Morgunblaðið - 02.03.2020, Síða 27

ÍÞRÓTTIR 27
MORGUNBLAÐIÐ MÁNUDAGUR 2. MARS 2020
 Aron Pálmarsson og samherjar
hans í Barcelona settu á laugardag
met í Meistaradeild Evrópu í hand-
bolta er liðið vann sinn þrettánda leik í
röð. Spænska liðið hafði þá betur gegn
Stefáni Rafni Sigurmannssyni og
Pick Szeged frá Ungverjalandi, 30:28.
Aron skoraði tvö mörk fyrir Barcelona
og Stefán fjögur fyrir Pick Szeged.
Barcelona er komið í átta liða úrslit en
Szeged bíður einvígi gegn ríkjandi
meisturum Vardar þar sem sæti í átta
liða úrslitunum er undir.
 Kolbeinn Höður Gunnarsson bætti
á laugardag Íslandsmet sitt í 200
metra hlaupi innanhúss. Kolbeinn
Höður kom í mark á 21,21 sekúndu í
úrslitahlaupinu á 2020 American
Indoor Track and Field Championship
þar sem hann keppir fyrir Memphis-
háskóla.
 Hinn 17 ára gamli Kristian Nökkvi
Hlynsson skoraði um helgina fyrir U17
ára lið stórveldisins Ajax gegn Zwolle.
Kristian, sem varð 16 ára í síðasta
mánuði, gekk til liðs við hollenska
stórliðið frá Breiðabliki en hann er
yngsti leikmaður í sögu Breiðabliks til
þess að spila í efstu deild.
 Landsliðsmaðurinn Rúnar Már Sig-
urjónsson lagði upp sigurmark Astana
sem varð meistari meistaranna í
knattspyrnunni í Kasakstan með 1:0-
sigri á Kaisar Kyzylorda á laugardag.
 Landsliðsfyrirliðinn Sara Björk
Gunnarsdóttir lék sínar fyrstu mín-
útur á árinu er hún kom inn á sem
varamaður á 65. mínútu í 6:0 sigri
Wolfsburg á Jena í efstu deild þýska
fótboltans. Sara Björk hefur verið að
glíma við meiðsli í hné og lék síðast
hinn 29. nóvember síðastliðinn.
 Valdís Þóra Jónsdóttir lauk keppni
í 21.-28. sæti á NSW Open-golfmótinu
í Ástralíu en lokahringurinn var leikinn
í fyrrinótt. Mótið er liður í Evr-
ópumótaröð kvenna. Hún lék loka-
hringinn á 72 höggum. Íslandsmeist-
arinn Guðrún Brá Björgvinsdóttir
hafnaði í 65. sæti á sama móti. Hún
lék lokahringinn á 80 höggum.
 Alfreð Finnbogason skoraði sitt
þriðja mark á tímabilinu í þýsku 1.
deildinni í fótbolta á laugardag er
hann gerði annað mark Augsburg í
2:3-tapi fyrir Borussia Mönchenglad-
bach á heimavelli.
Markið kom á
73. mínútu, tíu
mínútum eftir að
hann kom inn á
sem varamaður. Þá
lék Samúel Kári
Friðjónsson allan
leikinn með Pa-
derborn sem tap-
aði fyrir Mainz á
útivelli, 0:2.
Samúel var í
byrjunarliði
Paderborn í
fyrsta skipti.
Eitt
ogannað
KÖRFUBOLTI
Skúli B. Sigurðsson
Jóhann Ingi Hafþórsson
Sexfaldir meistarar KR í körfu-
knattleik náðu sér líkast til í einn
sinn mikilvægasta sigur í vetur þeg-
ar þeir heimsóttu Njarðvíkinga í
gærkvöldi í Dominos-deildinni.
Niðurstaða kvöldsins varð 87:81 og
með sigrinum komust KR-ingar í 4.
sæti deildarinnar á kostnað Njarð-
víkinga og þar með í heimavallarrétt
í úrslitakeppninni. Ekki nóg með
það, því þessi sex stiga sigur tromp-
ar fyrri sigur Njarðvíkinga í vetur á
KR og þar með innbyrðis viðureign,
sem þýðir að ef liðin enda með sama
stigafjölda í lok deildar hafa KR-
ingar efra sætið.
Aldrei afskrifa meistarana
Fyrir leik var mikið rætt um
margskaddað lið KR og ekki nema
von því í liðið vantaði Króatann Dino
Cinic, Jón Arnór Stefánsson og
Björn Kristjánsson, sem voru allir á
meiðslalista og svo var Kristófer
Acox að koma sér í gírinn eftir sín
veikindi. Hins vegar skal aldrei af-
skrifa hjarta meistaranna, sem
komu svo sannarlega vel undirbúnir
til leiks. Varnarleikur þeirra framan
af leik gerði Njarðvíkingum skrá-
veifu. Hægur og hikandi sóknar-
leikur Njarðvíkinga framan af leik
varð þessum varnarleik KR að bráð
og augljóst að upplegg gestanna úr
Vesturbænum var að spila stífa
vörn. Sóknin á tímum fékk að njóta
vafans en þetta kvöldið virtist það
henta bara nokkuð vel. Maður vill
síður en svo saka Njarðvíkinga um
vanmat gegn sexföldum meisturum.
Líkt og þeir mættu til leiks þetta
kvöldið má hins vegar alveg kasta
þeirri fullyrðingu fram. Ákvarðanir
voru slakar og virtust þeir einfald-
lega alls ekki nægilega gíraðir í það
að hirða einn mikilvægasta sigur
vetrarins. Ef ekki hefði verið fyrir
áhlaup frá Maciej Baginski í þriðja
leikhluta þá hefði þessi leikur verið
eign KR frá upphafi til enda. Á með-
an Njarðvíkingar geta stundum litið
út eins og meistaraefni í einum
leiknum, þá hlaða þeir í frammi-
stöðu líkt og í gærkvöldi í þeim
næsta. Það mun ekki koma þeim
mikið lengra en í síðustu úr-
slitakeppni sem þeir léku í.
 Stjarnan er einum sigri frá því
að tryggja sér deildarmeistaratit-
ilinn annað árið í röð eftir sannfær-
andi sigur á Þór Akureyri, 107:86.
Stjarnan vann leik liðanna á Ak-
ureyri fyrr í vetur með flautukörfu
frá Nikolas Tomsick. Stjarnan
þurfti ekki að treysta á slíkar hetju-
dáðir í gær og var sigurinn afar
öruggur. Stjarnan mætir KR í
næstu umferð og er deildartitillinn
tryggður með sigri. Möguleikarnir á
að vinna tvöfalt annað árið í röð eru
því sannarlega til staðar, en í Garða-
bænum er mönnum eflaust nett
sama um deildartitla og bikartitla,
þar horfa menn á Íslandsmeist-
aratitilinn. Haldi Stjarnan áfram að
spila eins og liðið hefur gert stærst-
an hluta tímabils, er liðið sig-
urstranglegt í baráttunni um þann
stóra. Þór er enn þá í fallsæti,
tveimur stigum á eftir Val, en liðin
mætast á Akureyri í næstu umferð í
leik sem hefur mikið að segja um
hvort liðið fellur niður um deild. Áð-
urnefndur Tomsick var stigahæstur
í leiknum með 23 stig.
Keflavík tók stórt skref í áttina
að því að tryggja sér annað sætið
með 80:69-sigri á Haukum á heima-
velli. Haukar misstu af stigum í bar-
áttunni um heimavallarrétt í úr-
slitakeppninni. Ætli Haukar sér að
enda í einu af fjórum efstu sæt-
unum, mega þeir ekki tapa mikið
fleiri stigum. Haukamenn hafa nú
tapað tveimur leikjum í röð eftir
fimm sigra í röð þar á undan, en
stöðugleika hefur vantað í lið Hafn-
firðinga í vetur. Keflavík er í fínni
stöðu þar sem liðið á Fjölni og svo
Þór Þorlákshöfn í næstu tveimur
leikjum og ætti því að geta tryggt
annað sætið, fari þeir leikir eftir
bókinni. Deane Williams skilaði
tvennu hjá Keflavík; skoraði 22 stig
og tók 11 fráköst.
 Grindavík vann sannfærandi
90:68-sigur á Val á útivelli og styrkti
um leið stöðu sína í baráttunni um
sæti í úrslitakeppninni. Valsmenn
eru nánast úr leik í baráttunni um
átta efstu sætin og snýst tímabil
þeirra nú fyrst og fremst um að
halda sæti sínu í deildinni. Grinda-
vík hefur sótt í sig veðrið síðustu
vikur og var sigurinn sá þriðji í fjór-
um deildarleikjum. Landsliðsmað-
urinn Sigtryggur Arnar Björnsson
var maður leiksins með 26 stig og 6
stoðsendingar.
Mikilvægasti sigur meistaranna
 KR-ingar upp í fjórða sætið  Stjarnan þarf einn sigur til viðbótar Keflavík
ætlar sér annað sætið  Grindavík að styrkjast  Fallslagur Vals og Þórs
Ljósmynd/Skúli B. Sigurðsson
Sókn Michael Craion úr KR sækir að Aurimas Majauskas hjá Njarðvík.
Bikarmeistarar Skallagríms komust
í gærkvöld upp í þriðja sæti Dom-
inos-deildar kvenna í körfubolta
með 76:69-sigri á Haukum á útivelli.
Keira Robinson átti góðan leik fyrir
Skallagrím og skoraði 26 stig og tók
tíu fráköst. Randi Brown gerði 31
stig fyrir Hauka og tók ellefu frá-
köst. Bjarni Magnússon þjálfaði
Hauka í fyrsta skipti eftir að félagið
rak Ólöfu Helgu Pálsdóttur í vik-
unni. Skallagrímur er nú í þriðja
sæti með 28 stig, eins og KR, sem er í
fjórða sæti. Haukar eru í fimmta
sæti með tveimur stigum minna.
Bikarmeistarar
upp í þriðja sæti
Morgunblaðið/Árni Sæberg
Stigahæst Keira Robinson var
stigahæst hjá Skallagrími.
Real Madríd vann Barcelona í
deildarleik í spænska fótboltanum í
fyrsta skipti síðan 2. apríl 2016 er
liðin mættust á Santiago Bernabéu-
vellinum í gærkvöld. Með sigrinum
náði Real eins stigs forystu á erki-
fjendur sína í baráttunni um
spænska meistaratitilinn. Eftir
markalausan fyrri hálfleik var Real
mun betri aðilinn eftir hlé og var
sigurinn að lokum verðskuldaður.
Táningurinn Vinícius Júnior kom
Real yfir í fyrri hálfleik og vara-
maðurinn Mariano Díaz gulltryggði
sigurinn með marki í uppbótartíma.
Fyrsti sigur Real
Madríd í fjögur ár
AFP
Táningur Hinn 19 ára gamli Viní-
cius Júnor fagnar fyrra markinu.
KÖRFUKNATTLEIKUR
Úrvalsdeild karla, Dominos-deildin:
Sauðárkrókur: Tindastóll – Fjölnir .... 19.15
Hertz-hellirinn: ÍR – Þór Þ ................. 19.15
1. deild karla:
Ice-Lagoon-höllin: Sindri – Snæfell ........ 16
Í KVÖLD!
Hin 13 ára gamla Agnes Brynj-
arsdóttir úr Víkingi varði Íslands-
meistaratitil sinn í einliðaleik á
Íslandsmótinu í borðtennis á
Strandgötu í Hafnarfirði í gær.
Agnes varð í fyrra yngsti Íslands-
meistari í kvennaflokki frá upp-
hafi. Hún hafði betur gegn Aldísi
Rún Lárusdóttur úr KR í úrslit-
um, en hún hafði nokkra yfirburði
í úrslitaleiknum.
Ingi Darvis úr Víkingi varð Ís-
landsmeistari í karlaflokki í
fyrsta skipti eftir sigur á Magnúsi
Gauta Úlfarssyni úr BH í úrslit-
unum, en Magnús var Íslands-
meistari síðustu tveggja ára. Ingi
hefur síðustu ár verið á meðal
sterkustu borðtennisspilara lands-
ins og orðið bikarmeistari með
Víkingi og leikið með landsliðinu.
Hann getur nú loksins bætt Ís-
landsmeistaratitlinum við fer-
ilskrána.
Magnús Gauti Úlfarsson og Sól
Kristínardóttir Mixa úr BH urðu
Íslandsmeistarar í tvenndarleik.
Var þetta þeirra fyrsti titill og
fyrsti titill BH í tvenndarleik. Þau
sigruðu mæðginin Ástu M. Urban-
cic, KR og Jóhannes Bjarka Ur-
bancic Tómasson, BH í úrslitum.
Birgir Ívarsson og Magnús
Gauti Úlfarsson úr BH unnu í tví-
liðaleik karla eftir sigur á Inga
Darvis og Magnúsi Jóhanni Hjart-
arsyni úr Víkingi í úrslitum og
Harriet Cardew og Sól Krist-
ínardóttir úr BH unnu þær Agnesi
Brynjarsdóttur og Stellu Karen
Kristjánsdóttur úr Víkingi í úr-
slitum í tvíliðaleik kvenna.
Sú yngsta varði tit-
ilinn á Strandgötu
Morgunblaðið/Íris Jóhannsdóttir
Meistarar Agnes Brynjarsdóttir og Ingi Darvis eru Íslandsmeistarar.