Morgunblaðið - 08.01.2020, Blaðsíða 6

6 MORGUNBLAÐIÐ MIÐVIKUDAGUR 8. JANÚAR 2020FRÉTTIR
Eitt mesta úrval landsins
af bor- og snittvörum
RÁÐGJAFARSTARFSEMI
Hugbúnaðarfyrirtækið Reon ehf.
hefur keypt allt hlutafé í ráðgjafar-
fyrirtækinu Vínberi (Vínviður ehf.)
sem sérhæfir sig í markaðssetningu
á netinu. Fyrirtækin verða ekki
sameinuð en nafni Vínbers verður
breytt í Koikoi. Hörður Ellert Ólafs-
son, hefur verið ráðinn fram-
kvæmdastjóri hins keypta félags en
hann er með nám í frumkvöðlafræði
og fyrirtækjaþróun að baki frá Dan-
mörku og Reykjavík, með áherslu á
starfræna sölu og markaðssetningu.
Elvar Örn Þormar, framkvæmda-
stjóri Reon, segir kaupin lið í stefnu
fyrirtækisins að styrkja þekking-
argrunn sinn og að með því fái það
aðgang að sérfræðingum sem eru
fremstir á sínu sviði í sífellt vaxandi
netsölu. „Breytt eignarhald og sam-
starf á milli Koikoi og Reon gerir
okkur kleift að þjónusta við-
skiptavini okkar betur, útfæra sér-
lausnir sem áður voru einungis í boði
fyrir stórfyrirtæki og á sama tíma
mæta þörf sem við höfum orðið vör
við á markaðnum,“ segir Elvar enn-
fremur.
Hjá Reon starfa 14 manns. Ekki
kemur fram á heimasíðu Koikoi
hversu margir starfsmenn eru á
vegum þess.
Reon kaupir allt
hlutafé í Vínberi
Elvar Örn Þormar er forstjóri
Reon og stofnandi fyrirtækisins.
Að sögn Sigmars Guðbjörnssonar,
framkvæmdastjóra og eins eigenda
Star-Odda, er stefnt að sölu mælis-
ins á alþjóðamarkaði og nýtist tækn-
in meðal annars í olíu- og gasiðnaði.
Hagsmunaaðilar úr þeim geira leit-
uðu til fyrirtækisins ári eftir versta
olíuleka sögunnar við olíuborpallinn
Deepwater Horizon við Mexíkóflóa
en á meðal þess sem olli sprengingu
sem kostaði 11 manns lífið var galli í
steypu í borholu. Notkun mælisins
hefði hugsanlega getað afstýrt slys-
inu að sögn Sigmars.
„Það lak gas meðfram steypunni
upp á yfirborðið sem olli spreng-
ingu. Þeir aðilar sem leituðu til okk-
ar gátu ekki leyst vandamálið sjálfir
og leituðu því meðal annars til ann-
arra þjónustuveitenda sem gætu
komið með eitthvað nýtt í þennan
bransa. En það var ánægjulegt að
þeir skyldu hafa leitað til okkar. Það
segir okkur að við erum að gera vel
og erum sýnileg á alþjóðamarkaði í
okkar geira,“ segir Sigmar.
„Ef áreiðanleiki steypunnar hefði
verið mældur í borholunni við
Mexíkóflóa hefði mögulega verið
hægt að afstýra þessu slysi. Þegar
þeir smíðuðu holuna hefði verið
hægt að sjá að ekki var allt með
felldu.“
Getur sparað 300 milljónir á ári
Að hans sögn bendir allt til þess
að olíu- og gaslekar muni koma fyrir
áfram nema ný tækni sem mælir
áreiðanleika steypu verði þróuð.
Sama þörf er til staðar við boranir
eftir heitu vatni.
Sé litið til borholna hér á landi
gæti sparnaður veitufyrirtækja við
uppsetningu þeirra og nýtingu
mælisins numið 300 milljónum
króna á ári en búnaðurinn nemur
svokallaða einagrun á milli svæða
sem skilar sér í lengri líftíma heita-
vatnsborhola. Dregur það bæði úr
kostnaði og stuðlar að aukinni hag-
kvæmni endurnýjanlegrar orku.
Boraðar eru um átta stórar borhol-
ur á Íslandi á ári. Kostnaðurinn við
eina slíka er um 300 milljónir
króna. Að því gefnu að mælirinn
lengi líftíma borholna um 15% gæti
sparnaður því numið um einni bor-
holu á ári. Á alþjóðamarkaði er
sparnaðurinn mældur í milljörðum
króna að sögn Sigmars, hvort sem
litið er til jarðvaramaveitna eða ol-
íu- og gasveitna.
„Það er hægt að skoða sparnað á
endingunni. Holan endist lengur ef
þú tryggir gæði steypunnar en ef
við horfum á slysið þarna í Mexíkó-
flóa og á bæði mengunina og
mannslífin sem það kostaði þá er
ekki hægt að mæla það í pen-
ingum,“ segir Sigmar.
Við gerð nýrra borholna er hin-
um nýja mæli komið fyrir í steyp-
unni. Þegar holan er klár er járn-
stykki sökkt ofan í sem „talar“ við
mælinn og sækir gögnin.
„Allan tímann fylgjast mælarnir
með hitanum og þrýstingnum.
Áreiðanleiki steypunnar og ein-
angrun eru þættir sem skipta mjög
miklu máli. Í heitavatnsborholum
ryðga rör frekar ef kalt vatn kemst
í snertingu við heita borholuna sem
eykur tæringu á rörunum og styttir
líftíma borholunnar,“ segir Sigmar.
Star-Oddi nýtur góðs af staðsetn-
ingu sinni hér á Íslandi með sinn
mikla hita í jörðu. Íslenskar orku-
rannsóknir (ÍSOR) aðstoða við próf-
anir á búnaðinum en vöruþróun
fyrirtækisins hefur einnig verið
styrkt af Tækniþróunarsjóði.
„Við erum komin með tvo mæla
sem eru nú þegar komnir í rann-
sóknarbíla hjá ÍSOR sem þeir
munu sökkva niður við fyrsta tæki-
færi. Svo gera þeir þær mælingar
sem þeir þurfa til þess að votta bor-
holur. Þessi mælir er hannaður fyr-
ir hátt hitastig og mikinn þrýsting,“
segir Sigmar.
Veltan mun aukast
Star-Oddi framleiðir fjölmargar
tegundir af mælum sem notaðir eru
í rannsóknum, hvort sem það eru
atferlisrannsóknir á dýrum eða um-
hverfisrannsóknir. „Stærstu fyrir-
tæki og stofnanir heims á sviði
dýra- og umhverfisrannsókna eru
viðskiptavinir okkar,“ segir Sigmar
en fyrirtækið var stofnað árið 1985
og nálgast 300 milljóna króna veltu
á ári.
Sigmar býst við því að veltan
muni aukast með tilkomu hins nýja
mælis á markað og gera áætlanir
Star-Odda ráð fyrir um hálfri millj-
ón evra í tekjur, tæplega 70 millj-
ónum króna, á fyrsta heila sölu-
árinu. Raunar nemur hlutfall vara
sem ekki eru eldri en 3 ára ávallt
um 25% af sölutekjum fyrir-
tækisins. „Við erum frumkvöðlar og
komum reglulega með nýjar vörur
á markað sem styrkja tekjuflæði
okkar allverulega. Við leggjum líka
heilmikið upp úr vöruþróun og stórt
hlutfall okkar tekna fer þangað.“
Leitað til Star-Odda eftir olíuslys
Pétur Hreinsson
peturh@mbl.is
Hátæknifyrirtækið Star-
Oddi reiknar með því að
vera komið með nýja vöru,
mælitæki sem mælir gæði
steypu í borholum, á
markað á þessu ári.
Morgunblaðið/RAX
Sigmar Guðbjörnsson heldur hér á mælitækinu sem komið er fyrir í steypunni og járnstykkinu sem sökkt er ofan í.