Fréttablaðið - 30.10.2020, Síða 30
Ungmennaráðið
gefur okkur yngri
kynslóðinni rödd, rödd
fyrir breytingu, rödd
fyrir skoðanir og rödd
fyrir framtíðina.
Sandra Guðrún
Guðmundsdóttir
sandragudrun@frettabladid.is
Núverandi ráð hóf störf nú í september en það er skipað til eins árs í senn og starfs-
tíminn fylgir skólaárinu. Öllum
börnum á Íslandi er boðið að sækja
um aðild í ráðinu og er sérstök
valnefnd skipuð til að raða saman
fjölbreyttu ráði. Sú valnefnd
er að sjálfsögðu einnig skipuð
ungmennum. Ungmennaráðið
heyrir undir forsætisráðuneytið
og vinnur einnig í nánu samstarfi
við önnur ráðuneyti í gegnum
verkefnastjórn heimsmarkmið-
anna þar sem ráðið á áheyrnar-
fulltrúa og tekur þátt í fundum
þegar þannig liggur við. Í lok hvers
starfsárs á ungmennaráðið fund
með ríkisstjórninni þar sem lagðar
eru fram helstu tillögur ársins en
auk þess getur ráðið ávallt sent
ráðherrum erindi eða óskað eftir
fundum ef tilefni er til. Ung-
mennaráðið er með starfsmann á
skrifstofu Umboðsmanns barna
á Íslandi, en stýrir vinnu sinni þó
sjálft, ákveður sín eigin verkefni og
fylgir þeim málefnum sem þeim
þykir mikilvægust.
Fréttablaðið ræddi við fjóra
meðlimi Ungmennaráðsins til að
heyra meira um starf ráðsins og
hvað hafi orðið til þess að þau sótt-
ust eftir því að taka þátt í því.
Ingibjörg Elka er 13 ára og býr
í Grímsnes- og Grafningshrepp á
Suðurlandi. Hún er fædd í Dan-
mörku og hefur einnig búið í
Frakklandi og Senegal. Hún hefur
því mikla þekkingu á mismunandi
menningarheimum og hefur
ferðast mikið. Finnur Ricart er 18
ára. Hann er búsettur í Hollandi
eins og er, þar sem hann stundar
nám í sjálf bærnivísindum við
Utrecht-háskóla. Maria Sjöfn er 14
ára og úr Kópavoginum en pabbi
hennar er bandarískur svo hún á
ættir þangað. Hún hefur mikinn
áhuga á söng- og leiklist og sat
í nemendaráði skólans síns og
félagsmiðstöðvaráði. Urður er 17
ára frá Suðurnesjunum. Hún er
alltaf með nóg fyrir stafni og hefur
til að mynda verið iðin í körfubolta
og leiklist á undanförnum árum.
Hvert er hlutverk ungmenna
ráðsins?
Maria: Ungmennaráðið gefur
okkur yngri kynslóðinni rödd,
rödd fyrir breytingu, rödd fyrir
skoðanir og rödd fyrir framtíðina.
Þetta er mikilvægt vegna þess að
við sem yngri kynslóð erum fram-
tíðin ekki bara þjóðarinnar heldur
heimsins, og við viljum fá tækifæri
til þess að geta tjáð okkur.
Hvers vegna hafið þið áhuga á
heimsmarkmiðunum?
Ingibjörg: Það er ennþá fátækt
og mikil mismunun á Íslandi og
það þarf að útrýma því. Bara það
að sumir búi við það að vita ekki
hvort þeir eigi nægan pening til að
geta borðað út mánuðinn eða fái
ekki vinnu við það sem þau hafa
menntað sig í af því að þau eru
ekki íslensk er ósanngjarnt. Ég tel
að góð innleiðing heimsmarkmið-
anna hjálpi til við að útrýma því.
Mér finnst æðislegt að við ung-
mennin fáum að hafa skoðanir og
hjálpa til við að finna lausnir.
Finnur: Ég er alltaf að leita að
tækifærum þar sem ég get unnið
að sjálf bærri þróun og þar sem ég
get komið hugmyndum mínum á
framfæri. Ég sótti um að taka þátt
í ungmennaráðinu þar sem mér
fannst þetta vera einstakt tækifæri
til að gera einmitt það. Í ráðinu
get ég átt ríkar umræður um mál
Þau taka þátt í að skapa framtíðina
Ungmennaráð heimsmarkmiða Sameinuðu þjóðanna er skipað 12 börnum á aldrinum 13 til 18
ára. Í ráðinu sitja krakkar hvaðanæva af landinu sem vilja leggja sitt af mörkum til málefnisins.
Krakkarnir í ungmennaráðinu hittast reglulega á netfundum og ræða málin. Þau hafa gert kannanir sín á milli og má sjá niðurstöður þeirra hér að neðan.
tengd sjálf bærni með öðrum
krökkum sem hafa einnig áhuga á
því að stuðla að betra samfélagi.
Maria: Ég byrjaði að hafa áhuga
á pólitík fyrir nokkrum árum
þegar ég lærði um ástandið í heim-
inum. Það er svo margt sem mér
finnst ekki í lagi og vil hjálpa til við
að breyta, til dæmis hlýnun jarðar
eða fordómar gegn minnihluta-
hópum. Þegar ég sá auglýsinguna
fyrir ungmennaráð heimsmark-
miða Sameinuðu þjóðanna vissi ég
að þar gætu skoðanir mínar fengið
rödd og þannig gæti ég hjálpað til
við að breyta heiminum.
Hvers vegna er mikilvægt að
raddir ungs fólks fái að heyrast ?
María: Við unga fólkið erum þau
sem munu þurfa að þrífa upp eftir
fyrri kynslóðir, allt frá rasisma til
hlýnunar jarðar, þá er það undir
okkur komið að laga til, þess vegna
verðum við að eiga rödd og taka
þátt í ákvörðunum.
Urður: Þetta varðar allt fram-
tíðina og það er mikilvægt að við
getum fengið að taka þátt í að
skapa hana.
Ingibjörg: Því að það er líka
svo mikilvægt að sjá hvernig allir
upplifa lífið í dag, líka ungmenni.
Kannski sjáum við einhver vanda-
mál sem fullorðna fólkið tekur
ekki eftir. Við getum komið með
hugmyndir og lausnir sem full-
orðna fólkinu myndi kannski ekki
detta í hug.
Hvernig geta börn og unglingar á
ykkar aldri tekið þátt í að uppfylla
heimsmarkmiðin, þó þau sitji ekki
í Ungmennaráði heimsmarkmið
anna?
Urður: Fyrst og fremst með að
kynna sér markmiðin og vita hvað
þau fjalla um. Þá getum við öll
unnið saman að því að ná þeim.
Ingibjörg: Einmitt, til dæmis
með því að segja fjölskyldu og
vinum frá þeim til þess að allir
geti lagt sitt af mörkum til þess að
markmiðin náist. Ef við hjálpumst
öll að trúi ég því að þau náist.
Finnur: Við höfum meiri völd
en við gerum okkur grein fyrir og
þurfum að nýta það. Við þurfum
að sýna fram á að það sé hægt að
stunda sjálf bæran lífstíl og að það
sé gagnlegt bæði nú og í fram-
tíðinni. Það þarf ekki mikið meira
en að eiga samræður um heims-
markmiðin við foreldra okkar,
við frændfólk, kennara, og aðra í
kringum okkur til að koma okkar
hugmyndum á framfæri og þrýsta
á að meira verði gert til að vinna
að þeim.
Er eitthvað heimsmarkmið sem
þér finnst sérstaklega mikilvægt?
Ingibjörg: Markmið 17, sam-
vinna um markmiðin, finnst mér
rosalega mikilvægt því eina leiðin
til að ná markmiðunum er með
samvinnu.
Finnur: Heimsmarkmið 13 um
loftslagsaðgerðir er mér sérstak-
lega mikilvægt þar sem það tengist
svo mörgum öðrum markmiðum.
Það er skylda okkar sem þróaðs
ríkis að vinna að markmiði 13
af öllum kröftum, og með því
vinnum við líka að markmiðum 1,
2, 3, 6, 7, 10, 11, 14, 15, 16, og 17.
Urður: Ég er sammála því,
heimsmarkmið 13 um aðgerðir
í loftslagsmálum er sérstaklega
mikilvægt núna.
12 KYNNINGARBLAÐ 3 0 . O K TÓ B E R 2 0 2 0 F Ö S T U DAG U RHEIMSMARKMIÐ SAMEINUÐU ÞJÓÐANNA