Morgunblaðið - 15.04.2020, Side 32

Menningarhúsin í Kópavogi bjóða upp á menningar-
dagskrá í netstreymi á meðan samkomubann stendur
yfir undir yfirskriftinni Kúltúr klukkan 13, á mánu-
dögum, miðvikudögum og föstu-
dögum. Í dag mun Sævar
Helgi Bragason, jarðfræð-
ingur og vísindamiðlari,
fá til sín í Nátt-
úrufræðistofu Kópavogs
Hrönn Egilsdóttur sjáv-
arvistfræðing og munu
þau spjalla um súrnun
sjávar og lífríki hafsins.
Viðburðinum, eins og
öðrum í röðinni,
verður streymt á
stundin.is, á Fa-
cebook-síðu
Stundarinnar
og síðum Menn-
ingarhúsanna í
Kópavogi.
Súrnun sjávar og lífríki hafsins
Steinþór Guðbjartsson
steinthor@mbl.is
Nýlega var ákveðið að jeppi sem
Þórólfur Gunnarsson og Margrét
Jónsdóttir gáfu Unicef í Síerra
Leóne yrði notaður til að aðstoða við
dreifingu á vörum, sem íslenska ríkið
fjármagnar, að sögn Þórólfs.
„Unicef vinnur að góðum og göf-
ugum málum börnum til heilla í
Síerra Leóne og jeppinn kemur sér
vel í því
starfi,“ segir
Þórólfur.
Hjónin tóku
þátt í Buda-
pest-
Bamako-
rallinu
snemma árs
á uppgerðum
15 ára Land
Crusier og gáfu Unicef farartækið
ásamt fylgihlutum á leiðarenda. Með-
an á ferðinni stóð söfnuðu þau einnig
áheitum fyrir Unicef.
Hjónin óku um 11.800 km á 25
dögum. Aksturinn hófst í Hirtshals í
Danmörku, en fyrsti hluti keppn-
innar var frá Ungverjalandi í gegn-
um Slóveníu, Ítalíu, Frakkland, Spán
og Gíbraltar. Síðan með ferju til
Marokkó og ekið áfram til Marra-
kech. „Þessi hluti var maraþonakstur,
um 3.700 kílómetrar á þremur sólar-
hringum,“ segir Þórólfur. Í vestur-
hluta Afríku var ekið frá Marokkó
um Vestur-Sahara, Máritaníu, Sene-
gal, Gíneu og til Freetown í Síerra
Leóne, þar sem keppninni lauk.
Keppnin fór nú fram í 11. sinn og til
þessa var Bamako í Malí endastöð, en
vegna óstöðugleika í Malí var farið til
Freetown í staðinn. Um 700 manns
hófu keppni á yfir 200 ökutækjum.
Þórólfur segir að seinni hlutinn hafi
verið meira krefjandi. Þau hafi þurft
að fara krókaleiðir, takast á við
óvænta hluti eins og óeirðir í Gíneu
og jarðsprengjusvæði í Marokkó, en
ekki orðið fyrir neinum áföllum.
Heimsforeldrar í 13 ár
„Ein leið í Gíneu var sérstaklega
slæm og það tók okkur um átta tíma
að aka 180 kílómetra, en ferðin gekk
sérstaklega vel og við erum reynsl-
unni ríkari,“ segir Þórólfur. Undir-
búningurinn hafi verið góður og ekk-
ert hafi klikkað nema hvað eitt
bremsurör hafi farið í sundur á leið-
inni. „Ævintýraþráin var ástæða þess
að við fórum í ferðina, en við höfum
verið heimsforeldrar hjá Unicef í um
13 ár og þegar við sáum hvað ung-
barnadauði er mikill í Síerra Leóne
vildum við leggja okkar af mörkum í
baráttunni gegn honum.“
Þórólfur segir að keppnisfólkinu
hafi verið vel tekið í Síerra Leóne.
„Þar mættu okkur allir með bros á
vör en í Gíneu voru menn þungir á
brún vegna ástandsins í landinu.“
Keppt var í nokkrum flokkum tor-
færubíla og venjulegra bíla. Síðar-
nefndi hópurinn fór aðeins styttri og
greiðfærari leið og ákváðu Þórólfur
og Margrét að fylgja honum. „Bíllinn
hefði ekki verið í eins góðu ásig-
komulagi á leiðarenda ef við hefðum
farið erfiðari leiðina og gjöfin því
ekki eins verðmæt auk þess sem við
fengum alveg eins mikið út úr því að
fara með venjulegu bílunum,“ segir
Þórólfur.
Ferðin fór fram úr væntingum og
Þórólfur segir að þau hafi áhuga á að
endurtaka leikinn. „Þá myndum við
gera margt öðruvísi,“ segir hann og
leggur áherslu á að best væri að far-
ið yrði á þremur bílum í samfloti.
„Það er erfitt að vera svona einbíla.“
Þórólfur segist vita um fjóra bíla sem
hafi verið gefnir eftir keppnina, en
margir hafi selt ökutækin í Freetown
og fengið gott verð fyrir. „Borga má
ferðina með því að selja bílinn á
endastöð,“ segir hann.
Í Búdapest Þórólfur Gunnarsson og Margrét Jónsdóttir við bílinn sem þau síðan gáfu Unicef í Síerra Leóne.
Óku gjöfinni um 11.800 km
 „Íslenski“ jeppinn kemur sér vel fyrir íbúa í Síerra Leóne
MIÐVIKUDAGUR 15. APRÍL 106. DAGUR ÁRSINS 2020
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 697 kr.
Áskrift 7.530 kr. Helgaráskrift 4.700 kr.
PDF á mbl.is 6.677 kr. iPad-áskrift 6.677 kr.
„Svona var bara staðan og maður verður að bera virð-
ingu fyrir þessari niðurstöðu enda ekki annað hægt. Á
sama tíma er þetta líka sárt þar sem við vorum að eiga
besta tímabil okkar í mjög langan tíma. Framliðið í vet-
ur hefur verið eitt best spilandi kvennalið landsins í
langan tíma og það var því leiðinlegt að geta ekki land-
að deildarmeistaratitlinum á formlegan hátt,“ segir
Steinunn Björnsdóttir, fyrirliði Fram, sem varð af tæki-
færi til að vinna þrefalt á handboltatímabilinu. »27
Sárt en svona var bara staðan
ÍÞRÓTTIR MENNING