Fréttablaðið - 10.12.2020, Qupperneq 58

Leikurinn Whamaged-don, með augljósri vísun í dómsdag, gengur ein-faldlega út á það að kom-ast hjá því að heyra Last Christmas til miðnættis
24. desember en þeir kalla sig „evr-
ópska heiðingja“ jólavillikettirnir
sem standa fyrir þessum háskaleik á
heimasíðunni Whamageddon.com.
„Leikurinn er einfaldur. Ef þú
heyrir Last Christmas með Wham!
ertu dottinn út. Mæli með þessu,“
segir Sveinn Waage, bjórkennari
með meiru, en hann tók ásamt
nokkrum vinum áskorun um að
taka þátt í Whamageddon.
„Ég er enn á lífi,“ segir Sveinn um
leið og hann viðurkennir að vera
orðinn ansi taugatrekktur. „Ég var
hjá tannlækni í morgun og hlustaði
eins og asni fyrir utan hurðina. Til
hvers? Til að heyra það ekki?“
Undir jólalagasnjóhengju
Þá segist Sveinn vera hættur að
hlusta á útvarpsfréttir og að hann
sé farinn að ímynda sér að jafnvel
X-ið sé ekki öruggt þar sem lagið
gæti komið þar í auglýsingu.
„Ég er líklega sá eini sem varð
svekktur yfir að meira fólk kemst
í búðir. Ég var með 100% afsökun,“
heldur Sveinn áfram en hann telur
einmitt verslanir hættulegastar.
„Ég fór í Bauhaus að kaupa lím og
Léttbylgjujólastöðin glumdi í hús-
kerfinu. Þetta var eins og að versla
undir hættulegri snjóhengju sem
marraði fyrir ofan mig. Mér leið
eins og ég væri í rússneskri rúllettu
í hvert sinn sem nýtt lag byrjaði,“
segir Sveinn sem er byrjaður að
undirbúa sig undir að verða undir
Wham!-snjóhengjunni í Krónunni
á næstunni.
Sumarfrí frá Wham!
„Ég er bara sprelllifandi, merkilegt
nokk, en hef ekkert þurft að hlusta
á útvarpið í viku þannig að ég er
alveg Wham-frír,“ segir útvarps-
maðurinn Þórður Helgi Þórðarson,
Doddi litli, sem nýtur þess að vera í
tveggja vikna fríi frá störfum sínum
hjá RÚV.
„Þannig að ég er mögulega góður
allavegana út þessa viku en svo fer
ég að lenda í veseni á mánudaginn.
Þá neyðist ég til að fara að spila
þetta. Maður spilar þetta sjálfur
til að eyðileggja fyrir öðrum,“ segir
hann og hlær.
Geggjað lag
Þórður hefur bent Sveini á við hvað
Last Christmas upp á líf og dauða
Þeir sem elska að hata Last Christmas með Wham! geta keyrt upp jólastressið í leiknum Whamageddon og
reynt að komast í gegnum aðventuna án þess að heyra lagið. Vitaskuld hægara sagt en gert í ljósi vinsældanna.
Felldur í fólskulegri árás
„Jú, ég er
dauður. Ég varð
samt reyndar
fyrir fólsku-
legri árás sem
varð til þess
að ég féll út,“
segir kennarinn og
tónlistarmaðurinn Hallur Guð-
mundsson.
„Þannig er að ég, 80’s-barnið,
er og verð alltaf Duran-megin í
tilverunni og reyni því að forð-
ast Last Christmas í lengstu lög
fyrir jólin af prinsippástæðum,“
segir Hallur, sem má því teljast
nokkuð þjálfaður í leiknum.
„Ég er í kennaranámi við HÍ
og við erum fjögur sem höfum
verið að vinna hópverkefni
alla önnina. Samskiptin hafa
farið fram mest á Messenger og
kvöldið fyrir próf sit ég uppi í
rúmi og er að glápa á sjónvarpið
þegar ég heyri „díng“ í símanum
en nenni ekki athuga hvað það
er. Þá heyri ég aftur „díng“ og
svo aftur og hugsa þá að nú
sé eitthvað að gerast.“ Hallur
skoðaði því skilaboðin sem
hann sá að snerust um áhyggjur
hinna af prófinu.
„Þá sé ég að einn hefur sent
raddupptöku þar sem hann
byrjar að tala eitthvað um
hvernig við ætlum að tækla
prófið. Svo heyrist tónlist í
bakgrunni eins og sími sé að
hringja og hann biður okkur að
bíða. Eins og hann ætli að svara.
Svo bara leggur hann tónlistina
að hljóðnemanum og þar með
var ég „dauður“ í Whamma-
geddon,“ segir Hallur sem gekk
beint í gildruna.
„Við erum öll húmoristar og
hinir vissu hvað klukkan sló,
spiluðu með í gríninu og lögðu
inn í umræðuna á Messenger
áður en ég gat svo mikið sem
gripið símann til að athuga hvað
væri á seyði og það gerði það að
verkum að ég hlustaði sérlega
vel á skilaboðin.
Það besta við þetta er svo að
hann náði tveimur fyrir einn þar
sem frúin var stödd inni í her-
berginu þegar ég var að hlusta á
þetta og hún hlaut sömu örlög.
En þessir samnemendur mínir
eru hið ágætasta fólk og erfi ég
þetta ekki.“
Whamageddon – Reglurnar
Fyrsta regla
Takmarkið er að halda
út eins lengi og mögu-
legt er án þess að heyra
jólalagið sígilda Last
Christmas með WHAM!
Önnur regla
Leikurinn hefst þann 1. des-
ember og lýkur á miðnætti 24.
desember. Frjálst er að styðjast
við staðartíma. (Já, við erum
evrópskir heiðingjar.)
Þriðja regla
Leikurinn snýst aðeins um upp-
runalegu útgáfuna af laginu.
Ykkur er velkomið að njóta eins
og ykkur lystir alls þess djöful-
dóms sem til er af síðari útgáfum
með öðrum flytjendum.
Fjórða regla
Þú ert úr leik um leið og þú
berð kennsl á lagið.
Bónus regla
Tilkynntu á samfélagsmiðlum
með myllumerkinu #whamaged-
don þegar þú fellur.
Heiðursákvæði
Ekki er hægt að banna þér að
senda aðra spilara til Whamhallar
með því að leiða þá í gildru en
tilgangurinn er að lifa leikinn af.
Þetta eru ekki Hungurleikarnir
þannig að ekki vera skepna, ókei?
George Michael í jólakósí þegar lagið kom út fyrir 34 árum. Nú leikur fólk sér víða að því að heyra lagið ekki.
er að etja með þeirri einföldu töl-
fræði að Last Christmas er í 3. sæti
yfir mest spiluðu lög Rásar 2 í des-
ember árin 2009-2013.
„Ég gæti alveg trúað því að þetta
sé á topp þremur yfir vinsælustu
lögin jafnvel bara í dag. Þetta er það
gott lag að ný kynslóð tekur þessu
bara sem nýju lagi og er bara að
digga það beint. Þetta er geggjað
lag og ég meina, Sveinn er örugglega
alveg til búinn til að viðurkenna
það.“
„Aldrei,“ er einfalt svar Sveins. „Ég
Minjagripir eru seldir fyrir
bæði þá sem komast af og
falla í whamlinn.
myndi gera það hvaða dag sem er.
Núna, einhverjum 40 árum síðar, er
þetta lag ennþá eitt vinsælasta jóla-
lag í heimi. Geri aðrir betur,“ segir
80’s-sérfræðingurinn af nokkurri
sannfæringu.
Skollaeyrum skellt
„Ef þú ætlar að spila leikinn þá bara
vinnurðu hann sko,“ svarar Þórður
þegar hann er spurður hvort það sé
ekki nánast vonlaust að komast hjá
því að heyra lagið í kringum jólin.
„Ég hef verið heppinn með það
og ég held að það sé alveg hægt að
ná þessu alla leið,“ segir Þórður sem
er sammála Sveini um að matvöru-
verslanirnar séu sérlega hættulegar.
toti@frettabladid.is
Þórður Helgi Þórðarson
Sveinn Waage Meira á frettabladid.is
1 0 . D E S E M B E R 2 0 2 0 F I M M T U D A G U R42 L Í F I Ð ∙ F R É T T A B L A Ð I Ð