ameríska
og sænska kvikmynd um íþróttaiðkandir
fatlaðra í Reykjavík.
Fundarstjóri þakkaði allar góðar óskir
og gjafir og þakkaði sérstaklega Magnúsi
H. Ölafssyni íþróttakennara og sjúkra-
þjálfara áhuga hans og liðveizlu við að
koma félaginu á fót. Án hans framlags
væri félagið ekki orðið að veruleika.
Það var ungt og áhugasamt fólk sem
valdist til forystu í íþróttafélagi fatlaðra á
Akureyri, staðráðið í að koma starfsem-
inni í gagn hið fyrsta. Mörg þeirra hafa
orðið fyrir slysum og hlotið varanlega
örorku. Kristjana, ritari félagsins, 10 ára
að aldri, lenti í bílslysi 17 ára gömul og
gengur við tvær hækjur, Tryggvi, 17 ára
Menntaskólanemi, lenti í dráttarvél 14 ára
gamall og missti annan fótinn, og Ásgrím-
ur P. Ásgrímsson varð fyrir því að reka
höfuðið í sundlaugarbotn, er hann stakk
sér til sunds, og hlaut af þvf lömun.
37