Dagblaðið Vísir - DV - 28.08.2020, Blaðsíða 4

MEST LESIÐ
Á DV Í VIKUNNI Í FRÉTTUM ER ÞETTA HELST...
Líkfundur í Breiðholti
Hinn 21. ágúst síðastliðinn var tilkynnt um líkfund í Breið-
holti. Líkið reyndist vera af eldri manni og fannst í skóginum
við Hólahverfi. Talið er að líkið hafi legið þar um nokkurra
mánaða skeið en ekki hafði verið lýst eftir manninum. Ekki
er talið að maðurinn hafi látið lífið með saknæmum hætti.
Þyrla sótti dómsmálaráðherra
Það var harðlega gagnrýnt fyrr í vikunni þegar Áslaug Arna
Sigurbjörnsdóttir dómsmálaráðherra var sótt af þyrlu Land-
helgisgæslunnar úr hestaferð á Suðurlandi svo hún gæti
setið samráðsfund um kórónaveirufaraldurinn í Reykjavík.
Þyrlan flutti hana síðan aftur til baka. Eftir ríkisstjórnar-
fund á þriðjudag viðurkenndi Áslaug Arna að það hefðu verið
„mistök“ að þiggja boð Landhelgisgæslunnar.
Mótmælaalda í Wisconsin
Mótmælaalda braust út í borginni Kenosha í Wisconsin-ríki
á sunnudagskvöld eftir að lögreglumaður skaut Jacob Blake,
svartan og óvopnaðan mann, ítrekað í bakið. Nokkuð hefur
verið um skemmdarverk og íkveikjur í mótmælunum og að-
faranótt miðvikudags var unglingspiltur handtekinn, grun-
aður um að hafa skotið tvo mótmælendur til bana.
Alvarleg líkamsárás í Vestmannaeyjum
Aðfaranótt þriðjudags varð maður á fertugsaldri fyrir alvar-
legri líkamsárás í Vestmannaeyjum. Í tilkynningu frá lögreglu
segir að ráðist hafi verið á hann með „einhvers konar áhaldi“
og hlaut hann alvarlega áverka. Fórnarlambið þekkti gerand-
ann ekki. Málið er í rannsókn og gerandinn er enn ófundinn.
Sjötti sigur Bayern München
Bayern München sigraði PSG í úrslitaleik Meistaradeildar-
innar í vikunni en Kingsley Coman skoraði eina mark leiksins
fyrir Bayern. Þessi titill kórónaði tímabil Bayern en liðið vann
einnig þýsku deildina og þýska bikarinn. Þetta var í sjötta
skipti sem Bayern vinnur Meistaradeildina en liðið vann hana
síðast á tímabilinu 2012–2013.
Ríkisstjórnin send í skimun
Ákveðið var að ráðherrar ríkisstjórnarinnar myndu fara í tvö-
falda skimun og viðhafa smitgát eftir að átta manns greindust
með COVID-19 eftir dvöl á Hótel Rangá á Hellu. Ríkisstjórnin
snæddi kvöldverð á hótelinu þriðjudaginn 18. ágúst og taldist
því til ytri hrings mögulegs smithóps. Heilbrigðis- og félags-
málaráðherrar snæddu ekki á hótelinu þetta kvöld og þurftu
því ekki að undirgangast ráðstafanirnar. Hótel Rangá er lokað
tímabundið á meðan smitrakning og sótthreinsun fer fram.
1 Myndir af Ásdísi Rán vekja undrun – „IceQueen þyngist um
100 kíló“ Fyrirsætan Ásdís Rán Gunn-
arsdóttir varð fyrir photoshop-svikum
í Búlgaríu.
2Knattspyrnumaður baðst af-sökunar á konunni sinni í brúð-
kaupinu – „Ég er orðlaus“ Oleksandr
Zinchenko, leikmaður Manchester
City, þurfti að biðjast opinberlega
afsökunar á ummælum sem konan
hans lét falla um þjálfara hans.
3Fjaðrafok eftir að Melania Trump tók Rósagarð Hvíta húss-
ins í gegn Forsetafrú Bandaríkjanna
sá um yfirhalningu á frægum garði við
Hvíta húsið og hefur fengið misjafnar
viðtökur.
4Bubbi búinn að fá nóg – „Við erum öll í þessum pakka. Þetta
er ekki bara ferðaiðnaðurinn“ Bubbi
Morthens bendir á að það er ekki
einungis ferðaþjónustan sem er að
fara illa út úr kórónaveirufaraldrinum.
5Uppnám á starfsstöð Lögreglu-stjórans á Suðurnesjum – Vísa
á Ólafi frá staðnum með valdi Ólafur
Helgi Kjartansson, fráfarandi lög-
reglustjóri á Suðurnesjum, reyndi
að fá aðgang að mannauðsgögnum
embættisins eftir að hafa verið neitað
um þau.
6Sjáðu myndbandið: Gylfi vekur athygli – „Þegiðu aumingi“
Tilþrif Gylfa Þórs Sigurðssonar,
knattspyrnumanns hjá Everton, vöktu
misjöfn viðbrögð á Twitter.
7Sjáðu myndbandið: Kærasta knattspyrnustjörnu vekur
athygli milljóna Yfir fjórar milljónir
manna hafa horft á myndskeið sem
Giorgina Rodriguez, kærasta knatt-
spyrnustjörnunnar Cristiano Ronaldo,
deildi á Instagram.
8Samband sem byggist á að-dáun – Lykillinn er hreinskilni
DV lék forvitni á að vita hvernig þau
Baltasar Kormákur og Sunneva Ása
Weisshappel eiga saman ef litið er til
stjörnumerkjanna.
LANDSINS MESTA ÚRVAL BÓKA
Bókabúð Forlagsins | Fiskislóð 39 | Opið virka daga 10-18, laugardaga 11-16 | www.forlagid.is
ÞÚ RÆÐUR HVAÐ GERIST
Kauptu báðar nýju bækurnar í
Bókabúð Forlagsins Fiskislóð
og fáðu derhúfu með!
Fullkominn
lestur í
skólabyrjun
4 FRÉTTIR 28. ÁGÚST 2020 DV