Fréttablaðið - 30.10.2020, Blaðsíða 2

 Hamingjusamir hestar í haga
Þessir hestar sem staðsettir eru við Eyrarbakka fylgdu ekki tveggja metra reglunni heldur létu vel hvor að öðrum í fallegum haustlitunum. Hestar
eru sérlega félagslynd dýr og heilsast þeir gjarnan með því að lykta af nösum hvers annars. Þá eru þeir einnig gjarnir á að snyrta hvern annan,
hneggjast á og leika sér saman. Rannsóknir hafa sýnt að hestar velji sér vini og bindist þeim frekar en öðrum hestum úr hópi. FRÉTTABLAÐIÐ/ANTON
F Ö S T U DAG U R 3 0 . O K TÓ B E R 2 0 2 0
Katrín Jakobsdóttir forsætisráðherra segir að heimsmarkmið Sameinuðu þjóðanna hafi nýst vel í allri stefnuvinnu forsætisráðuneytisins. Markmiðin eru margþætt. FRÉTTABLAÐIÐ/STEFÁNLeiðarvísir að betra samfélagiHeimsmarkmið Sameinuðu þjóðanna um sjálfbæra þróun voru samþykkt af fulltrúum allra að-ildarríkja Sameinuðu þjóðanna í september árið 2015. Katrín Jakobsdóttir forsætisráðherra telur vinnuna við heimsmarkmiðin vera jákvæða og lærdómsríka þróun. Markmiðin eru sautján. ➛2
Heimsmarkmið Sameinuðu þjóðanna
KYNNINGARBLAÐ
SÉRBLAÐ
fylgir Fréttablaðinu í dag
UMFERÐ „Við höfðum áhyggjur í
upphafi og sú staða hefur ekkert
breyst,“ segir Hlynur Þór Agnars-
son, aðgengis- og upplýsingafulltrúi
Blindrafélagsins en umgengni not-
enda hlaupahjóla sem eru til leigu er
oft verulega ábótavant.
Hjólin liggja oft eins og hráviði á
göngustígum svo fólk sem er sjón-
skert á erfitt með að komast hjá.
Íbúaráð Miðborgar og Hlíða ósk-
aði í vikunni eftir að umhverfis- og
skipulagssvið borgarinnar útfæri
átak í samráði við hjólaleigur til
þess að fá hjólaleigjendur að ganga
vel frá hjólunum annars staðar en í
vegi fyrir öðrum vegfarendum.
„Nauðsynlegt er fyrir borgaryfir-
völd að bregðast við þessari þróun,
öllum vegfarendum til hagsbóta,“
segir í fundargerð ráðsins.
Hlynur segir að hjólin séu mikil
samgöngubúbót séu þau notuð
rétt og skilað eins og á að ganga frá
þeim. En þau eru ekkert sérstök fyrir
þá sem hafa skerta sjón, liggjandi á
göngustígum.
„Við sendum frá okkur tilkynn-
ingu seint í júní þar sem bent var á
að tillitssemi skiptir máli varðandi
þessi hjól,“ segir Hlynur. Treysta
þurfi fólki til að skilja rétt við
hjólin.
„Þetta er snilldarferðamáti og
býður upp á skemmtilega mögu-
leika en við höfum áhyggjur af því
við viljum ekki að fólk sé að hrasa
og detta. Hvað þá ef þessu er lagt
svo illa að það kemur einhver með
hvítan staf og reynir að fara fram
hjá og endar jafnvel út á götu.“
Hlynur segist ekki vita um nein
slys á fólki en þekki vel til vand-
ræða sem sjónskertir hafa orðið
fyrir vegna hjóla sem er illa lagt.
„Það eru vandræði um allt. En
auðvitað gætu hafa orðið slys án
þess að ég hafi heyrt um það, ég
ætla ekki að útiloka það. Það liggur í
augum uppi að það eiga ekki að vera
neinar hindranir í gangveginum.“
Um 1.100 hlaupahjól standa borg-
arbúum til leigu en fjögur fyrirtæki
berjast um hylli borgarbúa, Wind
Mobility er þar langstærst með um
600 hjól samkvæmt frétt Vísis í sept-
ember, Hopp er með 300 hjól, Zolo
um 200 og Kick telur nokkra tugi.
Zolo stefnir á að fjölga hjólunum í
borginni. Startgjaldið er alls staðar
100 krónur en mínútan kostar frá 28
krónum og upp í 32 krónur.
Hlynur bendir á að það sé auð-
velt að laga hlutina, það þurfi jú að
staðfesta hvar hjólið var lagt frá sér
þegar ferðalaginu er lokið. „Ef allir
leggja hjólunum út í kanti þá eru
held ég allir kátir.“
benediktboas@frettabladid.is
Yfirgefnu hlaupahjólin
sjónskertum til trafala
Blindrafélagið hefur áhyggjur af hvernig skilið er við hlaupahjól sem eru til
leigu um borgina. Hjólunum er oft skilað á miðri gangstétt sem skapar hættu
fyrir þá sem eru sjónskertir. Reglur borgarinnar til hjólaleiganna eru skýrar.
Þessum myndum var deilt á samfélagsmiðlum í sumar. MYNDIR/THEODÓR INGI
Skráðu þig á póstlistann
og fáðu Fréttablaðið
sent rafrænt í morgunsárið
Skráðu þig á frettabladid.is,
á Facebook síðu Fréttablaðsins
eða skannaðu QR kóðann
– Mest lesna dagblað landsins
REYKJAVÍK Borgarfulltrúar Sjálf-
stæðisflokksins krefja stjórn Sorpu
um svör um útflutning á plasti til
brennslu erlendis. Líkt og greint var
frá í umfjöllun Stundarinnar nýver-
ið er stór hluti plasts sendur erlendis
til svokallaðar endurnýtingar.
Fyrirspurnin kemur í kjölfar
bókana í borgarráði í gær. Þar gerðu
Sjálfstæðismenn athugasemd við að
ekki væri fjallað um endurvinnslu
plasts á síðasta stjórnarfundi Sorpu.
Benti meirihlutinn á að fundurinn
hafi átt sér stað tveimur vikum áður
en umfjöllunin birtist.
„Nú er stjórn Sorpu fjölhæf og fá
málefni henni óviðkomandi en ekki
býr hún svo vel að eiga tímavél til að
ferðast í framtíðina til að geta sett
efnisumfjallanir einstakra fjölmiðla
á dagskrá fundar áður en þær birtast
í þessum sömu fjölmiðlum,“ segir í
bókun meirihlutans.
Sjálfstæðismenn sögðu á móti
að almenningur greiði gjald vegna
plasts í endurvinnslu sem mis-
brestur sé á.
Þá hafi samkvæmt umfjöllun
Stundarinnar Sorpa ekki aðeins
verið upplýst um væntanlega
umfjöllun, heldur verið að svara
fyrirspurnum vegna málsins. Því
hefði verið eðlilegt fyrir stjórnina að
ræða málið. Af svörunum að dæma
hafi stjórnin ekki verið upplýst um
verklagið.
Meirihlutinn hafnar því að stjórn-
in sé ekki upplýst um það. „Stjórn
Sorpu er vel kunnugt um útflutning
plasts til orkuendurvinnslu.“ Aðeins
30 prósent af því plasti sem kemur til
endurvinnslustöðvanna og helming
þess sem komi úr plastsöfnun við
heimilin sé hægt að endurvinna. – ab
Upplýsi um
plastbrennslu
Eyþór Arnalds, oddviti Sjálfstæðis-
manna. FRÉTTABLAÐIÐ/ANTON BRINK
COVID-19 Þórólfur Guðnason sótt-
varnalæknir skilaði seinnipartinn
í gær inn minnisblaði sínu varð-
andi hertar aðgerðir vegna kóróna-
veirufaraldursins til heilbrigðis-
ráðuneytisins.
Stefnt er að því að heilbrigðisráð-
herra leggi tillögurnar fram á fundi
ríkisstjórnarinnar í dag.
Í gær voru 1.005 manns í einangr-
un með virkt COVID-19 smit hér á
landi. 62 lágu á sjúkrahúsi vegna
sjúkdómsins og tveir voru á gjör-
gæsludeild. Sólarhringinn á undan
greindust 42 með innanlandssmit
og 21 greindist á landamærunum,
tólf þeirra voru með virkt smit.
1.730 einstaklingar voru í sóttkví.
Á upplýsingafundi almanna-
varna í gær sagði Þórólfur að hann
myndi leggja til hertar aðgerðir en
vildi ekki greina frekar frá tillögum
sínum.
Þá sagði Þórólfur að verði aðgerð-
ir hertar myndu þær líklega þurfa
að vera í gildi í tvær til þrjár vikur.
Nú er í gildi tuttugu manna sam-
komubann. – bdj
Munu innleiða
hertar aðgerðir
Úr verklagsreglum
borgarinnar
n Fylgja verður lögum og
reglum þegar skilið er við
hjól, t.d. að það má ekki valda
hættu eða óþarfa óþægind-
um fyrir aðra umferð.
n Ef ekki er brugðist við ábend-
ingum þegar þær berast eða
ef borgin telur brýna þörf,
áskilur Reykjavíkurborg sér
rétt að fjarlægja hjól og færa
í geymslu á kostnað þjón-
ustuaðila.
3 0 . O K T Ó B E R 2 0 2 0 F Ö S T U D A G U R2 F R É T T I R ∙ F R É T T A B L A Ð I Ð