Olympíublaðið - 01.08.1987, Blaðsíða 8

8
ÓLYMPÍUNEFND ÍSLANDS
099
Hreggviður Jónsson, aðalfararstjóri:
Aðeins rúmir 200 dagar til Vetrarleika
Nú styttist óðum í Vetrar-Ólympíuleikana í Calgary í Canada,
en leikarnir verða settir 13. febrúar 1988. Ekki er hægt að
segja til um nú hverjir eða hve margir skíðamenn munu
verða sendir til Calgary. Það er aftur á móti yóst, að margir
skíðamenn hafa æft um árabil með það markmið í huga að ná
árangri á slíku stórmóti. Árangur skíðafólksins er betri, en
fyrir nokkrum árum og markviss og langvarandi þjálfun er
smátt og smátt að koma í yós. Sú langtíma áætlun, sem
stjórn Skíðasambands íslands hefur markað og fyigt í þjálf-
unarmálum er forsenda þeirra framfara, sem nú eru að eiga
sér stað hjá skíðafólki. Nú nýlega hefur verið valið í lið bæði í
alpagreinum og skíðagöngu. Nýtt æfingatímabil hófst í maí
og er skíðafólkið nú á fullri ferð við æfingar. Fyrir liggur erf-
iðasta æfingaáætlun, sem sögur fara af hjá skíðafólki hér á
landi, sem er stjórnað af þjálfurum Skíðasambands íslands.
Gert er ráð fyrir fiölmörgum æfinga- og keppnisferðum
bæði hér heima og erlendis. Aðstaða til sumaræfinga fyrir
skíðafólkið er einhver sú bezta, sem gerist í Evrópu, hvað
varðar snjó og möguleika til að æfa á skíðum. Þessi mögu-
leiki er líka nýttur til hins ýtrasta, æft er í Kerlingafjöllum, á
ísafirði og á Langjökli, svo eitthvað sé nefnt. Þegar hausta fer
eru þessir góðu möguleikar úr sögunni og verður þá að fara
á hefðbundnar slóðir í Mið-Evrópu, þar sem öll landslið
heimsins eru við æfingar og síðan byrja fýrstu mótin í nó-
vember. Ferðalögin, sem fylgja þessum keppnisferðum eru
oft mjög mikil og í þriggja vikna ferð hefur komið fyrír, að
liðin hafa þurft að aka í bíl 7.000 km. Það er því ekki aðeins
erfiðar æfingar og keppnir, sem skíðafólkið á fýrir höndum
heldur kostnaðarsöm og þreytandi ferðalög vítt og breitt um
Mið-Evrópu og Skandinavíu. Þeir afreksmenn, sem hafa
skarað fram úr á síðasta ári eru Einar Ólafsson, skíðagöngu-
maður, Daníel Hilmarsson, alpagreinamaður og Guðrún H.
Kristjánsdóttir, alpagreinamaður. Öll hafa þau lagt mikið á
sig, eins og raunar margir aðrir skíðamenn okkar og til gam-
ans má geta þess að Einar Ólafsson mun á þessu tímabili æfa
850 tíma og þá ekki talið með upphitun og teygjur fyrir og
eftir æfingar og kappmót, sem hann tekur þátt í, né heldur
ferðir til og frá skíðalöndunum. Þetta sýnir bezt, að til að ná
árangri liggur þrotlaus vinna í mörg ár, en hjá Einari er þetta
áttunda árið, sem hann æfir eftir langtíma áætlun. Það
verður gaman að fylgjast með skíðafólki okkar í ár og næstu
árin, því þótt ekki fari allir til Calgary, þá má vænta fleiri afr-
eksmanna í framtíðinni, sem nú sigla í kjölfari þeirra
fremstu. Hvað sem öðru líður verða þeir, sem sendir verða til
Calgary betur þjálfaðir, en nokkru sinni áður og árangurinn
eftir því. Þá er að bíða og vona, að allt gangi upp á leikunum
og hver einstakur skíðamaður sýni sitt lang besta, en það er
slíkur dagur, sem allir bíða eftir. Klettafjallaskáldinu Stephan
G. Stephanssyni hefði vafalaust þótt vænt um að vita af skíð-
afólki okkar í heimabyggð sinni, sem er rétt við Calgary, ef
hann hefði verið enn á lífi. Og ekki er að efa, að hann hefði ort
til komumikið kvæði til þeirra. í Calgary er íslendingafélag
og eru félagar um 50, þótt fæstir þeirra tali íslenzku og
verður aðalaðstoðarmaður okkar á leikunum Cliff Marteins-
son, sem er af íslenzku bergi brotinn.
Það er víða stórbrotið landslag, þarsem Vetrar-Olympíuleikarnir fara fram.