Fréttablaðið - 30.10.2020, Blaðsíða 28
ÁTVR hefur frá upphafi unnið markvisst að því að innleiða heimsmarkmið Sameinuðu
þjóðanna um sjálfbærni í ferla
fyrirtækisins, en sex markmiðanna
falla sérstaklega vel að áherslum
ÁTVR. Þau eru Heilsa og vellíðan
(3), Jafnrétti kynjanna (5), Góð
atvinna og hagvöxtur (8), Ábyrg
neysla og framleiðsla (12), Aðgerðir
í loftlagsmálum (13) og Samvinna
um markmiðin (17),“ upplýsir Sig-
rún Ósk Sigurðardóttir, aðstoðar-
forstjóri ÁTVR.
Markmiðið Heilsa og vel-
líðan birtist meðal annars í því að
stöðugt er unnið að því að vinnu-
staðurinn sé heilsueflandi. Öryggi
og heilsa starfsfólks eru ávallt for-
gangsverkefni.
„Við framfylgjum stefnu stjórn-
valda um bætta lýðheilsu og
samfélagslega ábyrgð í áfengis- og
tóbaksmálum, í sátt við samfélagið.
Hornsteinninn í samfélagsábyrgð
ÁTVR er ábyrg sala áfengis sem
endurspeglast meðal annars í því
að engar söluhvetjandi aðgerðir
eru í starfseminni, heldur er
megináherslan á góða og ábyrga
þjónustu. Önnur mikilvæg áhersla í
samfélagsábyrgð er skilríkjaeftirlit
til að tryggja að allir viðskipta-
vinir hafi náð áfengiskaupaaldri,“
útskýrir Sigrún Ósk.
Með 5. heimsmarkmiði SÞ, Jafn-
rétti kynjanna, njóti allt starfsfólk
sömu virðingar og hafi jafna stöðu
innan fyrirtækisins. Jafnlauna-
vottun er viðhaldið og unnið er
eftir jafnréttisáætlun fyrirtækisins.
„Áttunda heimsmarkmiðið er
Góð atvinna og hagvöxtur. Þar
leitumst við eftir að vinnustaður-
inn sé eftirsóknarverður þar sem
samskipti einkennast af lipurð,
þekkingu og ábyrgð. Við leggjum
áherslu á að starfsfólk geti vaxið í
starfi og aflað sér þekkingar sem
stuðlar að starfsánægju og framúr-
skarandi þjónustu. Stefnt er að því
að söluvörur Vínbúðanna séu fram-
leiddar samkvæmt alþjóðlegum
samþykktum og siðareglum og við
aðstæður sem eru góðar, bæði fyrir
starfsfólk og umhverfið.“
Góð norræn samvinna
Með því að framfylgja 12. heims-
markmiði SÞ, Ábyrgri neyslu og
framleiðslu, beinir ÁTVR sjónum
sínum að vöruumbúðum. Á vef
Vínbúðanna má meðal annars sjá
útreikning á áætluðu kolefnisfót-
spori allra áfengisumbúða. Lögð er
áhersla á sjálfbært efnisval og end-
urvinnslu í Vínbúðunum. ÁTVR
hefur sett sér stefnu í umhverfis-
málum þar sem markvisst er unnið
að því að ná 98 prósent endur-
vinnsluhlutfalli árið 2030. Í dag er
stefnan að ná 94 prósent hlutfalli.
Þrettánda heimsmarkmið SÞ er
Aðgerðir í loftlagsmálum og segir
Sigrún Ósk að loftlagsmarkmið
ÁTVR til ársins 2030 sé 40 prósent
samdráttur á útblæstri gróðurhúsa-
lofttegunda, miðað við árið 2016.
„Við höfum orkusparnað í fyrir-
rúmi ásamt því að draga úr losun
koltvísýrings (CO2). Sjónum er
beint að orkunotkun fyrirtækisins
og áhersla lögð á endurnýjanlega
orku í öllu framleiðsluferlinu,
ásamt sjálfbærum ræktunarað-
gerðum, til dæmis bindingu kol-
efnis.“
Samvinna um markmiðin, er 17.
heimsmarkmiðið sem ÁTVR fylgir.
„ÁTVR styrkir samvinnu við
ýmsa aðila, jafnt innanlands og á
alþjóða vettvangi, í því skyni að ná
markmiðum. Við leggjum áherslu
á norræna samvinnu, samstarf
við alþjóðleg samtök auk samtaka
innan iðnaðarins, vottunaraðila
og frjáls félagasamtök,“ útskýrir
Sigrún Ósk.
Heimsmarkmiðin áskorun
ÁTVR vinnur með systurfyrir-
tækjum sínum á Norðurlöndunum
og eru heimsmarkmið Sameinuðu
þjóðanna notuð sem rammi utan
um sameiginleg verkefni. Nor-
rænu einkasölurnar eru Alko í
Finnlandi, Systembolaget í Sví-
þjóð, Vinmonopolet í Noregi, Rús-
drekkasøla Landsins í Færeyjum
og Vínbúðin.
„Nú er til að mynda unnið
í vatni og mannréttindum í
aðfangakeðjunni og þar áður var
unnið í orkunotkun og kolefnis-
spori umbúða sem tengist heims-
markmiði um aðgerðir í loftlags-
málum. Á næsta ári verður unnið
með líffræðilegan fjölbreytileika,“
upplýsir Sigrún Ósk.
„Núverandi verkefni felst í að
kanna hvaða áhrif vatnsnotkun
við áfengisframleiðslu hefur í
framleiðslulöndunum og vekja
athygli á hugsanlegum neikvæð-
um áhrifum í aðfangakeðjunni
sem vatnsnotkun í framleiðslu
afurða getur haft á mannrétt-
indi.“
Í næsta mánuði verður svo
haldin ráðstefna í netheimum um
vatns- og mannréttindi þar sem
ný skýrsla og helstu áskoranir til
úrbóta verða kynntar.
„Að vinna í samræmi við heims-
markmið Sameinuðu þjóðanna
er áskorun sem snertir alla þætti
í rekstri. Mikilvægt er að setja sér
raunhæf en metnaðarfull mark-
mið, þannig getum við stuðla að
betra samfélagi,“ segir Sigrún Ósk.
Sjá nánar á vinbudin.is
Raunhæf en metnaðarfull markmið
ÁTVR hefur frá árinu 2016 unnið að innleiðingu heimsmarkmiða Sameinuðu þjóðanna um sjálf-
bæra þróun í ferla fyrirtækisins og góður árangur náðst við að ná settum markmiðum.
Sigrún Ósk við nýja hleðslustöð við höfuðstöðvar ÁTVR. FRÉTTABLAÐIÐ/STEFEÁN
Heimsmarkmiðin í Kópavogi
F y r i r t æ k i o g s t o f n a n i r i n n l e i ð a h e i m s m a r k m i ð
S a m e i n u ð u þ j ó ð a n n a u m s j á l f b æ r a þ r ó u n
Kópavogsbær vinnur markvisst að innleiðingu heimsmarkmiða Sameinuðu þjóðanna
um sjálfbæra þróun í starfsemi bæjarfélagsins.
Markaðsstofa Kópavogs hvetur fyrirtæki og stofnanir í Kópavogi til að undirrita
viljayfirlýsingu um innleiðingu heimsmarkmiða Sameinuðu þjóðanna og sýna þannig
samfélagslega ábyrgð í verki. Rekstraraðilar eru hvattir til að máta heimsmarkmiðin
við sinn rekstur og innleiða þau markmið sem best passa hverjum í stefnu sína og
daglegan rekstur.
Gerum Kópavog, Ísland og heiminn allan að betri stað til að búa og starfa í.
Nánari upplýsingar á
www.markadsstofakopavogs.is/heimsmarkmidin
10 KYNNINGARBLAÐ 3 0 . O K TÓ B E R 2 0 2 0 F Ö S T U DAG U RHEIMSMARKMIÐ SAMEINUÐU ÞJÓÐANNA