Fréttablaðið - 03.11.2020, Blaðsíða 2

COVID-19 Ragnhildur Hjartardóttir,
framkvæmdastjóri hjúkrunar á
hjúkrunarheimilinu Mörk, segir
það mikið áfall að hafa fengið sím-
tal þess efnis að heimilismaður á
Mörk hefði smitast af kórónaveir-
unni.
Viðbragðsteymi sýkingavarna
fyrir hjúkrunarheimili hafi verið
virkjað þegar í stað og öll hæðin,
þar sem sá smitaði bjó, hafi verið
sett í sóttkví.
„Við höfum tvisvar þurft að
grípa til svipaðra aðgerða þegar
upp kom smit hjá starfsmanni og
síðan aðstandanda fyrr á árinu.
Við vorum því vel undirbúin til að
takast á við þetta og vonandi verður
hægt að komast í veg fyrir frekari
smit,“ segir Ragnhildur.
Talin var þörf á því að sá smitaði
yrði lagður inn á Landspítalann til
eftirlits og var viðkomandi f luttur
þangað í gærkvöldi. Strangar heim-
sóknartakmarkanir hafa verið í
gildi frá 6. október og aðspurð segir
Ragnhildur finna fyrir að heimilis-
fólk á Mörk sé orðið afar þreytt á
ástandinu.
„Því er ekki að neita. Í fyrstu
bylgjunni þá var um eins konar átak
að ræða að sigrast á veirunni, sem
við gerðum tímabundið. Núna eru
liðnir átta mánuðir og ekki útséð
með hvenær ástandið lagast. Maður
finnur því vissulega fyrir því að fólk
er orðið lúið en það kemur ekki til
greina að gefast upp,“ segir Ragn-
hildur. – bþ
Maður finnur því
vissulega fyrir því
að fólk er orðið lúið en það
kemur ekki til greina að
gefast upp.
Ragnhildur
Hjartardóttir,
framkvæmda-
stjóri hjúkrunar
á hjúkrunarheim-
ilinu Mörk
Flugbíll við Tækniskólann
Eitthvað virtist hann máttlaus og hjálparvana fólksbíllinn sem hífður var upp á vörubílspall við Tækniskólann á Skólavörðuholti í Reykjavík í gær.
Hann hefur sjálfsagt verið á leið í aðhlynningu á viðeigandi stað. Kannski er vetrarbyrjunin að fara illa í hann eins og oft gerist. FRÉTTABLAÐIÐ/VALLI
MENNING Lögregluminjasafnið
ætlar að koma á fót sýningu á
næsta ári. Verður það í annað sinn
sem almenningur fær að sjá gripi
lögreglunnar frá fyrri tíð. Sýning
var 2003 í tilefni af 200 ára afmæli
íslensku lögreglunnar.
Árið 2016 stofnuðu núverandi og
fyrrverandi lögreglumenn félag um
starfsemina. Guðmundur Fylkis-
son, einn stjórnarmanna félagsins,
vonast til að sýningin verði í Firð-
inum í Hafnarfirði. Verið sé að safna
styrkjum. Til þess að af verði þurfi
veirufaraldurinn að ganga niður.
Munirnir eru bæði frá embætt-
unum og einkasöfnum og enn hafa
ekki allir kassar verið opnaðir. Til
er endurgerð af fyrsta lögreglubún-
ingnum, frá 1803, en elsti munurinn
er skjöldur frá árinu 1918 merktur
Politi upp á danska vísu. Hann var
í eigu lögreglumannsins Sigurðar
Hólmsteins Jónssonar.
Meðal annara athyglisverðra
hluta má nefna fjörutíu ára gamlan
búnað til fíkniefnaprófunar frá
Keflavíkurflugvelli, hlerunarbún-
að, talstöðvar, handjárn og mynda-
vél til að hengja undir f lugvélar
frá stríðsárunum. Einnig mikið af
búningum, höttum, húfum, orðum
og blístrum.
Margir af þessum gripum væru
nú glataðir ef sjö lögreglumenn, þeir
Karl Hjartarson, Friðrik G. Gunn-
arsson, Sævar Finnbogason, Sævar
Þ. Jóhannesson, Guðmundur Guð-
jónsson, Þórður Jónsson og Svavar
G. Jónsson, hefðu ekki varðveitt þá.
„Það leynist margt forvitnilegt, til
dæmis lítil kylfa sem er jafnframt
táragasbyssa. Hún er með einka-
leyfi frá 1929 en enginn vissi neitt
um hana,“ segir Guðmundur. „En
síðan var ég á ferðinni á Siglufirði
og þar leyndust tvær eins. Þessar
kylfur voru þá notaðar til að fást við
ólátaseggi á síldarárunum.“
Annað er borðfánastöng sem
lögreglumenn fengu í gjöf fyrir að
„gefa“ aukavinnu sína í tengslum
við lýðveldishátíðina árið 1944.
Lögreglumenn kunnu stjóra sínum
Agnari Koefoed Hansen litlar
þakkir fyrir þetta, enda kaupið lágt,
vinnan ærin og hafði marga hlakk-
að til að fá aukapeninga í vasann.
„Við eigum tvær fánastangir,
en sagan segir að margir hafi hent
sínum af því þeir voru svo reiðir.“
Verið er að kanna möguleika á
að sýna skotvopn, en þá eru gerðar
meiri öryggiskröfur. Nefnir Guð-
mundur til dæmis númeraða Colt
.38 skammbyssu, af þeirri gerð sem
afhentar voru Hermanni Jónassyni,
forsætisráðherra, og f leiri ráða-
mönnum í seinni heimsstyrjöld.
Áðurnefndur Sævar Þ. Jóhannes-
son hjá tæknideildinni, fékk Leir-
finn til varðveislu, en hann var
afhentur Þjóðminjasafninu án sam-
ráðs við Sævar. „Við erum þó fegin
að hann sé til sýnis því þetta á ekki
að vera ofan í kössum í geymslum,“
segir Guðmundur.
Félagið ræður yfir nokkrum
bílum og vélhjólum sem hafa sum
hver verið lánuð til safna víða um
land. Þá á félagið ógrynni ljós-
mynda, myndbanda og filma sem
verið er að færa á stafrænt form.
Guðmundur hvetur fólk til að hafa
samband ef lögreglutengdir munir
leynast í kassa uppi á háalofti.
kristinnhaukur@frettabladid.is
Sýning á dýrgripum úr
Lögregluminjasafninu
Verið er að safna styrkjum til að Lögregluminjasafnið geti komið á fót sýn-
ingu á gömlum gripum lögreglunnar. Meðal annars byssum, hlerunarbúnaði,
fíkniefnaprófunarbúnaði, byssum og kylfu sem jafnframt var táragasbyssa.
Guðmundur Fylkisson með muni úr sögu lögreglunnar. FRÉTTABLAÐIÐ/STEFÁN
Þessar kylfur voru
notaðar til að fást
við ólátaseggi.
Guðmundur Fylkisson aðalvarð-
stjóri
Bílar
Þ R I Ð J U D A G U R 3 . N Ó V E M B E R 2 0 2 0
Kia Sorento er nú kom-inn í sinni fjórðu kyn-slóð síðan að bíllinn kom fyrst á markað árið 2002. Bílablaðamaður Fréttablaðsins hefur fylgst með þróun hans frá upphafi og óhætt er að segja að bíllinn er sportlegur útlits og ólíkur fyrirrennurum sínum. 4
Lengi getur gott batnað 
VW ID.3 gerir flesta hluti vel
Myndin í
kýrauganu
6 8
Hafið samband við sérfræðinga Olís í síma 515 1100 eða pontun@olis.is og fáið nánari upplýsingar.
ÖRUGGT START
MEÐ EXIDE
RAFGEYMUM
Endingargóðir og sterkbyggðir rafgeymar fyrir flestar gerðir bifreiða. Veldu þaulreynda vöru frá gæðaframleiðanda.
SÉRBLAÐ
fylgir Fréttablaðinu í dag
COVID-19 Vísindamenn við MIT-
háskólann í Bandaríkjunum hafa
hannað sérstakt gervigreindarforrit
sem getur greint einstaklinga með
COVID-19 byggt á hvernig hósti
þeirra hljómar.
Samkvæmt BBC greinir manns-
eyrað ekki hljóðið í hóstanum sem
sker úr um hvort að um sýktan ein-
stakling sé að ræða. Tilraunir leiddu
í ljós rétta greiningu í 98,5 prósentum
tilvika. Skipti engu þótt sjúklingar
væru einkennalausir. „Sjúkdómurinn
virðist hafa áhrif á hvernig við búum
til hljóð,“ segir vísindamaðurinn
Brian Subirana. – bþ
App sem greinir
COVID-19
Skimun fyrir COVID-19.
Símtalið áfall
fyrir Mörkina
3 . N Ó V E M B E R 2 0 2 0 Þ R I Ð J U D A G U R2 F R É T T I R ∙ F R É T T A B L A Ð I Ð