Fréttablaðið - 30.10.2020, Side 6
LÖGREGLUMÁL Talsvert hefur borið
undanfarið á stuldi á hvarfakútum
sem eru undir bílum til mengunar-
varna.
Um síðustu helgi benti íbúi á
Kjalarnesi á hræ af fjölmörgum
hvarfakútum sem lágu í fjörunni
neðan við Arnarholt. Kútarnir og
fleiri aðskotahlutir voru fjarlægðir
á sunnudag af Hrafni Jökulssyni
og félögum hans í samtökunum
Veraldarvinum. Hrafn segir að
Björgvin Kristbergsson, starfs-
maður Reykjavíkurborgar, hafi
bent honum á málið.
„Björgvin sagði mér að gera þetta
og ég hlýddi. Síðan fór ég og hlust-
aði á Kjalnesinga,“ segir Hrafn sem
kveður Veraldarvini síðan hafa gert
listaverk úr hvarfakútunum.
Í umræðum um málið í Facebook-
hópi Kjalnesinga sagði Skúli Rúnar
Reynisson hjá partasölunni Partout
í Ásbrú í Reykjanesbæ að honum
sýndust þarna komnar leifar af
verðmætum sem stolið hefði verið
af honum. Partout sérhæfir sig í
BMW-bílum.
„Það var tekið undan tólf bílum
í portinu hjá mér,“ segir Skúli við
Fréttablaðið. Verið sé að skoða upp-
tökur úr eftirlitsmyndavélum. „Ég
er búinn að sjá undarlegar manna-
ferðir í tvo daga sem verið er að
rannsaka.“
Tjón sitt segir Skúli vera nærri
tvö hundruð þúsundum króna.
Öllu stærra tjón hafi orðið hjá
bílaleigunni Icecar 4x4 sem sé þar
skammt frá. Þar hafi verið teknir
hvarfakútar undan um 30 bílum.
Þar þurfi að setja nýja kúta undir
með tilheyrandi kostnaði.
Það sem þjófarnir sækjast eftir
eru ýmsir góðmálmar sem eru inni í
hvarfakútunum og hægt er að koma
í verð erlendis. Eru það málmar á
borð við platínu, palladín og ródín.
Miklum verðmætum var stolið
frá fyrirtækinu e.e.export ehf.
skömmu áður en þjófar gerðu
óskundann á Ásbrú. „Það náðust
á mynd þrír menn að skera upp
hliðina á f lutningabíl hérna hjá
mér,“ segir Einar Ólafsson, eigandi
e.e.export.
Að sögn Einars reyndu þjófarnir
fyrst að opna flutningabílinn með
því að skera á glussaslöngu í þeirri
von að afturhlerinn myndi opnast.
„Það gekk ekki og þeir ristu þá bara
gönguleið inn í bílinn með slípi-
rokki,“ segir hann.
Um 140 hvarfakútar af ýmsum
gerðum voru í f lutningabílnum að
sögn Einars, sem kveður þjófana
hafa komið þeim fyrir í þúsund lítra
plastkari sem þeir hafi síðan dregið í
hvarf við endimörk lóðarinnar.
Einar sérhæfir sig meðal annars í
að flytja hvarfakúta til útlanda þar
sem unnir eru úr þeim góðmálmar
sem hann kemur síðan í verð á
markaði.
Aðspurður kveðst Einar meta
beint tjón sitt upp á minnst 2,5 millj-
ónir króna. Annars vegar hafi við-
gerðin á bílnum kostað eina milljón
og hins vegar hafi hann greitt um 1,5
milljónir fyrir hvarfakútana. Fyrir
utan beint tjón verður Einar af hagn-
aði af sölu góðmálmanna ytra.
„Ég tilkynnti þetta náttúrlega
strax til lögreglu en veit ekki hvort
þeim getur orðið eitthvað ágengt.
Það er ekki hægt að greina hverjir
eru á myndunum því það var mjög
dimmt þegar þjófarnir létu til skarar
skríða klukkan ellefu á laugardags-
kvöldi,“ segir Einar.
Hjá lögreglunni fást þær uplýs-
ingar að umrædd mál séu óupplýst.
Sama gildi um sambærileg mál frá
því vor. gar@frettabladid.is
Fjöldi horfinna hvarfakúta
fannst í sandfjöru á Kjalarnesi
Þjófar hafa að undanförnu skorið hvarfakúta undan tugum bíla og stálu 140 kútum í einu lagi með því
að skera gat á flutningabíl í eigu útflytjanda. Sóst er eftir verðmætum góðmálmum. Fjöldi kúta fannst
um liðna helgi sundurskorinn í fjöru á Kjalarnesi. Veraldarvinir tíndu þá upp og breyttu í listaverk.
Listaverk Veraldarvina úr hvarfakútunum af Kjalarnesi. MYND/VERALDARVINIR
Hvarfakútum sem búið var að hirða góðmálma úr var sturtað ofan í fjöru neðan við Arnarholt á Kjalarnesi, íbúum þar til hrellingar. MYND/VERALDARVINIR
AKUREYRI Skipulagsráð Akureyrar
gerir ekki athugasemd við fyrir-
hugaða gróðursetningu TDK Foil
Iceland ehf. á trjám og runnum á lóð
fyrirtækisins í Krossanesi.
Fyrirtækið sótti um leyfi til ráðs-
ins vegna trjágróðursins en það
ætlar að planta trjám og runnum
fyrir ofan aflþynnuverksmiðjuna
á töluvert stóru svæði. Fyrirtækið
fær þó ekki að ráða hvaða trjám og
runnum verður plantað því ráðið vill
að samráð verði haft um um plöntu-
tegundir og nákvæmari afmörkun
svæðisins. – bb
Vilja samráð
um tré og runna
Spurning hvort silfurreynir fái að
standa á lóð TDK Foil Iceland.
FRÉTTABLAÐIÐ/ANTON BRINK
REYK JAVÍK Nú er unnið að gerð
sjóvarnargarðs við Eiðsgranda í
Vesturbænum í Reykjavík. Garður
sem nú er tættist í sundur í miklu
óveðri 19. september síðastliðinn.
Litlu mátti muna að slys yrðu á fólki
þegar grjóthnullungar þeyttust út
á göngustíginn vegna sjógangs og
grasþökur rifnuðu upp.
Stór haugur af grjóti er nú
við Ánanaust og hefur spunnist
umræða um hann og hvort hinn
nýi garður verði allur svo hár. Hefur
fólk haft áhyggjur af því að missa
útsýnið yfir Faxaf lóa. Jón Hall-
dór Jónasson, upplýsingafulltrúi
hjá Reykjavíkurborg, segir að það
sé alls ekki svo. Þetta sé einungis
vinnusvæði og geymsla fyrir efni
sem til standi að f lytja vestur eftir
garðinum. Garðurinn verður ekki
hækkaður, nema að mjög litlu leyti,
heldur breikkaður fjóra til átta
metra í átt að sjónum.
„Þetta er gert til þess að brjóta
ölduna fjær gangstígnum,“ segir
Jón Halldór. „Við erum mjög glöð að
verkið sé komið á þetta stig.“ Segir
hann hjólastíg notaðan til bráða-
birgða, bæði fyrir hjólreiðafólk
og gangandi vegfarendur meðan
á verkinu stendur. Í fyrsta hluta
verksins, sem á að ljúka um áramót
verður garðurinn endurbættur frá
Ánanaustum út að dælustöðinni. Á
næsta ári verður garðurinn bættur
til austurs í átt að Granda og gamli
göngustígurinn endurgerður í kjöl-
farið. – khg
Sjóvarnargarðurinn við Eiðsgranda mun ekki byrgja fólki sýn
Efnið verður flutt til, til að breikka
garðinn. FRÉTTABLAÐIÐ/ANTON BRINK
Þetta er gert til þess
að brjóta ölduna
fjær gangstígnum.
Jón Halldór Jónasson, upplýsinga-
fulltrúi hjá Reykjavíkurborg
FÉLAGSMÁL Börn innflytjenda eru
mun ólíklegri til þess að stunda
íþróttir en börn sem hafa íslensku
að móðurmáli.
Þetta kemur fram í skýrslu sem
Rannsóknir og greining gerði fyrir
Ungmennafélag Íslands og Íþrótta-
samband Íslands. Kannaðir voru
ýmsir þættir tengdir íþróttaiðkun
hjá grunnskólanemum í 8. til 10.
bekk grunnskóla.
Samkvæmt skýrslunni æfa 58
prósent barna sem tala aðeins
annað tungumál en íslensku á sínu
heimili nánast aldrei íþróttir. Hlut-
fallið er 36 prósent hjá þeim sem
tala aðeins íslensku og 47 prósent
hjá þeim sem tala íslensku og annað
tungumál.
46 prósent barna sem hafa
íslensku að móðurmáli æfa íþróttir
fjórum sinnum eða oftar í viku, en
aðeins 23 prósent þeirra sem tala
ekki íslensku á heimili sínu.
Brottfall barna úr íþróttum var
kannað, og þættir sem stuðluðu að
því að þau hættu. Tæpur þriðjungur
nefndi kostnað sem stóran áhrifa-
þátt þess að hafa hætt.
Flestir, um 80 prósent, nefndu að
þeim hefði fundist íþróttin leiðinleg
eða fengið meiri áhuga á öðru. Milli
30 og 40 prósent nefndu þætti eins
og tímaleysi, samgöngur, of harða
samkeppni, of erfiðar æfingar og að
vinir þeirra hefðu hætt að æfa. – khg
Síður í íþróttum
ef foreldrar eru
innflytjendur
Frá Unglingalandsmóti á Akureyri.
FRÉTTABLAÐIÐ/VALLI
Það gekk ekki og
þeir ristu þá bara
gönguleið inn í bílinn með
slípirokki.
Einar Ólafsson í e.e.export
3 0 . O K T Ó B E R 2 0 2 0 F Ö S T U D A G U R6 F R É T T I R ∙ F R É T T A B L A Ð I Ð