Fréttablaðið - 10.12.2020, Page 10

Afgreiðslutímar á www.kronan.is
Höfum smá
gaman saman
um jólin!
Tímapantanir á opticalstudio.is
og í síma 511 5800
SMÁRALIND • HAFNARTORG • KEFLAVÍK
Sjónmælingar
eru okkar fag
BRETLAND Boris Johnson, forsætis-
ráðherra Bretlands, og Ursula von
der Leyen, forseti framkvæmda-
stjórnar Evrópusambandsins, fund-
uðu í gærkvöldi í Brussel um hvort
grundvöllur væri fyrir áframhald-
andi viðræðum um útgöngusamn-
ing. Aðalsamningamenn þeirra,
David Frost og Michel Barnier, voru
einnig viðstaddir.
Samkvæmt heimildum BBC hefur
Barnier rætt við embættismenn í
Brussel um að meiri líkur en minni
séu á að Bretar gangi samnings-
lausir úr Evrópusambandinu.
Bretland yfirgefur Evrópusam-
bandið endanlega um áramótin en
ekki hefur tekist að ná samkomu-
lagi um fjölmörg atriði, allt frá fisk-
veiðum til fríverslunar.
Johnson sagði í fyrirspurnatíma
á breska þinginu í gær að það væri
hægt að ná samningi en kröfur ESB
væru þess eðlis að ekki væri hægt að
fallast á þær. Meðal þess væri krafa
um að ESB gæti refsað Bretum ef
atvinnu- og umhverfisstefna þeirra
væri ekki í fullu samræmi við stefnu
ESB. „ESB vill að Bretland verði eina
landið í heiminum sem hefur ekki
fulla stjórn á landhelgi sinni,“ sagði
Johnson. „Ég tel ekki að það sé krafa
sem nokkur breskur forsætisráð-
herra gæti fallist á.“
Angela Merkel, kanslari Þýska-
lands, telur enn möguleika að sam-
komulag náist fyrir áramót. Það
megi þó ekki bitna á innri markaði
ESB. – ab
Johnson og Leyden funduðu um framhald á viðræðum í Brussel
Viðræður Breta og ESB hafa til þessa skilað litlu. FRÉTTABLAÐIÐ/EPA
Bretland yfirgefur
Evrópusambandið endan-
lega um áramótin.
UMHVE RFISMÁL Heimsfaraldur
COVID-19 hefur lítil sem engin áhrif
á loftslag heimsins til lengri tíma
samkvæmt Sameinuðu þjóðunum
(SÞ). Fram kemur í nýrri skýrslu
Umhverfisstofnunar SÞ, UNEP, að
þegar litið sé fram til ársins 2050
hafi faraldurinn leitt til 0,1 gráðu
hitalækkunar.
Síðustu mánuði hafa jarðarbúar
keyrt og flogið mun minna en áður.
Hefur það alls leitt til 7 prósenta
minnkunar á útblæstri gróður-
húsalofttegunda í ár, mun meira en
í kjölfar efnahagskreppunnar 2008.
Það dugar þó ekki til að koma í veg
fyrir að loftslag á jörðinni muni
hlýna um 3,2 gráður að meðaltali á
þessari öld.
Inger Andersen, framkvæmda-
stjóri UNEP, sagði við The Guardi-
an að margir héldu að minnkandi
útblástur síðustu mánaða hefði
langtímaáhrif, svo er ekki. „Einung-
is það að skrúfað er fyrir í smástund
þýðir ekki að baðkarið sé ekki fullt,“
sagði hún.
Til að hlýnunin nái aðeins
tveimur gráðum þurfi að minnka
útblástur gróðurhúsalofttegunda
um fjórðung fram til ársins 2030.
Petteri Taalas, framkvæmda-
stjóri Alþjóðaveðurfræðistofn-
unarinnar, segir að af leiðingar
útblásturs gróðurhúsalofttegunda
séu nú sjáanlegar um allan heim.
„Það hafa verið sett ný met í skógar-
eldum í Kaliforníu og Colorado,
það hafa verið gífurleg f lóð í Kína
og Víetnam. Þá hafa aldrei verið
jafnmargir hitabeltisstormar í
Karíbahafinu,“ sagði hann. Stefnir
í að árið 2020 verði í topp þremur
af heitustu árum frá upphafi mæl-
inga.
Andersen telur að innspýtingar-
pakkar ríkisstjórna um allan heim
í kjölfar faraldursins þurfi að miða
að kolefnisjöfnun. „Við getum
ekki læst alla inni til frambúðar og
stöðvað efnahagskerfi heimsins,“
segir hún. „Núna þurfum við að
tryggja að það fé sem verður varið
til viðspyrnu renni til kolefnisjöfn-
unar. Það gefst kannski aldrei aftur
svona tækifæri þar sem allar ríkis-
stjórnir heimsins fjárfesta svona
mikið.“
Aðeins fjórðungur G20-ríkjanna
hefur gefið út að fjárfestingar til við-
spyrnu við faraldrinum muni renna
til kolefnisjöfnunar. Mörg ríki hafa
þó lofað að stefna að kolefnishlut-
leysi. Þar á meðal Kína sem hyggst
ná kolefnishlutleysi fyrir árið 2060.
Bretland hyggst minnka útblástur
mikið næsta áratug. Joe Biden,
verðandi forseti Bandaríkjanna,
hefur lýst því yfir að hann stefni á
að Bandaríkin verði kolefnishlut-
laus fyrir árið 2050.
arib@frettabladid.is
Faraldurinn lítil áhrif
á loftslag til framtíðar
Útblástur gróðurhúsalofttegunda hefur minnkað mikið í COVID-19 heims-
faraldrinum, en það hefur lítil áhrif til lengri tíma. Framkvæmdastjóri Um-
hverfisstofnunar Sameinuðu þjóðanna kallar eftir markvissum aðgerðum.
Met hafa verið sett í skógareldum í ár. Hér gefur að líta skógareld á Spáni í júlí síðastliðnum. FRÉTTABLAÐIÐ/EPA
BRETLAND Bresk heilbrigðisyfir-
völd hafa gefið út að einstaklingar
með bráðaofnæmi eigi ekki að fá
bólusetningu við COVID-19. Til-
kynningin kom í kjölfar þess að
tveir heilbrigðisstarfsmenn fundu
fyrir ofnæmisviðbrögðum eftir
bólusetningu í gær.
Báðir starfsmennirnir hafa sögu
um ofnæmisviðbrögð, en þeir eru
báðir á batavegi. The Guardian
hefur eftir Peter Openshaw, pró-
fessor í læknisfræði við Imperial
College í London, að mjög litlar
líkur séu á ofnæmisviðbrögðum
við bóluefnum. „Það er mikilvægt
að setja þessa áhættu í samhengi.
Við prófanir á bóluefni Pfizer/
BioNTech voru ofnæmisviðbrögð
sérstaklega skoðuð. Í ítarlegum
gögnum þeirra sést að aðeins mjög
lítill hópur fann fyrir ofnæmisvið-
brögðum, eða 0,63 prósent,“ sagði
Openshaw. – ab
Einstaklingar með bráðaofnæmi fá ekki bóluefni
Bretar hófu bólusetningu í vikunni.
Einungis það að
skrúfað er fyrir í
smástund þýðir ekki að
baðkarið sé ekki fullt.
Inger Andersen,
framkvæmdastjóri UNEP
1 0 . D E S E M B E R 2 0 2 0 F I M M T U D A G U R10 F R É T T I R ∙ F R É T T A B L A Ð I Ð