Fréttablaðið - 30.10.2020, Blaðsíða 42
COVID-19 Þórólfur Guðnason sótt-
varnarlæknir boðaði hertar aðgerð-
ir í sóttvörnum á upplýsingafundi
almannavarna sem haldnn var í
gær.
Þá kvaðst hann vera með minnis-
blað um aðgerðirnr í smíðum sem
hann muni leggja fyrir heilbrigðis-
ráðherra í dag.
Þar muni hann leggja til að
aðgerðum verði hrint í framkvæmd
eins f ljótt og kostur er. Sóttvarna-
læknir segir að í tillögum hans verð
undanþágum fækkað og aðgerð-
irnar þær sömu um allt land.
Knattspyrnusamband Íslands,
KSÍ, hefur sent heilbrigðisyfirvöld-
um beiðni um undanþágu frá gild-
andi sóttvarnareglum til þess að
lið geti æft og keppt með eðlilegum
hætti í næstu viku.
KSÍ stefnir að því að klára móta-
hald sitt fyrir 1. desember næst-
komandi en sú forsenda var sett
fyrir því að keppni hæfist á nýjan
leik að æfingar yrðu leyfðar hjá
liðum á öllu landinu af fullum krafti
eftir helgi.
Fyrrgreind orð Þórólfs vekja ekki
von í brjósti um að liðum verði
heimilað að æfa eða keppta hérlend-
is næstu vikurnar eða að mótahald
fari af stað á komandi vikum. – hó
KSÍ stefnir á að
klára mótahald
fyrir 1. desember en það er
háð því að takmörkunum
verði aflétt.
FÓTBOLTI Victor Font, sem þykir
líklegastur til þess að bera sigur
úr býtum í komandi forsetakosn-
ingum hjá spænska knattspyrnu-
félaginu Barcelona, segir í viðtali
við Skysports að hann hafi hug á því
að fá Pep Guardiola aftur til félags-
ins. Þá telur hann engan vafa á því
að Lionel Messi muni framlengja
samning sinn við Katalóníufélagið.
Josep Maria Bartomeu sagði af sér
sem forseti Barcelona fyrr í vikunni
en hann hefur verið harðlega gagn-
rýndur fyrir störf sín. Bartomeu
var í allt sumar í stappi við stærstu
stjörnu liðsins, Lionel Messi, sem
hefur gagnrýnt fráfarandi forseta.
Þá hafa f leiri núverandi og fyrr-
verandi leikmenn liðsins gagnrýnt
stjórnarhætti Bartomeu.
„Það verður verkefni komandi
forseta að fylla skarð einnar bestu
kynslóðar sem heimsknattspyrnan
hefur alið af sér og hefur myndað
hryggjarstykkið hjá liðinu síðasta
áratuginn rúman. Það er mikil
áskorun,“ segir Font sem kveðst
hafa skýra stefnu varðandi hvernig
best er að gera það en hann telur
þörf á að hefja La Masia, akademíu
Barcelona, aftur til vegs og virð-
ingar.
„Það eru mörg sterk félög með
öfluga eigendur og af þeim sökum
verður erfiðara að koma okkur
aftur á þann stall sem við vorum á.
Að mínu mati þarf að fara í endur-
nýjun á leikvanginum okkar, Nou
Camp. Það er vissulega erfitt að
fá fjármagn í þær framkvæmdir
vegna kórónaveirufaraldursins,“
segir frambjóðandinn enn fremur.
„Við þurfum skýran vegvísi um
það hvernig við ætlum að starfa
en félagið er svo lánsamt að búa að
þeirra hugmyndafræði sem Johan
Cruyff skildi eftir sig. Þeir sem
þekkja þann leikstíl sem Barcelona
aðhyllist best eru einstaklingar á
borð við Pep Guardiola, Xavi, Andr-
és Iniesta og Carles Puyol,“ segir
Font um framtíðarsýn sína.
„Fyrrgreindir einstaklingar eru
goðsagnir sem elska Barcelona en
eru að starfa annars staðar þessa
stundina. Við verðum að fá þá aftur
til félagsins. Ef við fáum þá aftur til
okkar og leggjum fram trúverðuga
áætlun um að vera með lið sem
getur unnið Meistaradeild Evrópu
er ég viss um Lionel Messi verður
áfram í herbúðum Barcelona,“ segir
hann um framhaldið.
Síðasta verk Bartomeu sem for-
seti Barcelona var að lýsa því yfir að
Barcelona hefði samþykkt að taka
þátt í Ofurdeild Evrópu sem stærstu
félög Evrópu hafa í pípunum að
setja á laggirnar á næstunni.
„Mér fannst einkennilegt að lýsa
því yfir að Barcelona muni taka
þátt í keppni sem ekki liggur fyrir
að verði sett á stofn eða hvernig
muni líta út ef að því verður. Að
mínu mati ætti að styrkja Meistara-
deildina og gera hana meira aðlað-
andi fyrir stóru félögin frekar en að
búa til nýja keppni,“ segir þessi 47
ára forstjóri upplýsingatæknifyrir-
tækisins Delta Partners. – hó
Vill sameina Pep Guardiola og Lionel Messi aftur hjá Barcelona
Þeir sem þekkja
þann leikstíl sem
Barcelona aðhyllist best eru
einstaklingar á borð við Pep
Guardiola, Andrés Iniesta
og Carles Puyol. Við verðum
að fá þá aftur til félagsins.
Victor Font
forsetaframbjóðandi hjá Barcelona
Þórólfur leggur
til fækkun á
undanþágum
ENSKI BOLTINN Sean Dyche, knatt-
spyrnustjóri Burnley, segir að
Jóhann Berg Guðmndsson sé að
glíma við smávægileg meiðsli í
kálfa.
Þau meiðsli gætu orðið til þess
að Jóhann Berg verði fjarri góðu
gamni þegar Burnley mætir Chel-
sea í ensku úrvalsdeildinni í knatt-
spyrnu karla á Turf Moor á morgun.
Þessi þrítugi kantmaður hefur
spilað þrjá deildarleiki fyrir Burn-
ley á yfirstandandi keppnistímabili,
tvo frá upphafi og einu sinni hefur
hann komið inná sem varamaður.
Hann spilaði lungann úr leiknum
þegar Burnley laut í lægra haldi
fyrir Tottenham Hotspur í síðustu
umferð deildarinnar. Burnley hefur
farið rólega að stað í stigasöfnun
sinni í vetur en liðið hefur eitt stig
eftir fyrstu fimm leiki sína. – hó
Kálfinn enn að
stríða Jóhanni GOLF „Þetta er mjög spennandi, ég hef ekki komið þangað áður en er
bara þakklát fyrir að fá mót á þess-
um tímapunkti. Ég held að þetta sé
bara í annað sinn sem alþjóðlegt
kvennamót í íþróttum fer fram
í Sádi-Arabíu,“ segir Guðrún Brá
Björgvinsdóttir, atvinnukylfingur
úr GK og Íslandsmeistari síðustu
þriggja ára, spurð út í næstu tvö
mót á dagskránni hjá henni. Hún er
á leiðinni til Jeddah í Sádi-Arabíu á
næstu dögum þar sem hún mun taka
þátt í fyrsta alþjóðlega kvennagolf-
mótinu sem haldið hefur verið í
landinu. Mótið er hluti af Evrópu-
mótaröðinni, næst sterkustu móta-
röð heims.
„Ég held að það séu flestar bara
mjög spenntar að spila. Þegar það
eru engin mót erum við eiginlega
atvinnulausar svo að þetta er kær-
komin viðbót við mótaskránna í
lok árs.“
Guðrún tekur þátt í tveimur
mótum. Fyrsta er einstaklingsmót
en seinna mótið er liðakeppni með
nýstárlegu sniði.
„Seinna mótið er mjög skemmti-
lega sett upp með þremur áhuga-
kylfingum og einum áhugamanni.
Það er fyrirliði sem velur með-
spilara, ekkert ósvipað því sem
þekkist í nýliðavali í bandarískum
íþróttum. Svo er einum spilara af
handahófi bætt við liðið og fjórði
aðilinn er áhugakylfingur frá Sádi-
Arabíu.“
Guðrún Brá er að ljúka fyrsta ári
sínu á mótaröðinni og hefur því
kynnst tímunum tvennum vegna
áhrifa kórónaveirufaraldursins.
„Það má svo sannarlega segja að
þetta hafi verið rússíbani,“ segir
Guðrún, aðspurð út í eftirminni-
legt f yrsta ár á mótaröðinni.
„Maður er búin að þurfa að vera
á tánum allt tímabilið og vera
stöðugt tilbúinn en síðan hefur
lítið ræst úr því. Það var ótrúlega
skrýtið að spila á þessum mótum
sem ég tók þátt í þetta sumarið
vegna allra þeirra reglna sem þurfti
að fara eftir.“
Mótaröðin ákvað fyrr á árinu
að allir leikmenn mótaraðarinnar
myndu halda keppnisrétti sínum
á næsta ári. Það þurfti því ekki að
hafa áhyggjur af því að kórónaveiru-
faraldurinn myndi kosta kylfinga
þátttökuréttinn.
„Það er búið að tilkynna að það
verða engin úrtökumót í ár og allir
halda sömu stöðu og í byrjun á
þessu ári. Það var gott að vita af því
í vor og það létti svolítið á manni og
setti marga kylfinga í betri stöðu.
Það voru margir sem gátu ekki eða
vildu ekki ferðast á mót á þessum
tímum og það væri mjög ósann-
gjarnt ef það ætti að koma niður
á þeim,“ segir Guðrún sem fer því
pressulaus inn í mót sem er með
ríkulegt verðlaunafé.
„Það er í raun engin pressa að
komast upp stigalistann en ég er
líka að horfa í átt að heimslistanum,
að komast ofar þar,“ segir Guðrún
sem er á Ólympíulista ÍSÍ yfir þá
einstaklinga sem eru að reyna að
komast að á Ólympíuleikunum
í Tókýó. „Það er auðvitað einn
draumur sem er í boði að komast á
Ólympíuleikana. Maður verður að
nýta hvert tækifæri til að spila og
vonast til að komast ofar á listan-
um.“
Æfingasvæðum á íslenskum golf-
völlum var lokað í haust og hefur
Guðrún því þurft að vera frumleg í
æfingum til að viðhalda taktinum
fyrir mótin í Sádi-Arabíu.
„Þetta hefur verið fjölbreytilegt.
Ég er með aðstöðu heima til að æfa
það helsta en það nær bara upp að
vissu marki. Á þessum tímum þarf
maður að nota ímyndunaraflið og
gera annað en bara að slá. Ég er búin
að skoða völlinn á netinu og styrkt-
aræfingar.“
Brýtur blað í Sádi-Arabíu
Guðrún Brá Björgvinsdóttir tekur þátt í fyrsta alþjóðlega kvennagolfmótinu sem haldið verður í Sádi-
Arabíu í nóvember. Tvö mót fara fram í Jeddah og segir Guðrún þau kærkomna viðbót við mótaskrána.
Guðrún Brá
slær úr sand
gryfju í móti
á vegum
Evrópumóta
raðarinnar
fyrr á þessu
ári. MYND/
TRISTAN JONES
3 0 . O K T Ó B E R 2 0 2 0 F Ö S T U D A G U R18 S P O R T ∙ F R É T T A B L A Ð I Ð
SPORT