Feykir - 26.06.2019, Blaðsíða 10

Sextándu Smábæjaleikarnir
Leiknir 250 leikir í
blíðskaparveðri
Smábæjaleikarnir í
knattspyrnu fóru fram á
Blönduósi helgina 15.-16. júní,
í 16. sinn. Í ár tóku 62 lið þátt,
eða um 400 þáttakendur
sem spiluðu um 250 leiki,
ásamt þjálfurum, liðstjórum,
foreldrum og öðrum gestum.
Um 70-80 sjálfboðaliðar
voru einnig að störfum á
mótinu.

Mótið var sett með látum að
morgni laugardags í góðu
veðri sem hélst nokkurn
veginn alla helgina. Kvöldvaka
fór fram á laugardagskvöldi
þar sem JóiPé og Króli héldu
upp miklu stuði við mikinn
fögnuð viðstaddra. Í hádeginu
á sunnudaginn var öllum
mótsgestum boðið í grillaðar
pylsur og verðlaunaafhend-
ing fór fram. Háttvísiverðlaun
Landsbankans og KSÍ voru veitt
á Smábæjaleikunum en með
verðlaununum vilja Lands-
bankinn og KSÍ verðlauna
háttvísi og heiðarlega fram-
komu allra sem að mótum
koma. Á þetta fyrst og fremst
við leikmenn, en ekki síður
þjálfara, foreldra, áhorfendur
og aðra aðstandendur.
Háttvísiverðlaunin á
Smábæjaleikunum hlutu í ár:
8. fl. – HHF
7. fl. – Magni
6. fl – ÍA
5. flokkur kk – Samherji
5. fl. kvk – Neisti/Smári
Stjórn Knattspyrnudeildar
Hvatar vill koma á framfæri
þakklæti til allra þeirra sem
komu að mótinu. /LAM
Ánægðir Samherjar með háttvísisverðlaunin. MYNDIR: LEE ANN MAGINNIS
JóiPé og Króli á kvöldvökunni.
Hvati fékk hópknús í lokin.
Fjölmargir tóku þátt á Smábæjaleikunum í ár. MYND: RÓBERT DANÍEL JÓNSSON
Snæfellsnes lyftir bikar á loft.
Krakkarnir í 6. flokki Neista Hofsósi. Stelpnaliðið fékk háttvísiverðlaunin.
MYND: GRÉTA DRÖFN JÓNSDÓTTIR
Tindastólskrakkar í baráttunni við Tindastólskrakka. MYND: JÓHANN SIGMARSSON
Strákarnir í Tindastóli ánægðir með bikarinn.
Ánægðir Hvatarkrakkar í mótslok.
10 25/2019