Fréttablaðið - 22.10.2020, Side 14
Tómas
Guðbjartsson
hjartaskurð-
læknir og
náttúruunnandi
og Ólafur Már
Björnsson
augnlæknir og
ljósmyndari
Hverasvæðin vestur af Hrafntinnuskeri minna helst á gómsætt nammi og hrafntinnan í kring á lakkrísbita. MYNDIR/TG
Litrík líparítgil með snotrum hverum einkenna Reykjadali.
Sjóðheitir
hverir bræða
víða göt í snjó-
skafla og úr
verða abstrakt
listaverk.
Eitt mesta háhitasvæði landsins er staðsett milli Landmannalauga og Torfajökuls. Þar er það innan Friðlandsins að Fjallabaki og verður því varla virkjunum að bráð. Jarðhitinn er hvað mestur í kringum Hrafntinnusker, en það þekkja allir sem
farið hafa Laugaveginn. Vestur af Hrafntinnuskeri er
afskekkt en stórbrotið svæði sem áður var þekkt fyrir
myndarlega íshella, sem eru í dag varla svipur hjá
sjón. Skammt frá þeim er frábær útsýnisstaður, Jóns
varða, en hana hlóð Jón bóndi Hannesson, árið 1928.
Í kyrru veðri má þarna sjá gufustróka stíga út um allt
til himins, ekki síst þegar horft er til Reykjadala sem
bera nafn með rentu. Stærstur hveranna var löngum
Hvínandi en þar sem hann geispaði nýlega golunni
keppast aðrir hverir svæðisins um athyglina. Einnig
má víða sjá hveraaugu og soðpönnur með litfögrum
útfellingum sem minna á sælgæti, auk leirhvera sem
stöðugt malla grábláan graut. Eins og nafnið ber með
sér er hrafntinnu víða að finna við Hrafntinnusker.
Svartir molarnir minna á lakkrískurl sem glampar
á þegar sólin skín á þá. Þetta er biksvart gler sem
myndað er úr súrri líparítkviku sem ekki náði að
kristallast vegna hraðrar kólnunar. Hrafntinna hefur
löngum verið vinsæl í skartgripi en á fjórða og fimmta
áratug síðustu aldar komst einnig í tísku að nota hana
í klæðningu á opinberar byggingar, eins og Þjóðleik
húsið. Var hrafntinnan þá sótt í námur í Sléttahrauni
skammt frá Hrafntinnuskeri. Þetta voru sannkallaðir
þungaflutningar því blýþung hrafntinnan var framan
af flutt á hestum yfir svokallaða Pokahryggi og inn á
Landmannaleið, þar sem vörubílar biðu.
Hveraveisluna vestan Hrafntinnuskers má nálgast
úr ýmsum áttum, til dæmis frá Höskuldsskála austan
Skersins, eða akandi eftir jeppavegi sem liggur að
íshellunum vestan frá Dalakofa, eða norðan af Land
mannaleið yfir Pokahryggi. Efst á Pokahryggjaleið er
Litlhöfðaalda með frábæru útsýni yfir Hrafntinnu
sker og Reykjadali. Enn stórfenglegri er þó daglöng
ganga frá Hrafntinnuskeri að Jónsvörðu, þaðan ofan
í AusturReykjadali með fram Hrafntinnuhrauni og
áðurnefndu Sléttahrauni, og loks niður eftir
VesturReykjadal að Dalakofa. Litrík gil eru
þarna á hverju strái og ofan í þeim leynast
oftar en ekki snotur hverasvæði. Sann
kallaður konfektkassi, sem einnig er
gaman að kynnast á fjallahjóli.
Hverakonfekt
með lakkrískurli
2 2 . O K T Ó B E R 2 0 2 0 F I M M T U D A G U R14 F R É T T I R ∙ F R É T T A B L A Ð I Ð