Fréttablaðið - 18.12.2020, Qupperneq 6

NÁTTÚRUVÁ Sveitarstjórn Fjalla-
byggðar leggst hart gegn frumvarpi
Guðmundar Inga Guðbrandssonar
umhverfisráðherra um ofanflóða-
varnir. Það feli í sér tilfærslu á
eignarhaldi varnarvirkjanna og
þrengingu á möguleika til bóta. Það
er að rétturinn verði einskorðaður
við íbúðarhúsnæði.
„Ríkið hefur með almannavarnir
í landinu að gera. Verði frumvarp
umhverfisráðherra um ofanflóða-
varnir lögfest óbreytt, meðal ann-
ars um breytt eignarhald á mann-
virkjum, mun ríkið ekki lengur
hafa óskilyrta greiðsluskyldu til að
viðhalda þessum almannavarna
mannvirkjum,“ segir Elías Péturs-
son bæjarstjóri. „Sveitarfélögin
munu þá þurfa að koma á hnjánum
til ríkisvaldsins hvert sinn sem
eitthvað þarf að gera og óska sam-
þykkis á styrkveitingum til þeirra
þar sem þau hafa enga burði til þess
að reisa snjóflóðavarnir og viðhalda
slíkum mannvirkjum án fjárhags-
legrar aðkomu ríkisins.“
Drög að nýju hættumati eru til-
búin fyrir Siglufjörð og hafa verið
kynnt sveitarstjórn. Ljóst er að
bæta þurfi varnirnar, bæði garð-
ana og girðingar. Reiknað er með
að kostnaðurinn fyrir girðingarnar
einar og sér sé yfir milljarð króna.
Segir Elías einnig að með frum-
varpinu sé girt fyrir að ríkið taki
þátt í kostnaði við að fjarlægja eða
færa mannvirki af hættusvæðum,
sem eru í dreif býli og falli ekki
undir skilgreiningu íbúðarhúsnæð-
is. Þetta dragi úr möguleikum Ofan-
flóðasjóðs til að styðja við uppkaup
sveitarfélaganna á eignum. „Þær
eignir verða mögulega verðlausar
þegar ný hættumöt líta dagsins
ljós,“ segir Elías. En eftir f lóðin á
Flateyri í janúar hefur Veðurstofan
ráðist í gerð nýs hættumats í nokkr-
um byggðarlögum.
Skíðasvæðið á Siglufirði, sem er
í eigu sjálfseignarstofnunarinnar
Leyningsáss, er innan hættusvæðis
og mun þurfa að færa skíðalyftu og
skíðaskála með tugmilljóna kostn-
aði. En Leyningsás er samvinnu-
verkefni Fjallabyggðar og Róberts
Guðfinnssonar hóteleiganda. Skál-
inn og lyfturnar fullnægðu öllum
leyfum þegar þær voru reistar árið
1988 en síðan hafa verið settar á
kvaðir.
Þá hefur Leyningsás staðið í
stappi við ríkið vegna snjóf lóða-
vöktunar. Árið 2018 úrskurðaði
Umboðsmaður alþingis að ákvörð-
un ríkisins um að hafna því að
greiða fyrir vöktun hefði ekki verið
í samræmi við lög. Með nýju lög-
gjöfinni verður snjóflóðaeftirlitið
á skíðasvæðum á ábyrgð rekstrar-
aðila.
Samkvæmt fjárlögum verða 2,7
milljarðar settir í ofanflóðavarnir
á næsta ári, 1,6 milljörðum meira en
á þessu. Elías tekur hins vegar undir
með Halldóri Halldórssyni, fyrr-
verandi formanni Ofanflóðasjóðs,
að varnirnar „eigi inni“ hjá ríkinu
þar sem eyrnamerkt fjármagn hafi
verið notað í annað á undanförnum
árum.
„Nú er verið að setja mikla pen-
inga í ofanflóðavarnir af því að það
varð flóð á Flateyri, rétt eins og gert
var eftir f lóðin árið 1995,“ segir
Elías. „Ég hef áhyggjur af því að eftir
því sem líður lengra frá f lóði hall-
ist ríkið til þess að nota peningana
í annað, þó þeir séu eyrnamerktir
ofanf lóðavörnum, og þá verður
auðvelt að fella kostnað á sveitar-
félögin, það er verði frumvarpið að
lögum. Reynslan kennir okkur það.“
kristinnhaukur@frettabladid.is
Ég hef áhyggjur af
því að eftir því sem
líður lengra frá flóði hallist
ríkið til þess að nota pening-
ana í annað, þó þeir séu
eyrnamerktir ofanflóða-
vörnum, og þá verður
auðvelt að fella kostnað á
sveitarfélögin.
Elías Pétursson,
bæjarstjóri
Fjallabyggðar
Áhyggjur af verðhruni eigna
með tilkomu nýs hættumats
Bæjarstjóri Fjallabyggðar hefur áhyggjur af frumvarpi umhverfisráðherra um ofanflóðavarnir. Það feli í
sér eignatilfærslu til sveitarfélaganna en þrengingu á möguleikum til bóta. Rekstrarfélag skíðasvæðisins
mun þurfa að færa skíðalyftu og skála með tilheyrandi kostnaði og greiða sjálft fyrir ofanflóðavöktun.
Skíðasvæði Siglfirðinga uppfyllti allar reglur þegar það var byggt árið 1988 en er nú innan hættusvæðis. FRÉTTABLAÐIÐ/SIGTRYGGUR ARI
Bæjarstjórinn óttast að peningar sem ætlaðir séu ofanflóðavörnum verði nýttir á annan máta. FRÉTTABLAÐIÐ/STEFÁN
Margir lögðu leið sína á safn í ár.
SAMFÉLAG Í Listasafni Reykjavíkur,
Hafnarhúsinu, á Kjarvalsstöðum
og í Ásmundarsafni jókst fjöldi
Íslendinga sem skoðuðu söfnin um
sex þúsund og komu 76 þúsund
Íslendingar að skoða. Þar af voru
greiðandi gestir um 10 þúsund
talsins og fjölgaði þeim um fjögur
þúsund milli ára. Erlendum gestum
fækkaði þó um 30 þúsund.
Þetta kemur fram í aðsóknar-
tölum sem söfnin lögðu fram frá
janúar til nóvember og lagðar voru
fram á fundi menningar-, íþrótta-
og tómstundaráðs í vikunni.
Þegar Borgarsögusöfn Reykjavík-
ur eru skoðuð, það er Árbæjarsafn,
Landnámssýningin, Ljósmynda- og
Sjóminjasafn borgarinnar, koma
ekki jafn glæsilegar tölur í ljós. Þar
eru allar tölur rauðar og heildar-
fjöldi gesta minnkaði um tæp 129
þúsund. Aðsóknin fór niður um 57
prósent meðal Íslendinga, heildar-
fjöldi erlendra gesta minnkaði um
88 þúsund og heildarfjöldi gesta
með frían aðgang minnkaði um 50
þúsund. – bb
Fleiri heimsóttu
söfn á þessu ári
REYKJAVÍK Orkuveita Reykjavíkur
(OR) tæmdi Árbæjarlón varanlega
án samráðs við skipulagsyfirvöld í
Reykjavík. Þetta kemur fram í svari
umhverfis- og skipulagssviðs (USK)
við fyrirspurn Fréttablaðsins.
Forstjóri OR, sagði í tilefni af
ummælum skipulagsfulltrúa að
tæmingin hefði ekki verið í sam-
ræmi við deiliskipulag, að ákvörð-
unin hefði verið tekin í samráði við
fulltrúa USK.
Lónið var tæmt varanlega í októ-
ber síðastliðnum. Hefur stýrihópur
borgarinnar um Elliðaárdal sent
erindi á OR að vatnshæð lónsins sé
á deiliskipulagi.
Fram kemur í svari USK að OR
hafi haft samband við Heilbrigðis-
eftirlit Reykjavíkur og skrifstofu
umhverf isgæða og leitað eftir
umhverfissjónarmiðum. Fulltrúar
þeirra voru viðstaddir tæminguna.
Er það mat Heilbrigðiseftirlitsins að
jákvætt sé að tæma lónið til að áin
komist í upprunalegt horf. – ab
Ekkert samráð
um skipulag
DÓMSMÁL Héraðsdómur Reykja-
víkur féllst í gær á kröfu húsfélags
um að íbúðareiganda verði gert að
flytja út úr eign sinni og selja eignar-
hluta sinn í húsinu.
Í dóminum er löng röð atvika
rakin þar sem íbúðareigandi virti
ekki reglur um næturfrið, ítrekuð
afskipti lögreglu í kjölfar kvartana
annarra íbúa hússins um hávaða frá
tónlist og veisluglaum. Stóðu veislur
stundum fram á hádegi daginn eftir.
Þá höfðu íbúar hússins oftsinnis
kvartað undan hundahaldi íbúðar-
eigandans og að þrífa hefði þurft
upp hundaskít í sameign hússins.
Krafan er byggð á ákvæði í lögum
sem heimilar húsfélagi að leggja
bann við búsetu hins brotlega.
Hefur íbúinn mánuð til að flytja. – jþ
Dæmdur til að
selja eigin íbúð
1 8 . D E S E M B E R 2 0 2 0 F Ö S T U D A G U R6 F R É T T I R ∙ F R É T T A B L A Ð I Ð